Tuesday, January 26, 2010

1/2 Day එක

ඡන්දෙ නිසා අපට ලැබුණ එකම වාසිය. හෙට නිවාඩු දෙන්න කියල ආන්ඩුවෙන් කිව්වට කොම්පැනිය නිවාඩු නෑ.. :( අද රෑ නිදිමරාගෙන ඡන්දෙ බලල හෙට නිදි කිර කිර වැඩට එන්න වෙනවා... අපි වගේ හෙට වැඩට එන්න තියෙන අය නම් නිදහස් සාමකාමී සාධාරණ ඡන්දයක් තියෙනවට කැමති නෑ. යටි හිතින් හිතන්නේ අනේ කොහොම හරි ඇඳිරි නීතිය වැටෙන තත්වෙට වැඩ සිද්ද වෙන්න කියලා...(මමත් ඇතුළුව)

කට්ටියගෙ ෂෙයාර් කරල තිබිච්ච ෆිල්ම්ස් ටිකකුත් ගත්තා. අද රෑට අඩුම තරමේ ෆිල්ම්ස් 2-3ක් වත් බලන්න බැරි වුනොත් වැඩක් නෑ...

උදෙන්ම ගිහින් ඡන්දෙ ප්‍රකාශ කරල ආපු නිසා හවස් වරුව ආතල් එකේ ඉන්න පුළුවන්...

දැන් යන්න ඕනේ...

Saturday, January 23, 2010

මේජර් ජෙනරාල් ශවේන්ද්‍ර සිල්වා...

යුද්ධය විකුණමින් මේ කරන විගඩම් නටනවුනට යුද්ධ ජයග්‍රහණයේ සැබෑ අයිති කරුවන් කවුරුන්දැයි පැහැදිලි කළ අපූරුව... යුධ වීරයකු තුළ තිබිය යුතු සැබෑ විනය කෙසේදැයි මවාපෑමෙන් තොරව හදවතින්ම පෙන්වූ අපූරුව... සිදු වූයේ කුමක් ද යන්න අවංකව පැවසූ අපූරුව... සුදුස්සාට නියම ගෞරවය දෙමින් මහත්මා ගති පෙන්වූ අපූරුව...රට වෙනුවෙන් සේවය කිරීම යන්න කුමක් දැයි පැහැදිලි කළ අපූරුව...

රට වෙනුවෙන් කළ කී දේ නිසාවෙන් රට හැර යාමට සිදුවී ඇති අපූරුව...

හරි තීරණය රට වෙනුවෙන් ගත යුතු වන්නේ මෙවැනි වූ තවත් දස දහස් ගණනක් මිනිසුන්ට උපහාරයක් වෙනුවෙන් මිස කවදාවත් නොලැබෙන ඊනියා පොරොන්දු පත්‍ර නිසා නොවන බව දැන් වත් තේරුම් ගත යුතුය..

දූෂණයෙන් තොර, සුරංගනා ආර්ථිකයක් සහිත, සර්ව සම්පූර්ණ පාලකයන්ගෙන පිරි රටක් ගැන කතා කරන්නට ඉඩ සලසා දුන් මෙවන් මිනිසුන් පාවා දෙමින් කරන මේ විගඩම් කවදා හෝ පලදෙනු ඇත...

තමන් සිටිනුයේ කවර පැත්තේද යන්න තීරණය කිරීම ඔබ සතුය...

මෙවන් මිනිසුන් වෙනුවෙන් අවංකව වැඩ කළ නායකයා වෙනුවෙන් මම සිටිමි.

මේජර් ජෙනරාල් ශවේන්ද්‍ර සිල්වා මැති තුමනි ඔබට සුභ අනාගතයක්...

අපේ බ්ලොග් එක

අපේ කට්ටිය අද අළුත් බ්ලොග් එකක් පටන් ගත්තා... අපි කරන වැඩ, වැඩ කරන අතරෙදි ගහන මඩ, ඉගෙන ගන්න දේවල් ලියල, කට්ටියට පොඩි වෙනසක් එක්ක දවසේ පැය 8 ගෙවන්න පුළුවන් ක්‍රමයක් විදියට මේක හදන්න තීරණේ කළේ... සිංහල ඉංග්‍රීසි දෙකෙන්ම ලියන්න බලාපොරොත්තු වෙනවා...අපේ කට්ටියට තාම සිංහලෙන් ලියන්න හුරු නෑ... කාලයක් යනකොට හරි යයි...
 මේ බ්ලොග් එක සින්ඩියට දාන්න තාම අදහසක් නෑ... වැඩ කරන ආයතනයේ වෙනසකටත් එක්ක කරන්න හොඳ දෙයක් කියල හිතුණ නිසයි මේ පෝස්ට් එක දැම්මේ...

Friday, January 15, 2010

සූර්ය ග්‍රහණය මගේ ඇසින්.... (මගේ ෆෝන් එකේ කැමරාවේ ඇසින්)

අද සිදුවූ වළයාකාර සූර්යග්‍රහණය නිකමට වගේ මම මගේ ෆෝන් එකෙන් ෆොටෝස් ටිකක් ගත්තා..
මේ තියෙන්නෙ...


 

 
 





Saturday, January 09, 2010

Prison Break

ඔන්න මම යාන්තම් Prison Break බලල ඉවර කර ගත්තා..  කතාව ගැන අටුවා ටීකා ලියන්න නෙමේ මේ හදන්නේ... බලපු අය දන්නව ඇති කතාව කොහොමද කියල... වැදගත්ම දේ තමයි සාධාරණ කොටස් ගානකට පසුව නියමාකාරයෙන් කතාව ඉවර කිරීම... බොහෝ කතා මාලා වල දක්නට නොලැබෙන ලක්ෂණයක් විදියට මම ඒක දැක්ක... මම හිතන්නේ ලොකේ පුරාම අතිශයින් ජනප්‍රිය වූ මෙවැනි කතා මාලාවක් මෙලෙස වැදගත් විදියට ඉවර කිරීම පැසසිය යුතුයි... අපේ පවුලේ නාලිකා සහ ජනතාවගේ නාලිකා කරන විගඩම් එක්ක ඉතින් කවර කතා ද... PB Season 3 කොටස් 13කින් ඉවර කළේ රචකයින් විසින් පඩි වැඩි කරන්න කියල කරපු වර්ජනයක් නිසා. සමහර විට සම්පූර්ණ කතාවම මේ වගේ නතර කරන්න ඇත්තේ ඒ වගේ අභ්‍යන්තර ගැටළුවක් නිසා වෙන්න ඇති. හැබැයි වැදගත්ම දේ ප්‍රේක්ෂකයා අතරමං නොකර නියමාකාරයෙන් කතාව අවසන් කිරීම... Prison Break වගේ කතා මාලාවකින් ඒ වගේ සරල දෙයක් වත් අපේ කතා රචකයො ඉගෙන ගන්නවනම් ඒකත් ලොකු දෙයක්...

ලංකාවේ මිනිස්සු ගොඩක් දක්ෂයි නිර්මාණශිලීයි කියල හැමවේලාවකදිම අපි කියනවා නමුත් මිනිස්සුන්ගේ මතකයේ රැඳෙන විදියේ ගත යුතු දෙයක් තියෙන නිර්මාණ හරිම අඩුයි... අපේ තියෙන වටිනාකම් උපතින්ම අපට උරුම වෙලා තියෙන හොඳ ගතිගුණ, අපේ සංවේදීකම් අපි බොහෝවිට දකින්නෙ විදේශීය නිර්මාණ වලින්... අපේ නිර්මාණ වල තියෙන්නෙ බොහෝම බොළඳ වාණිජ කතාවක් විතරයි... අඩුව තියෙන්නෙ අපේ නිර්මාණ කරුවන්ගෙද... අපේ රටේ ද... 

Prison Break බලල ඉවර වෙනකොට මට හිතුනෙ ඔහොමයි...

Friday, January 08, 2010

මගේ ඡන්දය...

මගේ මහා ඡන්ද අයිතිය... මීට කලින් නම් මගේ ඡන්දය මෙච්චර වටිනව කියල මට කවදාවත් දැනිල තිබුණෙ නෑ... ඒත් දැන් නම් ඒක හොඳට දැනෙනවා...
මේ වෙලාවෙදි මේක ලියන්නේ සිහිවටනයක් විදියට... අනාගතයේ කවද හරි දවසක කියවනකොට හිතෙයි හරි දේ කළා කියල...

අනිත් අය හිතන එක කොහොම වුණත් මගේ හිතට එකඟව මම මහින්ද රාජපක්ෂට ඡන්දෙ දෙනවා... වෙන මොනවත් හින්ද නෙවෙයි යුද්දෙ ඉවර කරපු නිසා... ඒක කළේ කවුද කොහොමද කියන එක වැදගත් නෑ...සියුම් ව විග්‍රහ කර කර බයිල කියවන්න ඕනේත් නෑ... මහින්ද රාජපක්ෂගේ නායකත්වයෙන් ත්‍රිවිද හමුදාවන්ගේ ශක්තියෙන් යුද්දෙ දිනුවා... මම දකින සරලම ඇත්ත ඒකයි...

තමුන්ගේ හැකියාවන්ගෙන් හම්බ කරගෙන නිදහසේ ඕනෑ තරම් සැපට ජීවත් වෙන්න පුළුවන් රටක් දැන් අපට තියෙනවා...තව වෙන මොනවද...

සියළු දේ ආන්ඩුවෙන් දෙනකම් බලාගෙන ඉන්න මිනිස්සුන්ට ඕනේ දෙවල් දෙන්න හිටපු යුධ හමුදාපති තුමා වගේ සීයක් ඇවිත් දෙන්නම් කිව්වත් දීල බේරෙන්න බෑ... අපූරුවට බනියි මාස 6ක් යනකොට...

දන්න කාලේ ඉදන් තිබුන යුද්දෙ ඉවර වෙච්ච දවසෙ දැනුන සහනය සහ සතුට අවංකව කාට හරි දැනුන නම් ඒ සහනයේ හා සතුටේ අයිතිය, මූලිකත්වය දුන්න මහින්ද රාජපක්ෂ ජනාධිපතිවරයාට සහ යුද්දෙ ඉවර වෙන්න කලින් දවස වෙනකම් හමුදාවට බැඳිච්ච සියළු සහෝදර සහෝදරියන්ට එක හා සමානව අයිතියි කියන එකත් අවංකව හිතට දැනෙන්න ඕනේ කියල මට හිතෙනවා... ඒ සහනය ලබාදීම වෙනුවෙන් මට කරන්න පුළුවන් සරලම දේ ලෙස හිතල මගේ මහා ඡන්දය මම මහින්දට දෙනවා...

මගේ ලේ නම් ඉතින් රතු පාටයි...

එච්චරයි...

මගේ බිත්තියේ මට කැමති දෙයක් ලියාගැනීමේ පූර්ණ අයිතිය මට ඇතැයි සිතා මෙය ලීවෙමි... මෙහි ඇති සදාචාරාත්මක හෝ දේශපාලනික පසුබිම ගැන මම නොහිතනවා සේම අන් කිසිවෙකුත් ඒ ගැන WORRY නොවේවා යැයි සිතමි.

Wednesday, January 06, 2010

රතු ඉන්දියානු නායක සියැටල්ගේ ප්‍රකාශය - 1854 - මාර්තු - 11

පරිසරය පිළිබඳව මෙතෙක් කර ඇති හොඳම ප්‍රකාශයක් ලෙස සැලකෙන රතු ඉන්දියානු නායක සියැටල් විසින් තම නිජභූමිය මිලට ගැනීමට තැත් කළ  14 වන ඇමරිකානු ජනාධිපති ෆ්‍රැන්ක්ලින් පියර්ස් ගේ එම ක්‍රියාව සම්බන්ධයෙන් කළ ප්‍රකාශයේ ඉංග්‍රීසි පරිවර්තනය...

මෙය සියැටල් විසින් ප්‍රථමයෙන් කර ඇත්තේ Lushootseed නම් භාෂාවකින් වන අතර පසුව එය Chinook Jargon නම් තවත් භාෂාවකට පරිවර්තනය කර ඇත. පසු කලෙකදී Dr. Henry A. Smith නම් තැනැත්තෙක් එය ඉංග්‍රීසි බසට හරවා ඇති අතර මෙහි දැක්වෙන්නේ ඉන්පසුව සංස්කරණ කිහිපයකට භාජනය වූ ලිපියකි..


මෙහි සිංහල පරිවර්තනයක් ඇත්නම් කරුණාකර ලබා දෙන්න...

රතු ඉන්දියානු නායක සියැටල්














The President in Washington sends word that he wishes to buy our land. But how can you buy or sell the sky? The land? The idea is strange to us. If we do not own the freshness of the air and the sparkle of the water, how can you buy them?
Every part of this earth is sacred to my people. Every shining pine needle, every sandy shore, every mist in the dark woods, every humming insect. All are holy in the memory and experience of my people.
We know the sap that courses through the trees as we know the blood that courses through our veins. We are part of the earth as it is part of us. The perfumed flowers are our sisters. The bear, the deer, the great eagle these are our brothers. The rocky crests, the juices in the meadow, the body heat of the pony, and man, all belong to the same family.
The shining water that moves in the streams and rivers is not just water, but the blood of our ancestors. If we sell you our land, you must remember that it is sacred. Each ghostly reflection in the clear waters of the lakes tell of events and memories in the life of my people. The water’s murmur is the voice of my father’s father.
The rivers are our brothers. They quench our thirst. They carry our canoes and feed our children. So you must give to the rivers the kindness you would give to any brother.
If we sell you our land, remember that the air is precious to us, that the air shares its spirit with all the life it supports. The wind that gave our grandfather his first breath also receives his last sigh. The wind also gives our children the spirit of life. So if we sell you our land, you must keep it apart and sacred, as a place where man can go to taste the wind that is sweetened by the meadow flowers.
Will you teach your children what we have taught our children? That the earth is our mother? What befalls the earth befalls all the sons of the earth.
This we know: the earth does not belong to man, man belongs to the earth. All things are connected like the blood that unites us all. Man did not weave the web of life, he is merely a strand in it. Whatever he does to the web, he does to himself.
One thing we know; our God is your God. The earth is precious to him and to harm the earth is to heap contempt on its creator.
Your destiny is a mystery to us. What will happen when the buffalo are all slaughtered? The wild horses tamed? What will happen when the secret corners of the forest are heavy with the scent of many men and the ripe hills is blotted by talking wires? Where will the thicket be? Gone! Where will the eagle be? Gone! And what is it to say good-bye to the swift pony and hunt? The end of living and the beginning of survival.
When the last Red Man has vanished with his wilderness and his memory is only the shadow of a cloud moving across a prairie, will these shores and forests still be here? Will there be any of the spirit of my people left?
We love this earth as a newborn loves its mother’s heartbeat. So, if we sell you our land, love it as we have loved it. care for it as we have cared for it. Hold in your mind the memory of the land as it is when you receive it. Preserve the land for all children and love it, as God loves us all.
As we are part of the land, you too are part of the land. This earth is precious to us. It is also precious to you. One thing we know: there is only one God. No man, be he Red Man or White Man, can be apart. We are brothers after all.

Sunday, January 03, 2010

Google භාවිතයෙන් Hack කිරීම

මේක හරි සරල ක්‍රමයක්... මම හිතන්නෙ ගොඩක් අය දන්නවත් ඇති.. ඉස්සර මම මේ වැඩේ ගොඩක් කළා.. නියමෙට වැඩ.. අදත් හදිසියෙම ඕනේ වුණා.. ඉතින් පොඩි පෝස්ට් එකක් දාන්න හිතුනා..

ගූග්ල් එක කියන්නෙ අන්තර්ජාලේ පුරාම කරක් ගහන හැම දෙයක් ගැනම හෝදිසියෙන් ඉන්න ලෝකෙ ඉන්න ඉස්තරම් මොළ වලින් සැකසූ පද්ධතියක් නේ... මේකෙන් අපි එදිනෙදා කරන සෙවුමට වඩා ගොඩක් වැඩ කරන්න පුළුවන්... ඒ වැඩ වලින් එකක් තමා මේ hack කිරීම... මේක හැක් කිරීමක් කියල කිව්වට එහෙමම දේකුත් නෙවෙයි... මේකෙන් කරන්නෙ අන්තර්ජාලේ තියෙන අඩවි වල නිවැරදි ලෙස ආරක්ෂාවක් දීල ගබඩා කරල නැති ෆයිල්ස් ලේසියෙන් හොයාගන්න එක... ගොඩක් දේවල් හොයාගන්න පුළුවන්...  උත්සාහ කරල බලන්න.. එක සැරෙන්ම සමහර විට හොඳ ප්‍රතිඵල එන එකක් නෑ.. නමුත් ටිකක් හොයනකොට ගොඩක් දේවල් හොයන්න පුළුවන්..

කරන්න තියෙන්නෙ මෙච්චරයි

?intitle:index.of? mp3


මෙන්න මේ වචන ටික මේ විදියට ගූග්ල් එකෙ සෙවුම් කොටුවට දාල සර්ච් බට්න් එක ක්ලික් කරන එක විතරයි...mp3 කියන කොටසට පස්සෙ ගායකයගෙ,සින්දුවෙ හෝ ඇල්බම් එකේ නමත් එක්ක දැම්මනම් තවත් ලේසියි... mp3 වෙනුවට pdf,jpeg,mov,mpg වගේ ගොඩක් දේවල් හොයන්න පුළුවන්


උදා:
?intitle:index.of? mp3 jackson


කට්ටිය ට්‍රයි කරල බලන්නකෝ..
ඕනේ කරන එක ගොඩක් වෙලාවට නොමිලේම හොයාගන්න පුළුවන්...


තව අනිත් අයගේ සෙකියුරිටි කැමරා වලින් එන දර්ශනත් ගූග්ල් ගෙන් අපට බලන්න පුළුවන්. ඒකත් හරි ජොලි වැඩේ... 
ඒ වැඩේ කරන්න මේකෙන් පුළුවන්...


inurl:"ViewerFrame?Mode=refresh"

වඩා හොඳ ප්‍රතිඵල සඳහා
සෙවුමේ මුලින්ම එන පිටුවට වඩා දේවල් තියෙන්නෙ පහු පිටුවල 1,2,3 වගේ ගිහින් බලන්නකෝ..


අවවාදයක් විදියට මේ වගේ වැඩ රාජකාරි ස්ථාන වලදි නොකර ඉන්නවනම් හොඳයි...

Friday, January 01, 2010

2010 පළමු පෝස්ට් එක

මම දැන් නිදාගන්න යනවා... මේ අවුරුද්ද පුරාවට සියළු ලෝ වැසියන්ට සුව නිද්දක් ලැබේවා...

31ස්ට්...

2009 ට දාන අන්තිම පෝස්ට් එක මේක...
බ්ලොග් එක පටන් අරන් අවුරුදු 3ක් විතර වුණාට වැඩියෙන්ම ලිව්වෙ මේ අවුරුද්දේ... බ්ලොග් ලියන උනන්දුව වැඩි වෙන්න ප්‍රධානම හේතුව විදියට දකින්නෙ කියවන්න අය ඉන්නව කියල දැන ගත්ත එක...

සි.බ්.සමූහයට ස්තූතියි... සින්ඩියට සහ සින්ඩිගේ එන්ජිම බලා කියා ගන්න අයටත් ස්තුතියි...

ගෙවුන වසර දිහා ආපහු හැරිල බලන්න මම කැමති නෑ... තේරුමක් නෑ කියල හිතෙනවා... වෙන්න ඕනේ දේවල් වුණා... හැම දේම හොඳට වුණා කියල සරලව කියන්න පුළුවන්...

ජීවිතේ තමන්ට හරියටම හරි යන දේවල් කවද හරි අපිට ලැබෙනවා.. ඒ ඒ දේවල් ලැබෙන්නෙ තමන් ජීවත් වෙන විදිය අනුව... ජීවිතේ සැබෑ සතුට අපට දැනෙන්නෙ එතකොට...ඒ සතුට මේ අවුරුද්ද මට දුන්නා...

ලබන අවුරුද්ද ගැන ප්ලෑන් ගහන්නෙ නම් නෑ... මම කවදාවත් නොකරන දෙයක් තමයි ප්ලෑන් කරන එක...මහ කම්මැලි වැඩක්.. සිද්ද වෙන්න තියෙන දේ කොහොමත් ඒ විදියට වෙනවා...වෙන දේට මූණ දෙන්න ලෑස්ති වෙන එක තමයි හොඳම දේ...

කොහොම වුණත් ජීවිතේ ලස්සනම කාලේ ඉස්සරහට එයි කියල හිතෙනව...  හැබැයි මීට වඩා පිළිවෙලකට ඉන්න වෙයි වගේ... (අමාරුම වැඩේ ඕකනෙ ඉතින්...)

බොලොග් ලියන එකටත් ටිකක් කම්මැලි නැතුව එන්න හිතාගෙන ඉන්නවා... ඉස්සරහට ලියන්න දේවල් නම් ගොඩක් තියෙයි...

2010 ඉස්සර ඉඳල මම කැමතිම අවුරුද්දක්.... හේතුව නම් කියන්න තේරෙන්නෙ නෑ... මම හිතන්නෙ 2010 ස්පේස් ඔඩෙසි එක නිසා වෙන්න ඇති...සර් ක්ලාක් ගේ සිහින වලට පිස්සු වැටිල තියෙන තරම...

දැන් තමා අමාරුම වැඩේ තියෙන්නෙ... අවුරුද්දට විෂ් කරල එන මැසේජ් බලන එක සහ රිප්ලයි කරන එක... හොඳට නිදාගන්න තියෙන චාන්ස් එක මිස් වෙනව මේ මැසේජ් සෙල්ලම නිසා... මොකක් හරි ජිල්පිටිස් එකක් දාල නිදා ගන්න ඕනේ...

එහෙනම් දැන් ඇති.. ආයේ ලබන අවුරුද්දෙ හමු වෙමු... බොලොග් ලියන, කියවන හැමෝටම සහ මේ දුකින් සැපෙන් පිරි ජීවිතේ අපිත් එක්ක එකට ඉන්න සියළු වානර වර්ගයාට (පරිණාමය වුණේ වඳුරගෙන් නෙවෙයි කියල කිව්වට තාම වඳුරව අමතක කරන්න බෑ වගේ) සුභ අළුත් අවුරුද්දක් වේවා... මටත් එසේම වේවා..