Monday, September 20, 2010

මගේ පොත කඩේ ඇත.

පොත් ප්‍රදර්ශනය බලන්න ගියා... එක පොතක් වත් ගත්තේ නම් නෑ... මගේ බිත්තිය කියවන හුදී ජනයාගේ හිත සුව පිණිස මගේ "පරිණාමයේ වේදනාව සහ වෙනත් කතා" පොතේ පිටපත් 15ක් පමණ ආරිය ප්‍රකාශකයෝ සහ තාරා ප්‍රකශන වෙත ලබා දුන්නා. මං ගැන අනුකම්පාවෙන් එම ප්‍රකාශන සමාගම් දෙක එම පොත් ලබා ගැනීම ගැන මාගේ ස්තූතිය. ඔවුන්ගේ කුටි සිරිමාවෝ බණ්ඩාරනායක ශාලාව ඉදිරිපිට ඇති තාවකාලික ගොඩ නැඟිල්ල තුළ තමා තියෙන්නෙ. හරියටම කිව්වොත් M.D ගුණසේන සමාගමේ කුටියට කෙලින් ම ඉස්සරහ තියෙන කුටිය තමා ආරිය ප්‍රකාශකයෝ. ගිය වෙලාවක නිකමට වගේ බලන්න. පොත ටිකක් පරණ වෙලා දැන්. ඉතින් කඩ ඇතුලෙදිත් සලකන්නේ කුඩම්මා තමා. ටිකක් හොයල තමා හොයාගන්න වෙන්නෙ.

3 comments:

  1. මං ගොඩක් වෙලාවට පොතක් ගන්නව නම් ඒ විද්‍යා ප්‍රබන්ධ පොත් විතරයි.... පරිවර්තන, ස්වතන්ත්‍ර කියල වෙනසක් නෑ...

    අයියගෙ ඔය පොත බොහොම කාලෙක ඉඳන් මා ළඟ තියෙනවා...
    හරි අපූරු කතා ටිකක්!

    ReplyDelete
  2. කාලෙකට කලින් මං ලියාපු විද්‍යා ප්‍රබන්ධ කතා ටිකක් විදුසරෙ පළවුණා... 2004 දි විතර...

    මාත් ආසාවෙන් ඉන්නෙ ඒ කතා ටික පොතක් විදිහට පළ කරන්න...

    ReplyDelete
  3. පොතක් විදියට ලියන එක හොඳයි. විකුණ ගන්න නම් ඉතින් ටිකක් අමාරුයි. ලාභ ගන්න හිතන්නෙ නැතුව කරන්න.

    ReplyDelete