Sunday, November 09, 2014

බුදු දහම සහ මම හෙවත් මගේ සත්‍යය ගවේෂණය - 2 කොටස

මේ තියෙන්නේ මුල්  කොටස . ඒ කොටස කියවල මේ කොටස කියවන්න පුළුවන් නම් වඩා හොඳයි  


ඉතිරි ටික ලියන්න කලින් තව පොඩි දේවල් ටිකක් ලියල ඉන්නම් . කලින් කතාවට ඌණ පුරණයක් විදියට 

මට  මගේ හිත ඇනලයිස් කරලා බලන්න පුළුවන් .. මම මගේ හිත තේරුම් ගන්න උත්සාහ ගන්න ඇත්තේ සමහරවිට ඔය තාත්තගේ මරණෙන් පස්සේ වෙන්න ඇති . සරලම උදාහරනේ තමයි ඊට පස්සේ මට දුක හිතන ඕනෑම වේලාවකදී මම හිතල බලනවා ඇයි මම මේ සිද්දියට දුක් වෙන්නේ ? මිට වැඩිය දෙයක් මට වුනානේ. ඉතින් මේක මොකක් ද ? ඔච්චරයි.

හරි ඉතින් මම බණ පොත්, ජාතක කතා  එහෙම ඊට ගොඩක් කලින් ඉඳන් කියවල තියෙනවා.  මම මේ කතාව කෙටියෙන් පටන් ගන්න තමයි අර රේරුකානේ හාමුදුරුවන්ගේ පොතෙන් පටන් ගත්තේ. 

ඔය එහෙන් මෙහෙන් කියවපු දේවල් වලින් සහ දෙමව්පියන්ගෙන් මම හොඳ නරක කියන දේ දැනගෙන හිටියා ..ඒ කියන්නේ පන්සිල් රකින(ඉඳල හිටලා මදුරුවෙක්, කුඹියෙක්  මරල/ ඉස්කෝලෙට රස්සාවේ බොසාට බොරුවක් කියනවා ඇරුනම)  මහා ලොකු ලෙස පවක් නොකරපු කෙනෙක්. මේ අපි හැමෝම  වගේ තමයි.

මම ඔය බොහොමයක් පොත් වල දී දැක්කේ, එහෙම නැත්නම් ඔය බණ වලදී අහන්න ලැබෙන්නේ මිනිස්සුන්ගේ අන්න ඒ බේසික් ටික හදන්න ඕනේ කරන ධර්මය .. ඊට අමතරව ඉතින් මේ සංසාරේ දුකයි . අපි පින් කරලා කොහොම හරි කෙලවර නිවන් දකින්න ඕනේ කියන ටික තමයි මට නම්  ඔය හැම බණකදිම ඇහිලා තියෙන්නේ.

අපිට නිතර ඇහෙන්නේ සමස්ථ සමාජය හදන්න කියන බණ  මිසක් ධර්මයේ හරය නැත්නම් ගැඹුරු තැන් පැහැදිලි කරන බණ නෙවෙයි . අනිත් එක බණ අහනකොට මුලින් ම ඔළුවට දෙන්නේ මේක ඔය ආවට ගියාට තේරුම් ගන්න බෑ  .. මේවා පින් කරපු අයට විතරයි තේරෙන්නේ  වගේ  අදහස් ..

අවංකවම සමහරවෙලාවට ඒ වගේ බණ  කියන හාමුදුරුවන්ට වැඩිය නම් ගමේ කුලී වැඩක් කරලා , හවසට ෂොට් එකක් දාගෙන, සිංදුවක් කියාගෙන ඉන්න මනුස්සය තුල නිහතමානි කම , අව්‍යාජ කම , නිරහන්කාරය වගේ මහා සුත්‍ර වලින් පැහැදිලි කරන ධර්මය ප්‍රායෝගිකව තියෙනවනේ කියල මට හිතිලා තියෙනවා.

ඉතින් මට හිතුනේ හරි මේ ටික මම දැනටම දන්නවා . ඒ කියන්නේ හොඳට ජිවත් වීම කියන කොටස. කෙළවර තියෙන නිවන ගැන කවුරුත් දන්නේ නෑනේ. අඩුපාඩු ඇති. හැබැයි   මෙතනින් එහාට කොහොමද කියන එක 

ඊට පස්සේ අපි හැමෝම කරන භාවනාව, මමත් අනාපානසතිය, සමථ , විදර්ශනා  ආදී වශයෙන් ඔය උගන්නන හැම එකම වගේ ට්‍රයි කළා සැහෙන කාලයක් . බොරු කියන්නේ මොකටද එක විනාඩි යක් හිතේ සිතුවිලි නැතුව ඉන්න මට බැරි වුණා.  නමුත් අර හිත ඇනලයිස් කරලා බලන ගතිය නිසා විදර්ශනාව එච්චර අමාරු දෙයක් විදියට හිතුනේ නෑ .. නමුත් මම විදර්ශනා භාවනාව කියල මහ ලොකුවට භාවනා කලේ නෑ.. 

මට ඔය දවස් වල නිකමට වගේ හිතුනා භාවනා කරන්න, හිත එකග කරන්න මෙච්චර අමාරු නම් .. ඒ කාලේ කොහොමද තොග ගානට මිනිස්සු සෝවාන්  ආදී මාර්ග ඵල ලැබුවේ කියල ... හැබැයි ඒ පෙර පින නැත්නම් සසර පුරුද්ද කියන එකෙන් එහා ගිය උත්තරයක් මට හොයන්න ඕනේ වුණා. 

ඔන්න ඔය වගේ ආපු ප්‍රායෝගික ප්‍රශ්න වලට අර පොත් වල උත්තර නොතිබුන නිසා තමයි  ඒ දවස් වල මම ඒවා කියවන එක අතෑරියේ ...රේරුකානේ හිමියන්ගේ පොත් වල තියෙන ධර්මය හෝ ඒ මාර්ගය ගැන මට කිසි ගැටලුවක් නෑ .. ඒව  100% ක් ඇත්ත . හැබැයි මට ඒ මාර්ගය  හරි නොගිය නිසා අතෑරලා දැම්ම. 

මට ඕනේ වුනේ මම ගෙවන මේ ජීවිතය තියාගෙන මේක තේරුම් ගන්න . ඒ නිසා වෙන්න ඇති මට අධිකාරම් මහත්මය සහ ක්‍රිෂ්නමුර්ති තුමාගේ ජිවන චරිත සහ ඉගැන්වීම් අල්ලලා ගියේ ..

ඌණ පුරණය ඉවරයි ...

දැන් තමයි ඉතිරි කොටස ...

ඉතින් එක දවසක දිමුතු අයියා පොඩි කතාබහකට කියල මේ කියන කෙනාව එක්කන් ආවා . ඒ කතා බහ අපි කලේ අක්කලාගේ ගෙදර . මගේ ජීවිතේ එක හැරවුම් ලක්ෂයක් ඒ කතා බහේදී සිදු වුණා කියල කියන්න පුළුවන් .

මම හිතන්නේ බොහෝ දෙනෙක් මෙතුමාව අඳුරනවා ඇති. ලංකාවේ දැනට ඉන්න විද්වත් අධ්යාපනඥ්යෙක් ,ඒ වගේම කවියෙක් සහ ලේඛකයෙක් වෙච්ච ඒ.එස් බාලසුරිය මහතා තමයි ඒ අපුරු පුදගලය. 

ඉලක්කය , දොරමඩලාව , අසිරිමත් බුදු වදන් ,  ආදී රුපවාහිනි වැඩසටහන් වලිනුත් මේ දිනවල විකාශය වෙන ඉඳුරු දොර නම් පෙරදිග දර්ශනය පිළිබඳව කෙරෙන ගුවන් විදුලි වැඩ සටහනිනුත් ඒවගේ තව බොහෝ විද්‍යුත් මාධ්‍ය වල තියෙන  වැඩ සටහන් සහ පාසල්  සිසුන්, ගුරුවරුන් සමග කරන වැඩ සටහන් ආදියෙන් බාලසුරිය මහත්මය  ලංකාවට එතුමාගේ දැනුම අවබෝධය ලබා   දෙනවා . ලෝකයේ විවිද  රටවල තමන් ලද අවබෝධයෙන් සේවයක් කරපු කෙනෙක් සහ භාෂා කිහිපයකට පරිවර්තනය වෙච්ච පොත පත රාශියක් රචනා කරපු විද්වතෙක් .



බාලසුරිය මහත්තය බොහොම සරල හරි අපූරු කෙනෙක් . අපිත් එක්ක හොඳට හිතවත්ව කතා බහ කරලා කාලයක් තිස්සේ දන්න අය වගේ  ආශ්‍රය කලේ . මගේ ඔලුවේ තිබුනේ මේ ආධ්‍යාත්මික මාර්ගයේ ගමන් කරන මේ වගේ අය ගැන වෙනස් ප්‍රතිරූපයක්. ඒ කියන්නේ පොඩි ආරුඩ කරගත් සිල්වත් බවක්  එහෙම නැත්නම් ශාන්ත දාන්ත ගතියක් තියෙන අමුතු රුපයක් තමයි මට මැවිලා තිබුනේ . හැබැයි බාලසුරිය මහත්තය ඊට හාත්පසින් ම වෙනස් . හරිම නැචුරල් විදියට ඉන්න අව්‍යාජ ගමේ මනුස්සයක් .

නමුත් මම පස්සේ කාලෙක එතුමාව ආශ්‍රය කිරීමෙන් දැන ගත්තේ නවීන විද්‍යාව ගැන  නිතර අලුත්වන දැනුමකින් ඉන්න, විද්‍යාවේ අලුත් සොයා ගැනීම් , මතවාද ගැන බොහොම බුද්ධිමත්ව බලන ,  ඒ වගේම පුරාණ පෙරදිග දර්ශනය  ගැන එහෙම නැත්නම් සතර වේදය ගැන ව්‍යක්ත දැනුමක් තියෙන , නමුත් මේ නුතන විද්‍යාව ප්‍රතික්ෂේප නොකරන හරිම ප්‍රායෝගික කෙනෙක්. ඒ වගේම හරිම විවෘත කෙනෙක් . 

ඉතින් එදා පොඩි සතුටු සාමිචියකින් පස්සේ   අපි කට්ටිය බාලසුරිය මහත්තයත් එක්ක අක්කලාගේ ගෙදර තියෙන  සඳලු තලේකට සෙට් වෙලා ඉතින් මේ ධර්මය ගැන කතා බහ පටන් ගත්තා . 

මට එදා කතා කරපු  සියල්ල මතක නෑ. නමුත් ඒ කතාවේ හරය වුනේ මෙන්න මේ වගේ දෙයක්  . 

මුලින්ම අපි ඔක්කොම නිහඬව ටික වෙලාවක් ඉඳල අවට පරිසරයේ තියෙන නිහඩ බව අත්වින්ද ඊට පස්සේ බාලසුරිය මහත්තය අපට පැහැදිලි කරලා දුන්නේ මේ ආධ්‍යාත්මික මාර්ගයේ ගමන් කිරීම කියන්නේ  ස්භාව ධර්මය සමග ජිවත් වීම කියන දේ . අපි මනසින් ගොඩ නගාගෙන තියෙන ලෝකයෙන් මිදිලා සොබාදහමට එහෙම නැත්නම් මේ වීශ්වයට අප විවෘත වෙන්න ඕනේ කියන එක. ඒක අත්දකින්න අපිට අපේ මනසින් ගැලවෙන්න ඕනේ කියන එක එතුමා පැහැදිලි කරලා දුන්න . ඒ වගේම අපිට පැහැදිලි කරලා දුන්නා  මේ සිහිය පවත්වාගෙන යන හැටි ගැන  සහ සිහිය   (consciousness) ගැන සහ ආධ්‍යාත්මික ජීවනයට  මේ සිහිය කොහොමද උපකාරී වෙන්නේ කියන එක ගැන . 

ඒ කියපු ගොඩක් දේවල් අපිට එදා තේරුනේ නෑ .. නමුත් ඒ කතාවේ අපි මිට කලින් කවදාවත් අහල නැති නැවුම් බවක් තියෙනවා කියල අපිට වැටහුනා .

ඒ නැවුම් බව අපිට දැනුනේ ඒ කතා බහ තුල කිසිම වෙලාවක පාලි වචන  එහෙම නැත්නම් අපි බණ කියල දන්න වචන වලින් තොරව මේ ධර්මය  ගැන සහ අපේ සිත ගැන කතා කිරීම නිසා වෙන්න ඇති . 

ඔන්න ඔය විදියට මුල්ම හමුවීම සිද්ද වුණා. 

ඊට පස්සේ ඉඳන් අපි නිතර හමුවෙන නිතර කතාබහ කරන හිතවතුන් බවට පත්වුනා  . ඒ වගේම එතුමා විශිෂ්ට මනෝ උපදේශකයෙක් වශයෙන් සහ වැඩිහිටියෙක් වශයෙන් මගේ ජිවිතයේ ඒ ඒ කාල වලදී ආපු ගැටළු විසඳගන්න මට සැහෙන්න උදව් කළා .

බාලසුරිය මහත්මය විවාහකයි දරුවෝ ඉන්නවා . ඒ  දරුවන්ගේ දරුවොත් ඉන්නවා . ඒ වගේම හොඳ නවීන පන්නයේ ගෙදරක් එතුමාට තියෙනවා. ඒ කියන්නේ බොහොම හොඳ ලෞකික ජිවිතයක් එතුමා ගෙනියනවා . 

ඒ කියන්නේ ඇත්තටම මේ වගේ දෙයක් හොයන කෙනෙකුට තේරුම් ගන්න ඕනේ වැදගත් ම දෙයක් තමයි ආගමික හෝ ආධ්‍යාත්මික ජීවිතය කියල දෙකක් නෑ කියන එක . තමන්ගේ එදිනෙදා ජීවිතය තුලින් මේ ආධ්‍යාත්මික ජීවනය අපි ප්‍රගුණ කරන්න ඕනේ . 

ඒ කියන්නේ තමන්ගේ දැනට තියෙන ප්‍රශ්න ටික ඉවර කරගෙන , එහෙම නැත්නම් නිවාඩු දාල , නැත්නම් හැමෝම වගේ වයසට ගියාම කරන්න ඕනේ දෙයක් නෙවෙයි මේක . මේ දැන් මේ මොහොතේ ඔබේ ජීවිතය ඔබ ගෙනියන්න ඕනේ මේ මාර්ගයේ.

ඒකට හොඳ ජීවමාන උදාහරණයක් බාලසුරිය මහත්තයාගේ ජීවිතය තුල තිබුණා .

මේ ලෞකික ජිවිතයේ තියෙන ප්‍රශ්න එක්ක කොහොමද මේ දේවල්  කරන්නේ ? අපි කොහොමද භාවනා කරන්නේ ?එහෙම නැත්නම් අපි කොහොමද පින් කරන්නේ? වගේ අපි හැමෝටම තියෙන ප්‍රශ්න වලින් තොරව මේ ගෙවන ජීවිතය මීටත් වඩා හොඳින් සාර්ථකව ගෙවන ගමන් අපි ඇතුලතින් වෙන්න ඕනේ දේවල් කොහොමද අපි දියුණු කරගන්නේ කියල බාලසුරිය මහත්මයා කියල දුන්න  

මම මේ කාලයේ දී  එදිනෙදා  ජීව්තයේ සිද්දි වලට මුහුණ දෙනකොට මගේ හිත හැසිරෙන්නේ කොහොමද මගේ හිත වැඩකරන්නේ කොහොමද කියන දේ ගැන සංවේදී වෙන්න  පුරුදු වුණා . ඒ කියන්නේ දුක, කෝපය, ඉරිසියාව  වගේ දේවල් පමණක් නෙවෙයි අපිට නොපෙනී  අපි තුලින් හීනියට මතුවෙන ලොකු කම , උද්දච්ච කම , ආඩම්බරය වගේ දේවල් මතු වෙනකොටම කොහොමද ඒක  දකින්නේ කියන එක තේරුම් ගත්තා .

ඒ වගේම අනික් වැදගත්ම කරුණ තමයි ඔබ තුල තියෙන කරුණාව නැත්නම් හොඳ නිසා අනිත් අයට වඩා තමන් උසස් කියන මානසිකත්වය නැත්නම් අපි ධර්මය දන්නවා,  මම මේවා දන්නවා කියන අපේ දැනුම නිසා   අපි තුල ඉබේම ඇතිවෙන සියුම් මානය  පවා  ඒ සිතුවිලි ඇතිවෙන වෙලාවේදීම දැනගන්න  තරමට හිත සියුම් කරගන්න පුරුදු වුණා .

අනිත් එක අපි තුල තියෙන නිහතමානිකම ගොඩක් වෙලාවට අපිට වඩා සමාජ මට්ටමින් හෝ ධනයෙන් , බලයෙන් හෝ මොනයම් හරි දෙකින් අඩු අයත් එක්ක ඉන්නකොට හරිම ලේසියෙන් තිබුණට , අපේම මට්ටමේ  නැත්නම් අපේම රැකියාවේ ඉන්න අපිට වඩා පොඩ්ඩක් ඉහල කෙනෙක් එක්ක ඉද්දි ඒ නිහතමානිකම ඉබේම අතුරුදහන් වෙලා ego  එක (මමංකාරය) එලියට එන හැටි දකින්න තරම් අපේ හිත සියුම් වෙන්න ඕනේ.

අපිට ජීවිතය තියෙන්නේ මේ මොහොතේ විතරයි කියන දේ තේරුම් කරලා දුන්නේ බාලසුරිය මහත්තය . ඒක  තේරුම් ගන්න එක බලෙන් වෙහෙස වි කළහැකි දෙයක් නෙවෙයි . ඒකට අපි තුල තියෙන යහපත දියුණු කරන්න ඕනේ . ඒක ක්‍රියාවෙන්   කරන්න ඕනේ . ආදරය කරුණාව වගේ මානුෂික ගුණාංග අපි තුල දියුණු වෙනකොට මේ සොබාදහම ගැන අපේ තියෙන සංවේදී කම වැඩි වීම තුලින් මේ දේවල් තේරුම් ගන්න පුළුවන් කියල තේරුම් කරලා දුන්න. 

මට හිතෙන්නේ අපේ සිත සියුම් වෙන්නේ අපි සොබාදහමට ලං වෙන තරමට .. සිත බලෙන් සියුම් කරන්න බෑ... සිතට සිතිවිලි එන එක නවත්තන්න අපිට බෑ .. නමුත් එන සිතිවිලි වලට සංවේදී වෙන්න පුළුවන් .. හිතට එන හිතුවිලි වලට සංවේදී වෙනකොට හිත සියුම් වෙනවා . ඒක නිරායාසයෙන් වෙන දෙයක්.

අනිත් වැදගත් ම දේ තමයි  "Learn to unlearn" කියන එක. ඒ කියන්නේ  ජිවිත කාලයක් තිස්සේ අපි මේ සමාජයෙන්, ආගමෙන් ඉගෙන ගෙන තත්වාරෝපනය කරගෙන තියෙන ඒ කියන්නේ condition කරගෙන ඉන්න දේවල් වලින්  තොරව යමක් දිහා නැත්නම් පුද්ගලයෙක් දිහා බලන්නේ කොහොමද කියන එක.  

සරලව කිව්වොත්  judge  නොකර බලන්න. මේ ඉන්නෙත් මම වගේම මනුස්සයෙක්  නැත්නම් ප්‍රාණියෙක් එහෙම නැත්නම් මම හැදිච්ච සොබා දහමෙම තව නිර්මාණයක් විදියට  දේවල් දිහා ප්‍රායෝගිකව බලන්නේ කොහොමද කියන එක .

මේ විදියට ජීවිතය දිහා බලනවා කියන්නේ අපේ හිත්  ඇතුලේ රාගය, ද්වේශය,මෝහය නිකන් ම නැති වෙලා යනවා කියන එක . රාග  ද්වේශ  මෝහ  ආදී වශයෙන් ඇතිවන සිතුවිලි දකින්න ඕනේ ඒ මොහොතෙදිමයි. විභාගෙකට ඉගෙන ගන්නවා වගේ ධර්ම කරුණු ඔක්කොම ඉගෙන ගෙන ඒවා ප්‍රැක්ටිස් කරලා පස්සේ කොහොම හරි රාගයයි , ද්වේශයයි  මෝහයයි නැති කරගන්නවා කියන දේ වැරදියි කියන එක අපි ප්‍රත්‍යක්ෂයෙන්ම   තේරුම් ගත්තා .

ඒ වගේම අපි කළයුත්තේ  කවදාවත් දුක් නොවෙන , කවදාවත් රාගයක් ඇති නොවෙන, මොනම හේතුවකට වත් තරහක් ඇති නොවන  කවදාවත් සතුටක් නොදැනෙන, සියලුම බැඳීම් වලින් ඉවත් වෙච්ච ජිවිතයක් ලබා ගැනීමට උත්සාහ කිරීම නොවෙයි කියන දේත් අපි තේරුම් ගත්තා .

මේ විදියට අපි කිසිවක් නොදන්නා අලුත් මිනිසෙක් විදියට ලෝකය දිහා බලනකොට ඔබට නැවුම් ලෝකයක් පෙන්න පටන් ගන්නවා. ඒ ලෝකයේ හැමදේම නැවුම් හැම මොහොතක් ම අලුත්.

මේ විදියට ජිවත් වෙනකොට ඔබට වැටහෙයි නිවීම තියෙන්නේ මේ දැන් , මෙතන මිසක් කෙළවර නෙවෙයි කියන එක .

අපි මේ දැනටම දන්න, අපි වන්දනා කරන සංකල්ප ගැන අපේ ඔලුවේ තියෙන අදහස ගැන වෙනස් කෝණයකින්  නැත්නම් වෙන  perspective  එකකින් බැලුවම ඒ දේවල් අපිට තේරුම් ගන්න පහසුවෙනවා . අපේ ඔලුවේ ආගම විසින් ගොඩනගල තියෙන ප්‍රතිරුප සියල්ල බිඳ වැටුනම අපිට මේ දේවල් වටහාගන්න ලේසියි කියල මම තේරුම් ගත්තා.

අපි මෙහෙම ටික කාලයක් ඉන්නකොට අපිට තවත් අපි වගේම මේ වගේ දේවල් ගැන උනන්දු වෙච්ච බොහෝ දෙනෙක් හම්බ වුණා .   ඒ අය  එක්ක එකතු වෙලා කතා බහ කරපු දේවල්, අපි කරපු වැඩසටහන් , ගිය තැන්  ගැන විස්තර මහ  ගොඩක් තියෙනවා . 

සත්‍ය ගවේෂකයින් ගේ කණ්ඩායමක් අපිට හිටිය  (දැනුත් ඉන්නවා)

මම මේ හම්බවෙච්ච ගොඩක් අයගෙන් කීප දෙනෙක් ගැන විස්තර ලියන්නම් . නැත්නම් මේක ඉවර වෙන්නේ නෑ ..

අපි මේ විදියට ටික කාලයක් ආශ්‍රය කරද්දී බාලසුරිය මහත්මය කිව්වා අපි වගේම මේ ක්‍රමයෙන් මේ ගැන හොයන්න උනන්දු වෙන තව අය ඉන්නවා . අපි ඒ අයත් එක්ක එකතු වෙලා මේවා ගැන තව හොයමු  කියල

ඊට පස්සේ අපි කට්ටිය ගියා තවත් අපුරු තැනකට .

ඔය ගම්පහ පැත්තේ ඉන්න අය දන්නවා ඇති වතුරුගම පාරේ ටික දුරක් ගියාම තියෙනවා මාලිගාකන්ද පන්සල .. ඒ පන්සලට ටිකක් කලින් තැනක් තියෙනවා  සනාතන ධර්ම නිකේතනය (මේ වගේ නමක් ) කියල කඳු ගැටයක් උඩ  ගල්තලාවකට මුහුණ දාල හදපු පොඩි තැනක්.

නියම නිස්කලංක පරිසරයක තියෙන තැනක් .

මේ තැන 1950 ගණන් වල ඉඳන් අපි මේ කතා කරන ගිහි ජීවිතය තුල ඉඳගෙනම කොහොමද මේ සත්‍යය තේරුම් ගන්නේ නැත්නම් ධර්මය අවබෝධ කරගන්නේ කියන එක ගැන උනන්දුවෙලා ඒ මාර්ගයේ ගිහින් ප්‍රතිඵල ලබා ගත්තු එක්තරා මහත්මයෙක් හදපු තැනක් .  බාලසූරිය මහත්මය ඒ කාලේ සිටම ඒ අය  ඇසුරු කරපු ඒ වගේම ඒ ස්ථානය පටන් ගන්න මුලික වෙච්ච අයගෙන් කෙනෙක් .

මෙතන විවිධ වැඩසටහන් පැවැත්වෙන තැනක් . දැනට එතන පාලනය කරන අයගෙන් අවසර අරගෙන තමයි අපි ඔය වැඩසටහන් වලට ගියේ ..

 මේ තියෙන්නේ එම ස්ථානය.
බාලසුරිය මහතා සමග සාකච්චා කරමින් 

මේ හමුවීම්  වලදී බාලසුරිය මහත්මය අපිට බොහොම ගැඹුරු ධර්ම කාරණා පැහැදිලි කරලා දුන්නා .ඒවගේම වැඩි පුරම අපි කලේ ඒ අවට තිබුණු කැලෑවේ තිබිච්ච ස්භාවික පරිසරයේ හුදෙකලා වෙලා පරිසරයට සංවේදී වෙච්ච එක . ගහකොලට සංවේදී වෙච්ච එක . වත් පිළිවෙත් රැකීම් , සාම්ප්‍රදායික ඇදහිලි වලින් තොරව නිදහස් පරිසරයක නිදහසේ ඉන්න ගමන් මේ ධර්ම කරුණු කතා කරපු එක තමයි මේ වැඩසටහන් වලදී කෙරුනේ. ඒ කතා කරපු හැමදේම මේකේ ලියන්න බෑ .. නමුත් ඒ හැමදේම තුලින් මේ "මම" කවුද කියල හඳුනාගෙන "මම" නැති කිරීමේ මාර්ගය බාලසුරිය මහත්මය අපිට කියල දුන්නා .

අනිත් එක තමයි අපි කාලයක් මේ විදියට මේ දේවල් ගැන ඉගෙන ගන්නකොට අපිට පොඩි සැකයක් මතුවුණා  අපි මේ කරන්නෙත් තවත් දෘෂ්ටියක් ඇතුලේ හිරවිමද  එහෙම නැත්නම් "බාලසුරිය දහම" කියල අමුතුම දහමක් ඇතුලේ හිරවීමක් ද කියන එක. මට මතකයි දිමුතු අයියා මේ කතාව කෙලින් ම බාලසුරිය මහත්තයගෙන් ඇහුවා . මොකද ඒ කාලේ තමයි ඔය විවිධ බුදුවරු ගොඩක් එක පාර පහළ වුණේ . 

ඒ වෙලාවේ බාලසුරිය මහත්තය හිනා වෙලා කිව්වා . "එහෙම හිතෙන එක සාධාරණයි . මම මේ කතා කරන්නේ කිසිම ආගමකට , සංවිධානයකට අයත් නැති සොබා දහමේ පවතින සත්‍යය ගැන. මට කාගේවත් ගුරුවරයෙක් වෙන්න ඕනේ නෑ .. මමත්  ඔබ සමග එකතු වෙලා සත්‍යයය සොයන කෙනෙක්" කියල. එතුමාගේ තිබුණු මේ නිර්ව්‍යාජ බව නිසා අපි තුල තිබුණු ඒ සැකය ඉවත් වුණා.

ඉතින් දැන්  අවුරුදු 5-6ක කාලයක් තිස්සේ අපි මාසෙකට සැරයක් ඔය වගේ හමුවීම් තිබ්බා. සමහර වෙලාවට ඔය එකතු වෙච්ච අයගේ ගෙවල් වලදී අපි හමු වුණා .  බොහොම අව්‍යාජ මිනිසුන් රැසක් මේ ගමන් වලදී මට හමුවුණා . සමාජයේ බොහොම සරල දිවිපෙවෙත් ගෙවන නමුත් බොහොම උසස් තල වල ඉන්න අය  ඉන්නවා කියන එක මම තේරුම් ගත්තා .

විජේසිංහ මහත්තය , රත්නායක මහත්තය ඒ වගේ අපි නිතර ඇසුරු කරන දෙන්නෙක්. ඒ අය බාලසුරිය මහත්මය සමග බොහෝ කාලයක් .. ඒ කියන්නේ දශක ගණනාවක් තිස්සේ මේ දේවල් අධ්‍යනය කරමින් , ඒවා තුල හැසිරෙමින්  ඒ වගේම ඒ අවබෝධය නිහඩව ලබාදෙමින් මේ කටයුතු වල යෙදුන අය. විජේසිංහ මහත්මය විද්‍යා ගුරුවරයෙක් වගේම සියනෑ  කොරළයේ පාසලක හිටපු විදුහල්පති කෙනෙක් . රත්නායක මහත්මය තමන්ගේම කියල කර්මාන්තයක යෙදෙන ඉංජිනේරු මහත්තයෙක් .

මේ චරිත වල තිබ්බ මනුස්සකම  තමයි අපිට  ධර්මය ප්‍රයෝගිකව තේරුම් කරලා දුන්නේ. ඔවුන්ගේ හැසිරීමේ, කතාබහේ ධර්මය තිබුණ. 

මේ ගිය හැම ගමනකදීම අපිට හිතන්න බොහෝ දේවල් ලැබුන. බාලසුරිය මහත්මයාගේ හැම දේශනයකින් ම අපි ලෝකය දකින විදිය වැඩිදියුණු වුණා .  අපේ සිහිය දියුණු වුණා  කිව්වොත් හරි . සිහිය දියුණු වෙන විට සමාධිය දියුණු වෙනවා .  ඒ දේවල් වුනේ අපි මේ දුවන, ගැටෙන , සල්ලි පස්සේ යන  මේ සමාජයේ  ඔහේ ජිවත් වෙන අතර තුරම තමයි .

අවසානයේදී ධර්මයත් ඇතුළුව සියලු දේ අපෙන් ගිලිහි ගිය විට පමණක් ඔබට ඒ සත්‍යයට නිරාවරණය වීමට හැකි බව බාලසුරිය මහත්මය අපිට කියල දුන්නා 

පෞද්ගලිකව මං ගැන කිව්වොත් තාත්තගේ මරණයත් එක්ක අඩාල  වෙමින් ගිය ජීවිතය නැවත ගොඩ නගාගන්න මම මේ ගිය මාර්ගය උදව්වුනා . ජීවතේ කලකිරිච්ච  සමාජයට , රටට, ලෞකික දියුණුවට වෛර කරන, ආගම් වාදී ,  හිස් චරිතයක් වෙනුවට කාල ඇඳලා,  රටේ ලෝකේ ඇවිදලා, පවුලක් පන්සලක් වෙලා අනිත් මිනිස්සුන්ටත් උදව් පදව්වක් කරගෙන , සිහියෙන් යුතු මනුස්සයෙක් විදියට ලෞකික ජීවිතය ගෙනියන්නේ කොහොමද කියන එක මම තේරුම් ගත්තා .

ඒ වගේම තමයි මම සහ ලෝකය කියන්නේ තවදුරටත් 2ක්  කියල නොහැගෙන,  විශ්වයේ අපරිමිත බවට විවෘත වෙච්ච, නිරන්තරයෙන් පවතින හේතු විරහිත ප්‍රීතියක් , සතුටක් , මහා සැනසීමක් සමග නතර වූ සිතක් සහිතව ජීවිතය දුකින් විමුක්තව ගෙවන්නේ කොහොමද කියන සත්‍යයය මම ප්‍රයෝගිකව අත්දැක්ක කියන්න පුළුවන් ..

මේ සටහනේ මම ලිව්වේ බොහොම ටිකයි . මේ ගෙවුණු කාලය තුල අපි අවබෝධ කරගත්ත දේවල් කතා කරපු දේවල් සැහෙන්න තියෙනවා . මම මේ ලිව්වේ ඒ දේවල්  කැටි කරපු  පොඩි සාරාංශයක් විතරයි .

මේ සටහන කියවපු කාට හරි බාලසුරිය මහත්මයාගේ දේශන, වැඩසටහන්  ආදිය ගැන උනන්දුවක් ඇති වුණා  නම් මේ තියෙන අඩවි වලින්  වැඩි දුර විස්තර දැනගන්න පුළුවන්

මම හිතන්නේ එතුමා යු ටියුබ් එකේ දාල තියෙන වීඩියෝ වලින් එතුමා ප්‍රායෝගිකව කරන වැඩසටහන් ගැන ඔබට බොහෝ කරුණු දැන ගන්න පුළුවන් ..

මේ ලින්ක් එකෙන්  එතුමා ගැන සහ එතුමාගේ පොත් පත් ගැන ඔබට විස්තර දැන ගන්න පුළුවන් .

ඒ වගේ ම මේ අඩවියෙන් එතුමා විසින් රචිත තවත් ලිපි සහ සිංහල බසින් සහ ඉංගිරිසි බසින් කරන ලද විවිධ දේශන ඔබට බලන්න පුළුවන්

මේ තියෙන්නේ යු ටියුබ් ලින්ක් එක කෙලින් ම ඔබට වීඩියෝ බලන්න පුළුවන්.

කිසියම් කෙනෙකුට මට වගේම මේ වගේ දේවල් ගැන උනන්දුවෙන් හොයන්න ඕනේ කියල හිතෙනවනම්  ඒ වගේ අයට උදව්වක් වෙන්න කියල හිතාගෙන ලියපු සටහනක් මේක. 

ඒ වගේම තමයි මේ සමාජය තුල ඉන්න  මවා ගත්තු ප්‍රතිරුප නැති , එහෙත් ජිවිතයේ හරය වටහාගෙන බොහොම උසස් තල වල ජිවත් වෙන මින්සුන්  ගැන  පොඩි දැනුවත් කිරීමක් කරන්න ලියපු සටහනක්.  

148 comments:

  1. බොහොම හොඳයි පැතුම්. //කාල ඇඳලා, රටේ ලෝකේ ඇවිදලා, පවුලක් පන්සලක් වෙලා අනිත් මිනිස්සුන්ටත් උදව් පදව්වක් කරගෙන , සිහියෙන් යුතු මනුස්සයෙක් විදියට ලෞකික ජීවිතය ගෙනියන්නේ කොහොමද කියන එක මම තේරුම් ගත්තා // - මේක තේරුම් ගත්ත එක හොඳයි. මමත් කරන්නේ මේකමයි. කාල ඇඳලා රටේ ලෝකේ ඇවිදින ගමන් නොදන්නා විද්‍යාවන් ඉගෙන ගැනීම. හැකිනම් දැනුම බෙදා දීම. අනුන්ට උදව් දිම. ඔයාගේ ලිපිය කියෙව්වම හිතුන ඒ දවස් වල ක්‍රිෂ්ණ මුර්ති කියවපු එකත් බල පාන්න ඇති. මිට අමතරව මගේ ටෙලස්කොප්යක් තිබෙනවා එකෙන් රෑට තරු බලන කොට අර ඔබ කිව්වා වගේ හැඟීමක් ඇති වෙනවා. තරු පිරුණු අහසේ සිත මහා විශ්වය හා සොබා දහම හා එකතු වී , මමත් ඒ විශ්වයේම පුංචි කොටසක් හැටියට නිහතමානී බවක් හා හරිම සතුටක් දැනෙනවා. ඒක වචනයෙන් විස්තර කරන්නත් අමාරුයි. ලින්ක් හොඳයි. වෙලාවක බලන්නම්.

    ReplyDelete
    Replies
    1. අජිත් බොහොම ස්තුතියි ,
      [සිත මහා විශ්වය හා සොබා දහම හා එකතු වී , මමත් ඒ විශ්වයේම පුංචි කොටසක් හැටියට නිහතමානී බවක්]

      ඔබට හිතෙන්නේ නැද්ද අපි ඇත්තටම විශ්වයේම පුංචි කොටසක් කියල .. අන්න ඒ කොටස "මම" .. නම් අපි ඒ විශ්වය සමග නැවත එකතු වුනාම ඉබේම "මම" නැතිවෙලා යනවා කියල හිතෙන්නේ නැද්ද ... මම තේරුම් අරන් තියෙන්නේ අන්න එහෙමයි ...

      මම ඔය ටෙලිස්කොප් එකක් ගන්න දැන් කාලයක් තිස්සේ බල බල ඉන්නවා .. ඔයා ළඟ තියෙන එකේ විස්තර පොඩ්ඩක් කියන්න පුළුවන් ද ? එකක් ගන්නකොට දැනගන්න ඕනේ දේවල් මොනවාද ?

      Delete
    2. //අන්න ඒ කොටස "මම" .. නම් අපි ඒ විශ්වය සමග නැවත එකතු වුනාම ඉබේම "මම" නැතිවෙලා යනවා කියල හිතෙන්නේ නැද්ද// ඔව් එහම තමා හිතෙන්නේ. මගේ පරණ ටෙලස්කෝපයත් තිබෙනවා . ඒක පවුම් 70 කට විකුනන්න ebay එකේ දාන්න ඉන්නේ. මම ටෙලස්කෝප තේරීම ගැන සිංහලෙන් ලිපියක් දානවා . ඒක බලන්න.

      Delete
    3. අන්න ඒ විදියට දකින මාර්ගය ගැන තමයි බාලසුරිය මහත්තය කියල දුන්නේ ... ඔබ ඒ සටහන් කියවල වීඩියෝ එහෙම බලන්න ...

      අන්න හොඳ වැඩක් .. මම හිතන්නේ ඒ ලිපිය ඊළඟ එක විදියට දාන්න .. සල්ලි සල්ලි කියල බලන්නේ නැතුව එකක් ගන්න ඉන්නේ ..

      Delete
  2. බොහොම අවධානයෙන් කියෙව්වා. පැතුම් කියන ගොඩක් දේ මමත් පිළිගන්නවා. අර සබැඳිවලින් ගිහිල්ලා කියවන්න ඕනෙ වැඩිදුර දැනගන්න.

    ReplyDelete
    Replies
    1. ඔහොම කියල ලිස්සල යන්නේ නැතුව දන්න දේවල් පොඩ්ඩක් කියන්නකො ... :)

      Delete
  3. ඔය වගේ කොච්චර සාකච්ඡා කරත් තමන්ගේ තරමින් තමා ගොඩ යන්නේ.. ඒකයි ඇත්ත. බුදුන් කරෙත් ඒකනේ. ලෝකයේ එයා දකින හැම දෙයක්ම අත් විද බැලුවට අවසානයේ නිදහස දිනුවේ ස්ව දැනුමෙන්.

    මචං අර නවීන ලස්සන ගේ මට දෙන්න බැරිද කියල අහපංකෝ බාලසුරිය මහත්තයගෙන්. ඔය දොරමඩලාවට ආවා මාත් දන්න හොද බහුශ්‍රැත අවංක අහිංසක බ්‍රහ්මචාරි මහත්තයෙක්.. දැන් ඉන්නවද කියල නං දන්නෑ බං. ඉන්නවං ඇත්තටම මල් තියල වදින්න ඕන.ඒ තරම්ම අති විසිස්ටයි අදහස් වලට අනුකූලව හැසීරිම හා කල්කිරියාව. නම නිකං මට මතක ජේ සුරියපප්පෙරුමාල් වගේ.. හැක්

    ReplyDelete
    Replies
    1. [ තමන්ගේ තරමින් තමා ගොඩ යන්නේ..] මේක හරි .. හැබැයි ඉතින් හැමදාම එකම ටික එකම විදියට ඇහුවට තමන්ගේ තරම වැඩි දියුණු වෙන්නේ නෑ නේද ? තමන්ගේ තරමට ඉබේ ගොඩ යනකම් ඉතින් ඔහේ හිටිය ට නම් වැඩක් වෙන එකක් නෑ ...

      ඉතිරි කොටසට උත්තර බඳින්න කම්මැලියි බන් .. ඔය වගේ කතා අහලම එපා වෙලා .. . (ඔන්න උඹේ තරම... හැක් හැක් හැක් )

      Delete
  4. පැතුම්. මේ සටහනේ ( එහෙම කිව්වේ ලොකු කතාවක සාරාංශයක් හින්ද) මගේ හිත ගිය තැන් ගොඩයි. ඒ හැමතනකටම කොමෙන්ටුවක් දැම්මොත් මම හිතන්නේ ඒක අසාර්ථක වෙයි. මොකද සටහන වගේ ගලායාමක් නැති හින්ද මම කියන්නේ මොකද්ද කියල නොතේරෙන්න තියෙනවා.

    මේ විදියට සත්‍ය කුමක්දැයි හොයන එකේ ගොඩක් වාසි තියෙනවා. ඒ වගේම අවාසිත් තියෙනවා. වාසිය ගැන කියන්නම්, අපි ආගමක් තුලට සම්පුර්ණයෙන් කොටු නොවී දර්ශනයක් ලෙස දකින එක. අවාසියත් ඒකමයි.. මොකද ආගමේ ( බුද්ධ ධර්මය නම් දාර්ශනික ආගමේ) අපිට මග සලකුණු තියෙනවා ( කලින් ගියපු අයගෙන් අසා දැනගත්) ඒ හින්ද වල්මත් වෙන්නේ අඩුවෙන්. හැබැයි දැන් වෙලා තියෙන්නේ ඊට වෙනස් වැඩක් ( ඒක මෙතනට අදාළ කරගන්නේ නැතුව ඉම්මු)

    ඔබ ඔය කියන ලෞකික සාර්ථක භාවය සමග බද්ධ වෙලා යන ආධ්‍යාත්මික සාර්ථකත්වය කියන දේ මමත් තදින් විස්වාස කරන්නේ ඇත්තටම මමත් එහෙම කරන එක ප්‍රයෝගිකව අත්හදා බලලා, ඇත්තටම සාර්ථක ප්‍රතිපල නෙලාගෙන තියෙන හින්ද ( ලොකුකමට කිව්වා නෙවෙයි) මමත් ඔබ වගේම මෙහෙම ගවේෂණයක් කළා, මගේ වයස 17-22 විතර කාලේ. හැබැයි, මට කණ්ඩායමක් හිටියේ නැහැ. ( අවාසනාව) මොකද මගේ වයසේ උන්නු අයට එහෙම උවමනාවක් තිබ්බේ නැති හන්ද , මම ගියේ තනි ගමනක්. ඒ වගේම ඔබට වගේ ක්ෂණික කම්පනයක් (ප්‍රමුඛ ලෙස ) වගේ සංසිද්ධියකට මුහුණදුන්න කෙනෙක් නොවෙන හින්ද ( තවම ) මගේ මේ ගවේෂණය අමුතු බවයි ඒ වයසේදී අනිත් උන් හිතුවේ.

    ඇත්තටම පැතුම්, අපි අපේ බණ 'අහන විදිය' වෙනස් කරන්න ඕනේ. මොකද දුක කියල හාමුදුරුවෝ කියනකොට අපිට මතක් වෙන්නෙම හොටු පෙරන් අඬන දුක. ඇත්තටම ධර්මය තුල එහි අර්ථය ගැඹුරුයි. පාලි වලින් ධර්මය කියවනකොට මේ අවුල වෙන්නේ නැහැ. මොකද එතකොට භාෂාවේ තියෙන ගැප් එක අඩු හින්ද.

    කොහොම උනත්, කොහෙන් සම්බන්ධ උනත්, අවසානෙදි එකම ගඟට වැටෙන එක තමයි වැදගත්. සමහර වෙලාවට සමහර පාරවල් ගැඹුරු , අඳුරු ළිං කරා අපිව ගෙනියනවා. ඒක තේරුම් ගන්න හරිම අමාරුයි.

    ඔබ 'සිල්මාතා කායිව්' කියවා තියෙනවාද? ඇයත් රහත් පලයට පැමිණියත්, සාමාන්‍ය දිවියක් තබාගෙන. සියලු වැඩ අතපසුකොට විමුක්තිය සෙවිය යුතුයි කියන එක එහෙනම් ඔබත් පිලිගන්නවා? සන්තෝසයි මිත්‍රයා!!

    විමුක්තිය සොයනවා හෝ ධර්ම මාර්ගයේ යනවා හෝ කියා කීමෙන් අදහස් කරන්නේ අප සතු සියලු ධන ධාන්‍ය අනුන්ට බෙදා දීමෙන් පෙන්නුම් කරන ගතිගුණයක් යැයි කියන විස්වාසය මට පෙනෙන්නේ විහිළුවක් ලෙස. ඒ චින්තනය ප්‍රථමිකයි. විශාඛාව, අනේපිඬු සිටුතුමා පවා වත් එහෙම කලේ නැහැ නේ? ඔවුන් සෝවාන් පවා වෙලා හිටපු සම්‍යක්දෘෂ්ටික අය ! එතැනින්ම එය ඔප්පු වෙනවා. එහෙම දන් දුන්නේ බෝසත්වරු - බුදුබව පතාගෙන. අපිට තේරුම් ගන්න බැරි තරම් සංකීර්ණයි ඒක. ලොකුකමට නෙවෙයි, මට නම් ඒ වපසරිය තේරුණා.

    හැබැයි ශ්‍රද්ධා කියන්නේ ලොකුම බලකනුව. එය නැත්තම් නියම ධර්ම මාර්ගයේ යනවා කියන එක සැක සහිතයි. ශ්‍රද්ධාව කියන්නේ ඕනේ දේකට 'සාදු සාදු' කියන එක නෙවෙයි.

    දැනට ඇති....
    සමාවෙන්න දිගට ලිව්වට.

    ReplyDelete
    Replies
    1. මේ කොටස මේ ලෙස නිවැරදි විය යුතුයි
      //මේ කොටස මේ ලෙස නිවැරදි විය යුතුයි

      සියලු වැඩ අතපසුකොට විමුක්තිය සෙවිය යුතුයි කියන එක 'පල් බොරුවක් බව' එහෙනම් ඔබත් පිලිගන්නවා? සන්තෝසයි මිත්‍රයා!! //

      සියලු වැඩ අතපසුකොට විමුක්තිය සෙවිය යුතුයි කියන එක 'පල් බොරුවක් බව' එහෙනම් ඔබත් පිලිගන්නවා? සන්තෝසයි මිත්‍රයා!!

      Delete
    2. උපේක්ෂා,

      [අපිට මග සලකුණු තියෙනවා ( කලින් ගියපු අයගෙන් අසා දැනගත්)] මෙච්චර කල් මම නම් දැනගෙන හිටපු මග සලකුණු තියල තිබුනේ ගිහිගෙය අතැරලා ගිය අය ..

      සියල්ල අතැරලා මේක කරන්න ඕනේ කියල පස්සට දදා ඉන්නේ නැතුව මේ ඉන්න ගමන් කොහොමද තේරුම් ගන්නේ කියල හොයා බැලීමක් තමයි මේක ...

      [සියලු වැඩ අතපසුකොට විමුක්තිය සෙවිය යුතුයි කියන එක] මේක මම නම් තේරුම් ගන්නේ මෙහෙමයි ..

      විමුක්තිය සෙවීම කියන දේ නතර වුනාම විමුක්තිය ලැබෙනවා .. ඒ සෙවීම නතර කිරීම ගැන ඉගෙන ගන්න අපිට අනිත් වැඩ කරන අතරෙත් පුළුවන් ...

      [හැබැයි ශ්‍රද්ධා කියන්නේ ලොකුම බලකනුව] මේක හරි .. හැබැයි ඔබට ශ්‍රද්ධාව තියෙනවා කියන දේ ඔබ තේරුම් ගත්තට පස්සේ තවදුරටත් එකේම එල්ලිලා ඉන්න එකෙන් වැඩක් වෙන්නේ නෑ නේද ? මම හිතන්නේ අර දේශකය කිව්වා වගේ තමන්ගේ තරම ගැන තමන්ට අවබෝධයක් ආපුවහාම එතනින් එහාට ඇති දේ ගැන හොයල බලන්න ඕනේ ..

      දන්න දේවල් අපි මේ විදියට කතා බහ කරමු ... දිග වැඩිවීම, ඉඩ මදි වීම හු කෙයාර්ස් මෙයා ...

      Delete
    3. [මග සලකුණු ගැන] ගිහිගෙයි ඉඳන්ම ධර්ම මාර්ගයේ ගියපු චරිත ගැන මම නම් නොයෙකුත් අවස්තාවන් වලදී කියෝලා තිබ්බ. ඒ වගේම මම සිඟාලෝවාද සුත්‍රය ඉතාම තදින්, උනන්දුවෙන්, ගැඹුරෙන් කියෙව්වා, හෙව්වා මගේ වයස 17 වගේ කාලේදී. ඒවා කොතරම් ප්‍රායෝගිකද කියල විස්තර කරන්න වචන නැහැ. ඇත්තටම මම මංගල සුත්‍රයට පස්සේ තදින්ම අධ්‍යනය කරපු අනිත් සුත්‍රය තමයි ඒ. අපේ ගෙදර ඊට ඕනේ කරපු පොත් තිබ්බ. දැන් මට මතක නැහැ.

      ඔව් පැතුම්. අපි පස්සට දානවා. ඒකට අපි අහන 'සමහර' දේශනා බලපානවා. ඒ කියන්නේ වෙනත් සාසනයක් කෙරෙහි කරන නූගත් ප්‍රාර්ථනාව.

      විමුක්තිය සෙවීම කියල මම අදහස් කලේ, 'කෝ තාම නෑනේ... කෝ දැන්වත් නෑනේ' කියමින් සෙවිල්ල නෙවෙයි. එය අපිව වෙහෙසකරවනවා. කොටින්ම භාවනාවකදී උනත් සමාධිය හඹාගෙන යනකොට වෙන්නෙම සමාධිය අපෙන් දුරස් වෙන එක. සමාධිය අපි කරා එන්නේ, සමාධිය බලාපොරොත්තු නොවී, මේ මොහොතේ චිත්තක්ෂණයට අවධානයෙන් ඉඳිල්ලෙන් මිසක් 'නොනවතින චෙක් කිරිල්ලෙන්' නෙවෙයි. මම ඒකයි කිව්වේ පාලියෙන් කියනකොට නියම අර්ථය මතුවෙනවා. අපි සිංහලෙන් කියනකොට අපේ සාමාන්‍ය භාවිතාවෙන් එන වචන වලින් අදහස විකෘති වෙනවා කියල.

      [ශ්‍රද්ධාව] බුද්ධ දේශනාවේ කියනවා, ඔබ ඔරුවක් පාවිච්චි කරලා ගඟකින් එගොඩ වෙලා, ඊට පස්සේ 'මට මේ ඔරුව ගඟෙන් එගොඩ වෙන්න උදව් කළා' කියල එතනින් එහාට යනකොට කරේ තියාගෙන යන්න හිතනවා නම්.. ඔබ තරම් මෝඩයෙක් නැතිය කියල. ඒ වගේමයි ධර්මය ( ශ්‍රද්ධාව සහ අනෙකුත් සියලු ධර්මයේ අඩංගු කරුණු) උනත් එගොඩ වෙන්න ගත්ත කියල කරේ තියන් ඉතිරි ටික යන්න ගත්තොත් එය විහිළුවක් සහ යා නොහැකි ගමනක් වෙනවා.
      ශ්‍රද්ධාව අවශ්‍ය වෙන්නේ කාරණා කීපයකට.

      එකක් තමයි : හිතන්න ඔබ ඉන්නේ අඩි ගානක් උස තාප්පෙකින් වටවුණු තැනක කියල. කෙනෙක් උත්සාහයෙන් ඔය තාප්පෙන් උඩට නැගලා ඔබට කියනවා තාප්පෙන් එහා තියෙන දේවල් ගැන. ඔබ ඔහුව විස්වාස කරන්නත්, නොකරන්නත් ඉඩ තියෙනවා... ඔබ විස්වාස කලොත් ඒ අනුව ඔබ වැඩ කරයි. හැබැයි මුලික දේ විස්වාස කිරිල්ල ( මම මේ කියන්නේ ඇදහිල්ල නෙවෙයි. ඔහු ඔබ නොදැක්ක යමක් දැක්කා/දකිනවා කියන මුලික කාරණේ) ඔබත් ඔබ 'පිළිගත්' ඒ උසස් පුද්ගලයින්ගේ අදහසට විවර උන මනසකින් බැලුව නේද? අන්න ඒ වගේ දෙයක්...

      අනික: සංසාරේ කියන්නේ බුද්ධ විෂයක්. ඒ තුල අපේ පරිචය බොහොම අල්ප මාත්‍රයක්. සමහර දේවල් බුදුවරුන් දේශනා කරන්නේ නැහැ ( ලෝක ආරම්භය (සසර), විශ්වයේ අනෙකුත් ජීවින් ඉන්නවද? නැද්ද?, තාරකා ආදිය - දැනට තාක්ෂණික විද්‍යා කොටස් ) ඒ හින්ද ඒ දේශනා නොකරපු කොටස් වලින් සමහර කරුණු ගලපන්න යන එක අති භයානකයි. මොකද ඒක හරියට වඩුවෙක් විසින් ඔපරේෂන් එකකට උපදෙස් දෙනවා හා සමානයි. එතකොට ශ්‍රද්ධාවෙන් පිහිටීමෙන් අපේ මාර්ගයේ ආලෝකය ඇතිකරගන්න එක වැදගත්. නැත්තම් අපි පාර වරද්දගන්නවා. අපි වෙන වෙන අර්ථ නිරුපනයන් වලට අහුවෙනවා.

      ඔබ මේ තනපු වේදිකාවට මම හරිම මනාපයි පැතුම්. මොකද අපිට දැන් වෙලා තියෙන්නේ කනෙක් පසුපසින් කනවැල අල්ලාගෙන යන තවත් කනයෝ රැලක් වගේ යනවාට වඩා බුද්ධිමත් ගමනක් යන එක ගැන හිතල බලන්න මේ වගේ සංවාද වැදගත් වෙන හින්ද.

      මම රැඩිකල් චින්තකයෙක් උනත් අත්දැකීමක් තියෙන දේවල් ගැන කෙලින් කතාකරන්න වැඩිය යන්නේ නැත්තේ අර මම කලින් කියපු වලිගෙන් අල්ලගන්න ගතිය බ්ලොග් ඇතුලෙත් පැතිරිලා තියෙන 'ලාංකික ලෙඩක්' හින්ද. පොර ටෝක් දෙන්නත් මගේ මනාපයක් නැහැ. ( ඒකත් එක ජාතියක පොර ටෝක් එකක් තමයි හෙහ්...)

      Delete
    4. අපි ගොඩක් අය තියරියක් විදියට මේ දේවල් දන්නවා.. කාත් එක්ක කතා කලත් කරන්න ඕනේ මේකයි කියනවා හැබැයි කිව්වට ඇත්තටම කරපු කෙනෙක් නෑ කියල උපේක්ෂට හිතිලා නැද්ද ?

      මට මේවා ගැන හොයන්න හිතුනු තව කාරනාවක් තමයි ඕක ...

      මේක දැනුමෙන් ගොඩ දාන්න පුළුවන් දෙයක් නෙවෙයි .. ඒ කියන්න දන්නවා කියල හිතන්න හිතන්න වැරදි පැත්තට යන විදියේ දෙයක් කියල තමයි මම හිතන්නේ ..

      [ඔබ විස්වාස කලොත් ඒ අනුව ඔබ වැඩ කරයි. හැබැයි මුලික දේ විස්වාස කිරිල්ල ( මම මේ කියන්නේ ඇදහිල්ල නෙවෙයි. ඔහු ඔබ නොදැක්ක යමක් දැක්කා/දකිනවා කියන මුලික කාරණේ) ]

      මේ විස්වාසය කෙනෙක් ගැන ඇති වෙන්නේ ඒ කෙනාගේ හැසිරීමෙන් , අදහස් වලින් සහ ඒ අදහස් වල තියෙන ඔරිජිනල් ගතිය තුලින් ...

      මට ඒ ගතිය මුලින් ම දැනුනේ ක්‍රිෂ්නමුර්ති තුමාගේ දේශන වලින් , බාලසුරිය මහත්මයාගේ දේශන වල ඒ ඔර්ජිනල් ගතිය එහෙමම තිබුනා සහ ඒවා අපිට ප්‍රායෝගිකව යොදා ගැනීම ගැනීමේදී එන ගැටළු වලට ලැබුණු පිළිතුරුත් ඒ
      වගේම ඔරිජිනල් .. ඒ කියන්නේ අර සුත්‍රයට අනුව ඕක මෙහෙමයි කියන දේ නෙවෙයි ..

      සංසාරේ වගේ සංකීර්ණ මාතෘකා ගැන කතා කරලා මේක මහා බරපතල දෙයක් කියන හැඟීම අපේ ඔළුවට වැටිලා තියෙන නිසා අපි කවදාවත් මේවා ගැන හිතන්න පෙළඹෙන්නේ නෑ නේද ? අනේ අපිට ඕව තේරෙන්නේ නෑ .. අපි ඔන්න ඔහේ පිනක් දහමක් කරගෙන ඉඳල ලබන ආත්මෙවත් ගොඩ දාමු කියන හැඟීම අපිට ඇවිල්ල තියෙනවා නේද.. ලබන ආත්මේත් බැරිවෙලා හරි ගොඩ දාගන්න බැරි වුනොත් ඒ ආත්මෙදිත් පින් කරන්න වාසනාවන්ත උපතක් ලැබෙන්න කියල හිතාගෙන මේ ආත්මේ වැඩි වැඩියෙන් පින් කර කර පින් එකවුන්ට් එකක් මේන්ටේන් කරනවා මිසක් මේ පින් කර කර ඇවිදින "මම" කවුද කියල තේරුම් ගන්න කියල බුදුහාමුදුරුවෝ දේශනා කරපු බණ පදේ ගැන කවදාවත් හිතන්නේ නෑ නේද අපි ..

      මට නම් ඔන්න ඔහොමයි ඕව ගැන හිතෙන්නේ ...

      පොර ටෝක් දීම සම්බන්ධයෙන් ඉතින් අපිට තියෙන්නේ ජාන වලින් ම එන හැකියාවක් නේ ... හෙහ් හෙහ් රටට වැඩකුත් නැති කියන එකාට වැඩකුත් නැති දේවල් ගැන පොරටෝක් දෙනවට වඩා මේ වගේ දේවල් ගැන ඔන්න ඔහේ ටෝක්ස් දාමු ... හූ කෙයාර්ස් :)

      Delete
    5. සූත්‍ර වලින් උපුටා දැක්වුවට පැතුම් මම මේ කියන්නේ 'තවත්' තියරි නෙවෙයි. ඒවායේ තිබ්බ දේවල් ප්‍රයෝගිකව මම කරලා, අත්දැකලා තියෙන කොටස් ගැන මම කියන්නේ. ඇත්තටම කරපු අය මුණගැහිලා තියෙනවා සහ මමත් ඇත්තටම එහෙම කරලා තියෙනවා, ප්‍රථිපලේ බලන්නත් කරලා තියෙන අවස්ථා තිබ්බ. ඒවා ප්‍රයෝගිකව සත්‍යයි. මම පොතේ දැනුම ගැන එතරම් විස්වාසය තියන කෙනෙක් නෙවෙයි. වැඩේ වෙලා තියෙන්නේ හැමදාම ඇල්මැරුණු විදියට කියල අපේ කන් වලට වෙලා තියෙන්නේ කම්මලේ බල්ලට වගේ, ඔහේ අහනවා මිසක් හිතන්නේ නැතිකම.

      යම් කෙනෙක්, දේශනාවක් අපිව හිතන්න පොළඹවනවා නම්, ඒ දේශනාව අතිශයින් වැදගත්!

      'මම' ගැන සහ ඒ සම්බන්ධ කාරනා ගැන මමත් ගොඩක් හෙව්වා. තේරුම් ගන්න හරිම අමාරුයි. නමුත් මට ඒ දේවල් තේරුම් ගන්න ඕනෙකරන අඩුම කුඩුම මට පොත්පත්වල තිබ්බ. ඔබ කලින් කියල තිබ්බ වගේ 'මට' තරහ, සතුට, ඊර්ෂ්‍යාව , සතුට, ශෝකය දැනෙනකොටම ඒ බව දැනෙන ගතියක් ලැබුනා. ඒ 'දැනීම' සහ 'සතිය' වැඩෙන්නට මම කරපු මනෝවිද්‍යා උපදේශන පාඨමාලාවත් උදව් උනා. දැනටත් සියුම් හැඟීම් ඇරුණුකොට, එකපාරටම එන හැඟීම් ගැන මම ආපස්සට හිතනවා. ඒ වැඩේ මම විසින්ම හදාගත්ත මෙතඩ් එකක්. ( මම කියෝපු, අහපු පොත් , දේශනා වලින් උකහා ගත්ත ප්‍රයෝගික කොටස) එහෙමයි කියල ඔලුව අවුල් කරගෙන හිතන්නේ නැහැ. ඒක සැහැල්ලු විමර්ශනයක්. විමර්ශනය අවසානයේ මම මටම යමක් කියනවා
      "ආ.... ඉරිසියා හිතුන නේ? එහෙම නොකර ඉන්න"
      "තරහ ගියා නේද? ඇයි තරහ ගියේ?"

      වගේ සංවාද ඇතුලේ ගොඩනැගෙනවා. ඒවා මට මාව කවුද කියල කියල දෙනවා. මේවා මම ධර්ම පොතපතින් ගත්ත කොටස්. සමහර වෙලාවට ඔබට මුණගැහුන අයටත් මේ දේවල් හිතෙන්න ඇත්තේ. ඔව්.. ඔබටත්!

      සසර ගැනනම් ...පැතුම්... මට ඔබ ඔය හිතන ආකල්පේ නම් නෙවෙයි තියෙන්නේ. සසර කෙටිකරගන්න මේ ජිවිතේ ඇතුළෙන්ම පටන් ගන්නවා මිසක් පින් අමුණන එක මම විස්වාස කරන්නෙම නැහැ. ඔබ ඔය කියන්නේ සම්ප්‍රදායික බණ දේශනාවලින් මිනිස්සුට කියන අර්ථය. මම එහෙම බණ සහ දේශනා අහන්නේ නැහැ. ඇත්තටම තෝරලා බණ අහන්නේ. සසරට කලින් ඔබ කියනවා වගේ අපි අපි ගැන මුලින්ම හොයන්න ඕනේ. ඔව්... සහතික ඇත්ත..... මෙහෙම හිතිලා නැද්ද...

      සමහර සිද්ධි, හැඟීම්, හැසිරීම් වගේ දේවල් ඔබට විස්තර කරන්න බැරි මූලයක් තියෙන්නේ.. ඒ කියන්නේ ඔබ සමහර හැසිරීමක් සහ ඒකට පාදකවෙච්ච කාරණයක් විස්තර කරන්න, විමර්ශනය කරන්න හදල තියෙනවද? සමහර මිනිස්සු, තැන් අපිට එකපාරටම නොරිස්සන්න හෝ දුටුගමන් ආකර්ෂණය වෙන්න වගේ දේවල් වෙලා තියෙනවද? ඔබ හොයල තියෙනවද ඒ ඇයි කියල? ( මම මේ කියන්නේ යොවුන් ප්‍රේමය කියන සිල්ලර කරුණ ගැන නම් නෙවෙයි) මම හොයල තියෙනවා.... ඒ කරනා පුදුම ඉන්ටරෙස්ටින්....

      Delete
    6. හිතට සංවේදී වෙන ගතිය මටත් ඉස්සර ඉඳන් තිබුනා .. මම හිතන්නේ ඒ සංවේදී කම තියෙන අයට මේක තේරුම් ගන්න ලේසියි .. අනිත් අයට ඒ සංවේදී කම හදා ගන්න එක හරි වැදගත් ..

      [මම' ගැන සහ ඒ සම්බන්ධ කාරනා ගැන මමත් ගොඩක් හෙව්වා. තේරුම් ගන්න හරිම අමාරුයි. ]

      ඔන්න ඔය අපිට තේරුම් ගන්න බැරුව හිරවෙන තැන් ගැන අපි ගොඩක් කතා කළා .. ඒවගේ දේවල් වලට නිවැරදි උපදෙස් ඕනේ වෙනවා කියල මම හිතන්නේ ... අපිටත් එහෙම තැන් තිබුනා ... වැඩකට යොමු නොවෙච්ච හැමවෙලාවෙම ඕවා ගැන තමයි ඒ දවස් වල කල්පනා කලේ ..

      මම සසර සංකීර්ණ කම නොදන්නවා නෙවෙයි .. ඒක ගැන සැකයක් මට නෑ .. හැබැයි ජිවත් වෙන හැම මොහොතම සංසාර දුක මෙනෙහි කර කර කලකිරිච්ච ජිවිත ගෙවන එකෙන් මේක තේරුම් ගන්න පුළුවන් කියල මම හිතන්නේ නෑ .. සසර දුක කියන සමස්ථය තේරුම් ගැනීම වැදගත් හැබැයි අපි තුල තියෙන ඔය කෙලෙස් නැති වෙන්නේ මේ ගෙවන ජීවිතය සතුටින් ගෙවන තරමට .. අපිට නිරන්තර සතුට අත්දකින්න පුළුවන් නම් (කාල / බිලා / ජොලි කරන සතුට නෙවෙයි ) මනසින් සියල්ල අතහැරලා හැබැයි ජීවිතය හොඳට වැඩකරමින්, ලෞකික සැප ලබමින් සැපවත් ව ගෙවන ජීවිතය තුල තියෙන සතුට ගැන මම කියන්නේ ..

      මේ සැප කියන්නේ මුලික අවශ්‍යතා සහ සෙසු අවශයතා ටික හිතට බරක් නැතුව ලබාගන්න තත්වය ලෞකික ජීවිතය තුල ලබා ගැනීම .. ඉස්සර මිනිස්සුන්ගේ සරල ජිවිතය ඒ ආකාරයෙන් ම අපිට දැන් විඳින්න බැරි නිසා ... මේ ජීවිතය කඩාකප්පල් කරගෙන සරල වෙන්න ට්‍රයි නොකර මේ ඉන්න ජීවිතය තෘප්තිමත් විදියට ගෙවන ගමන් යහපත් දේ කරමින් ගෙවන ජීවිතය තුලින් සසර කෙටි කරගන්න පුළුවන් ...

      බාලසුරිය මහත්මය අපිට කියපු වැදගත් දෙයක් තමයි නොවිසදුනු ගැටළු තියාගෙන මේ ගමන යන්න බෑ කියන එක .. ඒ කියන්නේ කෙනෙක් ආර්ථිකව , සමාජීයව වුනත් හොඳින් ඉන්නවනම් මේ වගේ දේවල් වලට නිදහස් මනසකින් යොමු වෙන්න පුළුවන් ... සසර දුකයි ඒ දුකින් ගැලවෙන්න ඕනේ කියල උදේ හවස වඳ වැටීමෙන් වෙනසක් වෙන්නේ නෑ කියන දේ තමයි මට කියන්න ඕනේ වුණේ ...

      අපි ඔය සුපර්නචුරල් දේවල් ගැනත් ගොඩක් කතා බහ කළා .. ඒවා මේකේ ලියන්න ගියොත් මේ කතා කරපු දේවල් වලින් වැඩක් නැති වෙලා ඒවාට මුල් තැන ලැබෙනවා ..

      උපේක්ෂා ලංකාවේ ඉන්නවනම් වෙලාවක ගිහින් බාලසුරිය මහත්තයව හම්බවෙලා බලන්න ... ඇත්තටම බොහෝ දේවල් පැහැදිලි කරගන්න පුළුවන් ..

      Delete
    7. මේ පොස්ටුවට මම දාන අන්තිම රිප්ලයි එක මේක... නැත්තම් මේක එකම තැන කැරකෙන දියසුළි දෙකක් මිසක් ඒකාත්මික බවක් නැතිවෙනවා. ඔබේ පෝස්ටුවේ අරමුණ වැරදියට අර්ථ නිරුපනය වෙලා මෙවන් පොස්ටු ඉදිරියට ලියන එක ( ඔබ හෝ වෙනත් අය ) වැළකෙනවා.

      //බාලසුරිය මහත්මය අපිට කියපු වැදගත් දෙයක් තමයි නොවිසදුනු ගැටළු තියාගෙන මේ ගමන යන්න බෑ කියන එක .. ඒ කියන්නේ කෙනෙක් ආර්ථිකව , සමාජීයව වුනත් හොඳින් ඉන්නවනම් මේ වගේ දේවල් වලට නිදහස් මනසකින් යොමු වෙන්න පුළුවන් ... සසර දුකයි ඒ දුකින් ගැලවෙන්න ඕනේ කියල උදේ හවස වඳ වැටීමෙන් වෙනසක් වෙන්නේ නෑ කියන දේ තමයි මට කියන්න ඕනේ වුණේ ...//

      මේ කතාව ඇත්ත. මම එයට යමක් එකතු කරන්න කැමතියි.
      නොවිසඳුණු ගැටළුත් විවිධාකාරයි. සමහර ගැටළු අපිට අපේ මේ ජිවිතයේ ක්‍රියාවකින්, සිතුවිල්ලකින් වෙනස් කරලා විසඳන්න පුළුවන්. සමහර ගැටළු එහෙම නැහැ.
      උදාහරණයක් විදියට ඔබට බීමත් සැමියෙක් නම් හෝ වධක භාරියාවක් නම් ලැබී තිබෙන්නේ, ඔබේ විමුක්තියට බාධාවක් වෙනවාද එය? ( හිතන්න ඔබට දික්කසාදයක් කරා යන්න බැහැ කියල - ඒ කියන්නේ මේ ජීවිතේදී විසදිල්ලක් ලැබෙන්නේ නැහැ)

      එක්කෝ නිධන්ගත රෝගයකින් පෙළෙනවා කියල හිතන්න.. ( පිළිකාවක් හෝ දැනට බෙහෙතක් සොයාගෙන නැති ලෙඩක්) ඒ කියන්නේ සමහර දුක් කරදර එක්කම අපිට මේ ගමන යන්න වෙනවා එතකොට. මම නම් කියන්නේ එහෙම උනත් අපිට මේ ගමන යන්න පුළුවන්. (මම එහෙම යන/ගියපු අය මුණගැහිලා තියෙනවා/අහල තියෙනවා)
      ඒ වෙනුවෙන් නොසැලෙන සිතක් ( 'මම' සහ මගේ සසර ගමන ගැන 'දන්නා') තමයි එකම පිහිට. මම මේ කියන්නේ මගේ සැබෑ අත්දැකීම් ( මට බේබදු සැමියෙක් හෝ නිධන්ගත රෝගයක් 'දැනට' නොමැති බව කරුණාවෙන් සලකන්න.. හි... හි..) මේ ජීවිතයේදී මට එහෙම හම්බවුන අයගේ නම් ගම් කියන්න මම කැමති නැත්තේ ඔවුන්ගේ පුද්ගලිකත්වය මම අගයකොට සලකන හින්දත් , ඒ කතන්දර මගෙත් එක්ක කිව්වයි කියල මුළු රටම ඒ ගැන දැනගන්න එක සාධාරණයි කියල නොහිතන හින්දත්.

      මම කලිනුත් කිව්වා වගේ - සසර ගැන 'බය' කියන්නේ අපි සිංහලෙන් පාවිච්චි කරන 'බය' නෙවෙයි. ඒ කියන්නේ 'අම්මෝ සසර.. මගේ අම්මේ.. බේරගනියෝ... දෙය්යනේ මාව බේරගනියෝ' කියමින් මර බයෙන් ජිවත් වීමවත්, 'මෙව්වා වැඩක් නැහැ... ඔක්කොම අනිත්‍යයි... මොකටද උත්සහ කරලා... ඕනේ දෙයක් වෙච්චාවේ ' කියල අතපය බැඳගෙන ඉන්න එක නෙවෙයි.... සංසාරයේ තිබෙන අනතුර පිළිබඳව තිබෙන අවබෝධාත්මක බිය. ඒකෙන් 'භීතියක්' උපදින්නේ නැහැ. තිබෙන 'භීතිය' ඉවත්වෙනවා මිසක්.

      මම ලංකාවේ තමයි දැන් ඉන්නේ. මම උත්සහ කරන්නම් බාලසුරිය මැතිතුමා ගැන තව කියවන්න සහ ඔහුත් සමග ඔබ කියන සංවාදවලට සහභාගිවෙන්න.

      තව දෙයක්, මේක අපහාසයක් විදියට නොගන්නවානම් හොඳයි. ඔහොම කවයක් වගේ එකක් තිබෙනවා නේද 'නලින්ද සිල්වා' මැතිතුමාටත්? ඔහුගේ ඒ පංති වලට මගේ ළඟම හිතවතෙක් සහභාගී උනා. පොඩ්ඩක්වත් මගේ පැහැදීමක් නැහැ ඒ දේවල් ගැන. මොකද අන්තිමට ඒක මායාවන් එක්ක බැඳිලා ගියපු දුෂ්ඨ විද්‍යා පංතියක්' ලෙස මිසක් වෙනත් දෙයක් ලෙස ',මට' නොපෙනෙන හින්ද. මම වැරදි ඇති.

      අවසාන වශයෙන්..
      පැතුම්.. ඔබ තවදුරටත් මේ ගැන විවිධ මාතෘකා පදනම් කරගෙන ලියනවා නම් මම කැමතියි. මොකද මේ වගේ සංවාද තරුණ අය 'නොකරන තරම්' වෙලා. ෆැන්ටසි ලෝක වලටම තමයි වැඩිපුර මාර්කට් එක.

      Delete
    8. ඔක්කොමත් හරි [ෆැන්ටසි ලෝක වලටම තමයි වැඩිපුර මාර්කට් එක] මෙන්න මේ ෆැන්ටසි ලෝක වලට මොකුත් කියන්න එපා ... හෙහ් හෙහ් හෙහ් .. අපිටත් තද වෙනවා ..මම තනිකරම ජිවත් වෙන්නේ ෆැන්ටසි ලෝකවල ..ඒ කියන්නේ [My life is so much more interesting inside my head] තේරුනානේ ...:D :D

      [එක්කෝ නිධන්ගත රෝගයකින් පෙළෙනවා කියල හිතන්න.. ( පිළිකාවක් හෝ දැනට බෙහෙතක් සොයාගෙන නැති ලෙඩක්) ඒ කියන්නේ සමහර දුක් කරදර එක්කම අපිට මේ ගමන යන්න වෙනවා එතකොට. මම නම් කියන්නේ එහෙම උනත් අපිට මේ ගමන යන්න පුළුවන්. (මම එහෙම යන/ගියපු අය මුණගැහිලා තියෙනවා/අහල තියෙනවා)
      ඒ වෙනුවෙන් නොසැලෙන සිතක් ( 'මම' සහ මගේ සසර ගමන ගැන 'දන්නා') තමයි එකම පිහිට. ]

      මේ ක හරි .. ගොඩක් වෙලාවට මෙවැනි තත්ව වල ඉන්න අය වඩා ඉක්මනින් මේ සත්‍යය අවබෝධ කරගන්නවා ..

      මම අදහස් කලේ මේවගේ විශේෂිත අවස්ථා ගැන නෙවෙයි .. පොදුවේ ගත්තම අපිට ලෞකික ජිවිතේ බොහෝ ගැටළු වලින් මිදීමට හොඳ ආර්ථික තත්වයක් හොඳ රැකියාවක් තිබීම හේතුවෙනවා වගේම මෙවැනි දේ ගැන අවබෝධයක් ලබන්නත් පහසුවක් වෙනවා කියන එක .. ඒ කියන්නේ වයසට ගිහින් බැරි වෙන කම් ඉන්න ඕනේ නෑ .. මුදල් , රැකියාව , සමාජ සම්මත කිසි දෙයක් ගැටලුවක් වෙන්නේ නෑ කියන එකයි මට කියන්න ඕනේ උනේ ..

      උපේක්ෂගේ කතාව හරි ... මම මේ පෝස්ට් එක දැම්මේ මේවා ගැන ලොකුවට කතා කරන්න හිතාගෙන නෙවෙයි .. මොකද අපි කියන දේවල් නිසා ගොඩක් අයට වැරදි චිත්‍ර මැවෙන්න පුළුවන් ... මොකද අපි ලියන එක කියවන කෙනා අපි අදහස් කරන විදියටම තේරුම් ගන්නේ නැති නිසා .. ලොකු හානි වෙන්න පුළුවන් ..

      මේ සටහන් දැම්මේ මගේ අත්දැකීම් බෙදාගන්න සහ මට ජ්විතයේ හමුවුණු සුවිශේෂී පුද්ගලයෙකු නිසා ජීවිතය වෙනස් වී තේරුම් ගත් ආකාරය ගැන සටහනක් තබන්න ...

      මේක ධර්ම සාකච්චාවක් හෝ මේ කරුණු ගැන තර්ක කරිමක් නෙවෙයි පොඩි අදහස් දැක්වීමක් .. තම තමන්ට දැනෙන ආකාරයට සහ තමන්ගේ ජිවිත අරමුණු අනුව තමන් විසින් තේරුම් ගන්න ඕනේ දෙයක් නිසා . හැබැයි ඉතින් එහෙම හොයන කෙනෙකුට උදව්වක් වෙන්නත් පුළුවන් මේ වගේ සාකච්චා ...

      විවිධ අදහස් සහ මත දරණ අයගේ කතා බහ වලදී ඉතින් තමන්ට වැටහෙන පරිද්දෙන් හරි ද වැරදිද කියල තේරුම් අරන් යන්න ඕනේ ...

      හැබැයි මම හිතන්නේ නම් අපිට මේවා ගැන ඇත්තටම හොයන්න ඕනේ නම් කවදා හෝ අපි යන මාර්ගයට ගැලපෙන අය හම්බවෙනවා ...

      Delete
  5. "සත්‍ය සෙවීම" - සත්‍ය කියල දෙයක් නෑ කියල අවබෝධ කරගැනීම වගේ එකක් නේද?
    කුමන හෝ විදිහකින් කෙනෙක්ගේ සිතීම දියුණු වෙනවනම් කොච්චර දෙයක්ද
    පැතුම් කියන විදිහටම උසස් තලවල දිවි පැවතුම් ගෙවන උදවිය ඉන්නව - සමහරුන්ට කියාදෙන්නත් හැකියි - සමහරුන් නිහඬවම අර දේශකය කීව වගේ තමන් තේරුම් අරගෙන තව තවත් දියුණු කරගන්නව
    සාපලද්දෙක් (භවයෙන්) ලෙස දිවිගෙවන්න කියලලු දේශනා කරල තියෙන්නෙ

    ReplyDelete
    Replies
    1. තිස්ස අයියේ , ඇත්තටම නම් සත්‍යයය කියල දෙයක් තියෙනවා නේද ? ඒක අපි තේරුම් ගන්න ට්‍රයි කරන එක නතර වුනාම අපිත් ඒ සත්‍යයයේම කොටසක් බවට පත්වෙනවා .. දැනට අපි මමංකාරය නිසා ඒ සත්‍යයෙන් වෙන් වෙලා ඉන්නේ. අප තුල ඉන්න "මම " නැති වුනාම අපත් ඒ සත්‍යයයම බවට පත්වෙනවා කියල හිතෙන්නේ නැද්ද ..

      සිතීම දියුණු වෙන්නේ සිතීමෙන් ම විතරයි ...

      එහෙම උසස් තල වල ඉන්න මිනිස්සු ගොඩක් වෙලාවට ඉන්නේ බොහොම පහල මට්ටමේ ... ඉහලින් ඉන්න උන් ගැන අනුකම්පාවෙන් .. :)

      [සාපලද්දෙක් (භවයෙන්) ලෙස දිවිගෙවන්න] මේ කතාව මම අහල නෑ .. හැබැයි තේරුම් ගන්න පුළුවන් .. කොහොමද එහෙම ජිවත් විය යුත්තේ කියලද දේශනාවේ තියෙන්නේ ?
      කම්මැලි නැතුව දන්න දේවල් ලියන්න අයියලා zzz ...

      Delete
  6. සෑහෙන්ඩ වටින ලිපි දෙකක්....

    ReplyDelete
    Replies
    1. බොහොම ස්තුතියි .. ඔයාල තේරුම් ගත්ත , අපි නොදන්න දේවල් එහෙම ලියන්න .. කාටත් වැදගත් වෙයි

      Delete
  7. හුගක් වටින ලිපියක්.බාලසූරිය මහත්තය වගෙ අය අප්‍රසිද්ධියෙත් ඉන්නව.ඔය සිරිවර්ධන බුදුන්ටත් සමහරු අපහාස කලාට ඔහුත් හොඳ දර්ශනයක් ගෙනාව.ඔය වගෙ කීප දෙනෙකුගෙම පොත් කියවපුවම මම බැසගත් නිගමනය තමයි මේ ඔක්කොම කියන්නෙ එකම කතාව කියන එක.
    ඒ විතරක් නොවෙයි ඉන්දියානු දාර්ශනිකයන් එදා ඉදන්ම කියල තියෙන්නෙ එකම කතාව.ඒ මමත්වය නැති කිරීම.
    ඒත් දර්ශනය මරා දමන්නෙ ආගමෙන්.ආගම තුල මමත්වය තිබෙනව.ඒක වන්දනාවක්.

    මම කාගෙ අදහස් පිළිගත්තත් ඒ අදහස් ඉදිරිපත් කරපු පංචකන්ද වලට නමස්කාර කරන එකනම් කරන්නෙ නෑ.
    බුදුන්ගෙ ධර්මය සත්‍ය බව මා පිළිගන්නව.ඒත් බුදුන් කියන්නෙත් මට නම් සාමාන්‍ය මනුස්සයෙක්.

    ReplyDelete
    Replies
    1. ඉන්දියාවේ බුද්ධ කාලේ ( සිද්ධාර්ථ කුමාරයා කාලේ සහ බෝසත් කාලවල) ඉඳන්ම ඉතාම දියුණු භාවනා ක්‍රම පවා තිබ්බ. ඒ හින්ද බුද්ධ දර්ශනයේ 'සමහර' කරුණු අනෙකුත් ආගම්වල, නිකායන් වල ඒ වෙනකොටමත් තිබ්බ. නමුත් ඒ කිසිම දර්ශනයක, නිකායක 'නිවන' කියන දේ තිබ්බේ නැහැ. ඒ හින්ද හැමෝම 'එක වගේ' දේවල් මිසක් 'එකම' කිව්වා කියලා කියන්න බැහැ. බුද්ධ දේශනාවේ එක තැනක තියෙනවා නිඝන්ඨ නාතපුතගේ දර්ශනයක්, බුද්ධ දර්ශනයත් 'එකමයි' කියලා මුලාවෙන්න පුළුවන් කියල. එහෙම වෙනස් වෙන්නේ කොහොමද කියලත් විස්තර තියෙනවා.

      මේ සටහන පැතුම් ලියන්නේ 'සාමාන්‍ය ජීවිතය' ගැන හින්ද ඒ කරුණු සම්බන්ධයෙන් නම් කතාව ඇත්ත වෙන්න පුළුවන්.

      වටිනා අදහස් ඉදිරිපත් කරන පංචස්කන්ධ වලට වැඳිය යුත්තේ ඇයි ? 'කලයුත්තන්ට ගරු කිරීම' මංගල කාරණයක්. ඒ වගේම මේ පැතුම් සිදුකරන 'ධර්මය සාකච්ජා කිරීමත්' මංගල කාරණයක්. මාව වරදින් මුදවපු අයටත් , යහපතෙහි යෙදෙව්ව අයටත් මම වඳිනවා කිසිම ලෝබකමක් නැතුව. වැඩිහිටි කමට 'විතරක්' වදින අය නම් අඩුයි.

      බුදුන් කියන්නේ පෙනුමෙන් සාමාන්‍ය මනුස්සයෙක් වෙන්න පුළුවන්. ඒකනේ මහා කාශ්‍යප රහතන් වහන්සේ පවා එක මුහුණුවර තිබ්බය කියල කියන්නේ. ඒකෙන් ගුණවත්කමේ මිම්ම හදන්න හරිම අමාරුයි. පෘතක්ජන මනුස්සයෙකුට නම් කොහොමත් බැහැ. මහා රහතන් වහන්සේලා පවා සමහර මිනිස්සුන්ට පිටතින් අඳුනගන්න බැරුව ගිය අවස්ථා ඕනේ තරම් තිබ්බා. ( විශාඛා සිටුදේවිය , නන්ද මාතාව, පුණ්ණා නම් දාසිය, සාමාවතිය පවා ගිහි ජිවිතේදී සාමාන්‍ය මිනිස්සු වගේ තමයි පෙනුනේ) බුදුන් වහන්සේ මට නම් කොහොමටවත් සාමාන්‍ය කෙනෙක් නොවෙයි. ( මම අන්ධ භක්තිකයෙක් වගේ පේන්න පුළුවන්. ඒකට කමක් නැහැ. ඒ සඳහා උත්තර මෙතන බඳින්න ඕනේ කියල මට හිතෙන්නේ නැහැ)

      Delete
    2. මධ්‍යස්ථ මතධාරියා,

      මේ ධර්මය අවබෝධ කරගත්ත තව අය ඇති .. සමහරවෙලාවට සමහර අය එක එක සියුම් තැන් වල හිර වෙලා ධර්මය විකුර්ති කරන සිද්ද්ත් තියෙන නිසා ගොඩක් පරිස්සම් වෙන්න ඕනේ කියලයි මම හිතන්නේ ...

      අවසානයේදී තම තම නැණ පමණින් තේරුම් ගන්න ඕනේ ...

      මමත්වය නැති කිරීම කියන දේ ඇර ආගම් වලින් අනිත් ඔක්කොම ටික නම් කියල දෙනවා කියල මටත් හිතිලා තියෙනවා .. හෙහ් හෙහ්

      බුදුන් වහන්සේ ගැන මගේ තියෙන හැඟීමත් ඔය උපේක්ෂා කියපු දේට සමානයි ... ඒක අන්ධ භක්තියක් නෙවෙයි ...

      ඔබේ අදහසට ස්තුතියි ...

      Delete
    3. මගේ හිතේ තියෙන භක්තිය ගැන මම මරු ටෙස්ට් එකක් කරලා බැලුව .. මම 2008 දී වගේ අම්මත් එක්ක දඹදිව වන්දනාවේ ගියා .. මට වන්දනාවේ ගියේ ඉන්දියාව බලන්න ආසාවටයි ඔය ඇවිදින්න තියෙන ආසාවටයි.

      ඒ දවස් වල අධිකාරම් මහත්තගෙයි ක්‍රිෂ්නමුර්ති තුමාගෙයි දේශනා, පොත පත බලල කොහොමත් මට භක්තිය ගැන පොඩි පොඩි ප්‍රශ්න තිබුණ .. :)

      ඉතින් අපි ඔය බුදුරදුන්ගේ ප්‍රථම ධර්ම දේශනාව වෙච්ච ධම්මචක්කපවත්තන සුත්‍රය දේශනා කරපු තැනට ගිය වෙලාවේදී එතන තියෙන ගඩොලින් කරපු ස්මාරක වලට හැමෝම වඳින්න ගත්තා ...

      මම ඉතින් පොර වගේ හිතුව මේවට වඳින එක තේරුමක් නෑ ... බොරු වැඩ .. කියල දන්නේ නැද්ද ඉතින් හෙන ටෝක්ස් හෙහ් හෙහ් ..

      හැබැයි ඉතින් ටික වෙලාවක් ගිහිල්ල කට්ටිය යන්න හදනකොට මට තව දුරටත් නොවැඳ ඉන්න බැරි ගතියක් දැනුනා .. ඒ කියන්නේ මට දැනුනා මේ ධර්මය දේශනා කරපු තැන ගැන ගෞරවයක් හිතේ නැත්නම් ඔය මහලොකුවට ධර්මය ගැන කතා කලාට වැඩක් නෑ කියල වගේ හැඟීමක් .. පස්සේ ගිහිල්ල දන ගහලම වැඳලා ආවා .. ඔන්න ඔහොමයි ඉතින් ඕවා ...

      Delete
    4. මමත් අම්ම එක්ක ඉන්දියාවේ ගියා. තාත්ත නැති නිසා අම්ම එක්කරන් යන්න කවුරුත් හිටියෙත් නැහැ. ඒ චාරිකාව ගැන ලිපි පෙළක් ඉෆිරියේදී ලියන්න ඕනේ. මම ගඩොල් ස්මාරක වලට නම් වන්දේ නැහැ. බැලුව හා ෆොටෝ ගත්ත මිසක්. බුද්ධ ප්‍රතිම හා දාගැබ් වලට වැන්දා . මටත් හොඳ පහන් හැඟීමක් ඇතිවුනා ඔය දෙව්රම් වෙහෙර , බුද්ධ ගයාව, මහා මෙව්නාව වගේ තැන් වල.

      Delete
    5. ජේතවනාරාමේ තමයි මට නම් හොඳටම හිතට දැනුන තැන ... ඒ ගමන ජිවිතේට හොඳ අත්දැකීමක් .. අජිත් ගේ ගමනේ විස්තරේ දාන්න ... කාටත් වැදගත් වෙයි ..

      Delete
  8. කවුරු උනත් ස්වභාව දහමත් එක්ක ජීවිතේ පවත්වාගෙන යනවනං එතන තමයි සාර්ථකත්වය. බුදු හාමුදුරුවො උනත් කළේ ඒ ටිකම තමයි. මනුස්සය කියන එකා කොච්චර විද්‍යාව අතින් දියුණුයි කියල කිවුවත් ස්වභාව ධර්මයට පිටුපාල හෝ ස්වභාව ධර්මයට ඉහලින් ගිය වෙලාවට වෙන දේවල් ඔය නිවුස් වලින් අහන්න ලැබෙන්නෙ කොතෙක්.
    ඇත්තටම යම් දෙයක් වටහාගන්න කදිම ලිපි දෙකක් පැතුම්.

    ReplyDelete
    Replies
    1. [කවුරු උනත් ස්වභාව දහමත් එක්ක ජීවිතේ පවත්වාගෙන යනවනං එතන තමයි සාර්ථකත්වය. ]

      මෙන්න මේ ටික තමයි තේරුම් ගත යුතුම දේ .. එහෙම අයට ස්වභාව දහමේ නිරන්තරය්න්ම තියෙන මේ සත්‍යය තේරුම් ගන්න ලේසියි කියලයි මගේ අදහස ..

      බොහොම ස්තුතියි ප්‍රසන්න අයියා ..

      Delete
  9. මේ සටහන් පෙළ ඇතුලේ හිතන්න යමක් ඉතුරුකරනවා. තමන්ට තමන් කවුදැයි සොයාගන්න පුළුවන් නම් ඊට පස්සේ අනිකුත් දේ සොයා යෑම පහසුයි කියලා මට දැණෙනවා. මේ මම කියන දේ වැඩිදුර පැහැදිලි කරන්නවත්, තර්ක කරන්නවත් මට තේරෙන්නේ නැහැ. නමුත් මේක තමයි මට දැණෙන්නේ. ඒ නිසා තමයි මට පහසුවක් තේරෙන්නේ. මට ජීවිතය ගැන කලබලයක් නැත්තේ.

    ReplyDelete
  10. [තමන්ට තමන් කවුදැයි සොයාගන්න පුළුවන් නම් ඊට පස්සේ අනිකුත් දේ සොයා යෑම පහසුයි කියලා මට දැණෙනවා.] ඔන්න ඕක කෙනෙක් හරියට තේරුම් ගත්තට පස්සේ පහසු වෙනවා .. පහසුවෙනවා කියන්නේ හිතු පතු සම්පත් ලැබෙනවා වගේ .. ජිවිතේ හරිම ලේසියි .. සැපවත් ...

    අරූට තියෙන ජිවිත අත්දැකීම් එක්ක මේ දේවල් තේරුම් ගන්න එක කාලයත් සමග ඉබේම ඇති ... මෙතනින් එහාට ගිය තවත් සත්‍යයයක් අපිට දකින්න මේ තමුන් කවුද කියන හඳුනා ගැනීම හෙන වැදගත් .. අන්තිමට තමුන් කිසිවෙක් නොවෙයි කියල අපිට අවබෝධ වෙච්ච දාට කතන්දරේ ඉවර වෙනවා ...

    ReplyDelete
  11. මිනිසෙකු ගමන් කල යුතු මාවතෙන් අපගමනය වී ගමන් කරන විට ඔහු නැවත නිවැරදි මාර්ගයට ගැනීමට ආගම කියන සංකල්ප්ය බිහි උනා කියල මම හිතනවා. මට අදත් කියන්න හිතෙන්නෙ මිනිස්සු බුදු දහම කියන ගැඹුරු දර්ශනය ඉගෙන ගන්න හදාරන්න හිතලවත් නෑ. ඔවුන් තවමත් ඒ වටේ තියෙන සීනි තවරපු කවරින් එක ලෙවකකා ඉන්නවා. අපි හොයන ඔය ප්‍රශ්න සේරටම උත්තර මට හිතෙන්නෙ අභිධර්මය තුල තියෙනවා. කොහොම උනත් ඔය කොයි දහමටත් වඩා උසස්ම දහම තමයි සොබාදහම. එයයි හැම දේකම උපත, පැවැත්ම සහ විපත.

    ReplyDelete
  12. http://sinhala.lankanewsweb.net/features/2013-07-01-07-49-32/14519-2014-11-21-03-56-38

    ReplyDelete
  13. පැතුම් මේ ලිපියයි අර ගුගල් කන්නාඩිය ගැන එකයි ලංකානිව්ස්වෙබ් එකට යැව්වා දාන්න. ප්‍රශ්නයක් නැහැනේ.
    http://sinhala.lankanewsweb.net/features/2013-07-01-07-49-32/14667-2014-11-29-04-05-58

    ReplyDelete
    Replies
    1. කිසිම ප්‍රශ්නයක් නෑ ... :)

      වටින දේවල් කොපි කරන්න අවසර ඇත (එහෙම ඒවා නැත) කියල ඔය මම බ්ලොග් රෝල යටින් දාල තියෙන්නේ .. හෙහ් හෙහ්

      Delete
  14. මචන්, තරහ වෙන්න එපා මෙහෙම කිව්වට.

    මට නම් හිතෙන්නෙ උඹ එක තැනකට ඇවිත් හිර වෙලා කියල‍යි. උඹට ඕන ලෞකික ජීවිතයත් පවත්ව ගන්න ගමන් අධ්‍යාත්මික පැත්තටත් යන්න නම්, උඹ දැනටමත් සාර්ථකයි. ඒත් මචන් නිවන් මග කියන්නෙ වෙන එකක්.

    උඹ අධ්‍යාත්මික ගමනෙ එක තැනක නැවතිලා. උඹ ඔය චින්තනයෙන් මිදෙනකම් එතනින් එහාට යන්න බැහැ. නිවන් මග කියන්නේ ලෝකයත් එක්ක එකතු වීම නෙවෙයි. ලෝකයෙන් මිදීම.

    උඹ ඔය කරන දෙයින් උඹට සසරෙ සැප ලැබෙයි. හැබැයි සසරින් එතෙර වීම කියන දේ එතන නැහැ. අත්හැරීම, ලෝකයෙන් වෙන් වීම ගැන අවධානය යොමු කරන්න ඕන ඉස්සරහට යන්න නම්.

    උඹට තවත් ඉස්සරහට යන්න කැමති ඇති කියලයි මෙහෙම කිව්වෙ.

    ReplyDelete
    Replies
    1. ඇනෝ , කිසිම තරහක් නෑ ... :)

      මේ පෝස්ට් එක මම කරපු දේවල් සහ හමුවුණු මිනිසුන් ගැන ලියපු සටහනක් . මම බාලසුරිය මහත්මයාගෙන් ඉගෙන ගෙන අවබෝධ කරගත්ත ගොඩක් දේවල් මේකේ ලියල නෑ .. එහෙම නොලිව්වේ අවබෝධයෙන් සහ බුද්ධිමත් ව නොබලන කෙනෙක් සමහරවිට වැරදි අදහසක් ගන්න පුළුවන් කියල මට හිතුනු නිසා . මොකද ඉන්ටර්නෙට් එකේ දාන දේවල් ගැන මිනිස්සු එක එක අදහස් දරනවා . ඒවා නිසා මම මේකේ සඳහන් කරපු පුද්ගලයින් ගේ ඉගැන්වීම් ගැන වැරදි අදහසක් එන්න පුළුවන් කියල මට හිතුනු නිසා ..

      හමුවී කතා බහ කරනව වගේ නෙවෙයි නේ .. :)

      මම තේරුම් අරන් තියෙන දේ මෙන්න මේ වගේ .. කෙටියෙන් කිව්වොත් නිවන සහ නිවන් මග කියන දේ ගැන අපේ ඔලුවේ තියෙන එහෙම නැත්නම් අපිට කාවද්දල තියෙන හැඟීම දිහා වෙනස් විදියකට බැලීමක්.

      ධර්මය කියන්නේ මේ විශ්වයේ පවතින සත්‍ය ස්භාවය. ඒ කියන්නේ ඇතිවීම නැතිවීම , දුක සැප ආදී වශයෙන් අපි ඉගෙන ගෙන තියෙන පරම සත්‍යයන්. ඒවා ආගමෙන් ස්වායක්තව මේ විශ්වයේ තියෙනවා . ආගම කියන්නේ ඒ තියෙන සත්‍යයය ගැන මිනිසුන්ට පැහැදිලි කරලා දීමේ ක්‍රමය . අපි අප තුල තියෙන මම කියන තත්වය හඳුනාගෙන ඒක නැති කරලා දැම්මම අපිට දකින්න පුළුවන් වෙනවා මම කියල කෙනෙක් නෑ ... මමත් මේ විශ්වයේම ඇතිවී නැතිවී යන තවත් එක පරමාණු ගොඩක් විතරයි කියල .

      ඒ විදියට දකින්න නම් අපේ ඇතුලේ තියෙන ඔය ලෝභ දෝෂ මෝහ ආදී විදියට අපි ඉගෙන ගෙන තියෙන දේවල් අප තුලින් හීන වෙලා නැති වෙලා යන්න ඕනේ . ඒවා හීන වෙලා නැති වෙලා යන්න නම් අපි අපේ අභ්‍යන්තරය දකින්න ඕනේ .. ඒ කියන්නේ තමන් තමන්ගේ හිත දකින්න ඕනේ. හිතුවිලි දකින්න ඕනේ .. ඒ සිතුවිලි වලින් ඔබ්බෙහි තියෙන සිහිය දකින්න ඕනේ .

      එහෙම සිහියට පත්වෙලා ඔය සිතිවිලි වලින් හැදිච්ච "මම" නැති වෙලා ගියාම තව දුරටත් අල්ලා ගැනීම සහ බැඳීම් ඉතිරි වෙන්නේ නෑ ..

      ලෝකයෙන් මිදීම විදියට උඹ කියන්න දේ මම දකින්නේ ලෝකය දෙස සිහියෙන් දැකීම විදියට .. අපිට හැමවෙලේම සිහියෙන් ලෝකය දකින්න පුළුවන් නම් එහි තියෙන අනිත්‍ය බව හැම මොහොතේම අපිට දකින්න පුළුවන් වෙනවා . ඒ කියන්නේ තව දුරටත් ලෝකය සමග අපි ගැටෙන්නේ නෑ. නමුත් අපි මේ සොබාදහමේ කොටස්. ඉතින් අපි ජිවත් වෙලා ඉන්න කම් මේ සොබා දහමත් එක්ක ඉන්න වෙනවා . එකම වෙනස වෙන්නේ කවදාහරි මේ අපි දන්නා ලෝකයෙන් යන දාක කිසිවක් ඉතිරි නොකර යන එක. ඒ කියන්නේ අල්ලා ගැනීම් නැතිව.

      නිවන සැබවින්ම මේ මොහොත (මේ ක්‍ෂණය )තුල තියෙනවා කියන පැත්තෙන් පොඩ්ඩක් හිතල බැලුවොත් මම කියන දේ ගැන අදහසක් එයි .

      මම අවංකවම ඉස්සරහට යන්න කැමතියි .. දැනටත් මම කරන්නේ ඒක . උඹ දන්න දේවල් දැනගන්න මම කැමතියි . ඒ වගේම ඔබ අනුගමනය කරපු මාර්ගය සහ ප්‍රයෝගිකව ඔබ අව්බෝධකරගත්ත දේ දැන ගන්න මම ගොඩක් කැමතියි .

      Delete
    2. මට හිතෙන්නෙ මෙහෙමයි.

      සිහිය පැවැත්වීම නිවන් මගට අවශ්‍යයි. සතර සතිපට්ඨානයම අවශ්‍යයි. නමුත් මට හිතෙන්නෙ ඒකෙන් කෙරෙන්නෙ කෙලෙස් යටපත් වීම් විතරයි කියලයි. කෙලෙස් ප්‍රහාණය කරන්න නම් ඊට වඩා දෙයක් කරන්න වෙයි කියලයි.

      සිහියෙන් ඉන්න කොට කෙලෙස් මතු වීම පේනවා. එතකොට අපිට ඒවට වහල් නොවී ඉන්න පුලුවන්. එතනදි අපි අතින් අකුසල් සිදු වීම වැලකෙනවා. නමුත් ඒකෙන් කෙලෙස් යටපත් වීමක් මිස මුලින් ගලවා දැමීමක් වෙන්නෙ නෑ කියලයි පේන්නෙ. ඕනම මොහොතක ආයෙත් මතු වෙන්න පුලුවන්. ඒක හරියට සුලං පිරවූ බෝලයක් වතුර යට අල්ලගෙන ඉන්නව වගේ. අතහැරිය ගමන් උඩට මතු වෙනව.

      ප්‍රහාණය වෙන්න කරන්න ඕන මොකක්ද කියන එකට උත්තරය තාම හොයාගන්න බැරි වුනා.

      මට හම්බ වුන හොඳ පොත් 2ක් කියන්නම්:

      1. The Power of Now - by Eckhart Tolle

      මේක ජර්මන් අධ්‍යාත්මික ගුරුවරයෙක් ලියපු පොතක්. සම්පූර්ණයෙන් තියෙන්නෙ සිහිය පැවත්වීම ගැන. නමුත් එතුමා බෞද්ධයෙක් නෙවෙයි. නිවන් මග කතා කරන්නෙ නෑ.

      2. නිසල විල

      විදර්ශනා භාවනාව ගැන පුජ්‍ය අජාන් චා ස්වාමීන් වහන්සේගෙ අදහස් ඇතුලත් පොතක්. හුඟ දෙනෙක් කිව්වෙ මේක වැඩක් නෑ කියලයි. ඒත් මේක ගැඹුරු අදහස් තියෙන පොතක්. මතුපිටින් පේන්නෙ සරලයි වගේ. ඒත් එහෙම නෑ.

      මේ ගැන කතා කරන්න නම් ගොඩක් දේවල් තියෙනවා. කාලය තියෙන හැටියට දාන්නම්.

      Delete
    3. ඇනෝ ස්තුතියි ..

      මම The Power of Now - by Eckhart Tolle කියවල තියෙනවා . ඒවගේම A New Earth: Awakening to Your Life's Purpose කියන Eckhart Tolle ගේ පොතත් බලල තියෙනවා .

      නිසල විල නම් බලල නෑ මම හිතන්නේ ..

      මම තේරුම් අරන් තියෙන්නේ මෙන්න මෙහෙම දෙයක් . සිතිවිලි එන එක අපිට නතර කරන්න බෑ .. අපිට බඩගිනි දැනෙන එක නතර කරන්න බෑ වගේම දෙයක්. අපිට පුළුවන් එන සිතිවිලි දෙස බලල ඒ සිතිවිල්ල තේරුම් අරගෙන එකට අදාළ නිවැරදි ක්‍රියාව කරන්න.

      සොබාදහමෙන් අපේ පැවැත්ම දිගටම පවත්වාගෙන යන්න අවශ්‍ය කරන දෙයක් විදියට අපේ ශරීරය නිර්මාණය වෙලා තියෙන්නේ හිතන්න සහ සිතිවිලි වලින් තීරණ ගන්න පුළුවන් විදියට . අපේ ඇඟේ තියෙන අනිත් හැම කොටසම වගේ . මම හිතන්නේ අපිට ඒ ක්‍රියාව නතර කරන්න බෑ ..

      හැබැයි සිතුවිලි රහිතව ඉන්න පුළුවන් ටික වෙලාවක් ..එහෙම වෙන්නේ අපි අපේ හිතට එන සිතුවිලි දිහා බලල ඒවා තේරුමක් නැති දේ විදියට තේරුම් ගත්තට පස්සේ එන සිතිවිලි හීන වෙලා යන නිසා ..

      රහතන් වහන්සේලා සහ බුදුහාමුදුරුවෝ පවා ජවිතය පවත්වාගෙන යන්න හිතලමතල වැඩ කරන්න ඇති නේද ? කෙනෙක් රහත් වුනත් , බුදු වුණත් විශ්වයේ පවතින හොඳ නරක වෙනස් වෙන්නේ නෑනේ .. ඒවා ඒ විදියටම තියෙනවා . ඉතින් ඒ උතුමන්ලාටත් ජීවිතය ගෙවනකොට තීරණ අරගෙන වැඩ කරන්න වෙනවා . වැදගත් වෙන්නේ ඒ තීරණ හැමවිටම යහපත් වීම . තමන්ගේ හිත දකින්න තරම් සිහිය දියුණු නොවුන කෙනෙකුට හැමවිටම යහපත කරන්න බෑ.

      නිවන කියන්නේ පහන් දැල්ලක් නිවී යාම වගේ කියල මම අහල තියෙනවා . කෙනෙක් මරණයට පත්වන අවස්ථාවේදී ඔහු කිසිවක් හිතින් අල්ලාගෙන නැතිව සිතිවිලි රහිත මනසකින් මියගියොත් සමහරවිට නැවත උපතක් සිදුවෙන එකක් නෑ.. වැදගත් ම දේ මරණය කොයි මොහොතේ එනවද නොදන්නා නිසා හැමවිටම සිහියෙන් සිටිමින් ජිවත් වීම. පුරුද්දක් ලෙස යහපතෙහි සහ සිහියෙන් යුක්තව හැසිරීම.

      ඔය තියෙන්නේ මම ඉගෙන ගෙන තේරුම් අරන් තියෙන දේ . ඔය විදියට ජිවත් වෙන එක එතරම් අමාරු නෑ .. හැබැයි අපිට අපි ඇතුලේ තියෙන කුණු දකින්න තරම් ශක්තිමත් බවක් තියෙන්න ඕනේ ..

      මුළු ත්‍රිපිටකය පුරාම තියෙන සුත්‍ර දේශනා වල තියෙන්නේ මිනිසුන් ඔය යහපත සහ සිහියට පත්කරවීම ගැන බුදුන් වහන්සේ දේශනා කරපු කරනු නේද ?

      ඔබට හැකිනම් ක්‍රිෂ්නමුර්ති තුමාගේ දේශණ වලට සවන්දී බලන්න . ධර්මය ගැන බොහොම ගැඹුරින් එතුමා කතා කරනවා.

      Delete
    4. මම අධිකාරම් තුමාගෙත්, ක්‍රිෂ්ණමූර්ති තුමාගෙත් දේශන ගොඩක් කියවල තියෙනව. ඒ අයට මම ගරු කරනවා. නමුත් මෙහෙම දෙයක් තියෙනවා. ඒ අයගෙ අදහස් වල පිලිගන්න පුලුවන් වගෙම බැරි දේත් තියෙනවා. බුදු දහමට අනුකූල වගෙම නැති තැනුත් තියෙනවා.

      අධිකාරම්තුමා බෞද්ධ භාවනා ක්රම ගැන පැහැදීමක් නොපෙන්වපු තැන් තියෙනවා. එතුමාට අල්ලලා ගියෙ නැති වුනාට ඒවායින් සාර්ථක ප්රතිඵල ගත් අය ඉන්නවා. ඒක එතුමාගෙ පෞද්ගලික අදහසක් මිස භාවනා ක්රම වල වරදක් නෙවෙයි.

      ක්‍රිෂ්ණමූර්තිතුමා ලෝක ස්වභාවය ගැන, මනසේ ක්රියාකාරිත්වය ගැන ගැඹුරින් විග්රහ කරනවා. නමුත් දුකින් මිදෙන මාර්ගය කතා කරන්නේ නැහැ.

      ඒ වගෙ අයගෙ දර්ශන ක්‍රම ගැන ඔබට හිතුන දේම මටත් හිතුනා. තේරුම් ගන්න පහසුයි, ලෞකික ජීවිතයත් එක්ක පවත්වා ගන්න පහසුයි, ප්‍රායෝගිකයි කියන එක. මමත් මුල් කාලෙ වශී වෙලා වගේ ඒවාට ඇදිලා ගියා. නමුත් කාලයත් එක්ක මම එක දෙයක් තේරුම් ගත්තා. ඒ තමයි ඒ කිසිම කෙනෙක් ලඟ දුකින් මිදෙන මාර්ගය නැති බව.

      දුකින් මිදෙන මාර්ගය දේශනා කරන්නේ බුදුන් වහන්සේ නමක්ම විතරයි. ලෝකයට බුදුවරු පහල වෙන්නෙත් ඒ කාර්යය වෙනුවෙන්මයි.

      පටන් ගැනීමක් විදිහට ක්‍රිෂ්ණමූර්තිතුමා වගේ අයගෙ දර්ශනය හැදෑරීම හොඳයි. තවත් දර්ශන ක්‍රම හදාරන්න පුලුවන් නම් හොඳයි. නමුත් එතන තියෙන අවදානම තමයි ඒ අයගෙ දර්ශනය පරම සත්යය විදිහට දකින්න තියෙන ඉඩකඩ. අන්න එතන නතර වෙන්න එපා මචන්. ඒ අය කවුරුත් කෙලෙස් සහිත පුද්ගලයෝ. බුදුන් වහන්සේ නමකගෙ ප්‍රඥාවට කොහෙත්ම සමාන කරන්න බැහැ.

      අර අයගෙ දර්ශනය අපිට ලේසියෙන් තේරෙන්නෙ ඒවා සාමාන්‍ය මිනිස් චින්තනයට වඩා පියවර කීපයක් විතරක් ඉදිරියෙන් තියෙන නිසයි. අපිට අතේ දුරින් වගේ තියෙන දෙයක් තේරුම් ගන්න පහසුයි නේ. ඒ අයගෙ දර්ශනය තියෙන්නෙ අතේ දුරින් නම්, බුදුන් වහන්සේගේ දහම තියෙන්නෙ සාගරයෙනුත් එහා වගේ. අපිට තේරෙන්නෙ නැත්තෙ අපේ ප්‍රඥාව ඒ තරම් දියුණු නැති නිසයි.

      අපිට උපතින්ම ලැබුණ ඉතාම වටිනා සම්පත් දෙකක් තියෙනවා. මිනිස් ජීවිතයක් ලැබීම සහ බුදු දහම ලැබීම. මේ දෙකම එකට ලැබීම ඉතාම දුර්ලභ අවස්ථාවක්. ඉතින් අපි වෙනත් දර්ශන පස්සෙ ගිහින් අපිට උපතින්ම ලැබුණ බුදු දහම පැත්තකට දානව නම්, ඊට වඩා මෝඩකමක් තවත් තියෙනවද?

      බුදුන් වහන්සේලා ලක්ෂ ගණනකගේ ශාසන අපි පසු කරන්න ඇති. ඒත් අපි තවමත් සසරෙ ඉන්නෙ අපි වරද්ද ගත්ත නිසයි. අපි ඉදිරියට වත් ඒ වරද නොවෙන්න වග බලා ගන්න ඕනෑ.

      අවසාන වශයෙන් එක උපදෙසක් දෙන්නම්. ඔබ වෙනත් දර්ශන ගැන උනන්දු වුණා ඇති කියලයි මට හිතෙන්නෙ. ඔබට ඔය තැනට එන්න පුලුවන් වුණා නම්, ඔතනින් ඉදිරියටත් යන්න පුලුවන් වෙන්න ඔනෑ. හැම විටම නිවැරදි බුදු දහම ගවේශණය කරන්න. සිහිය පිහිටුවීම එක අංගයක් විතරයි. තව බොහෝ දේ කරන්න තියෙනවා. "මහ රහතුන් වැඩි මග ඔස්සේ" ලිපි පෙල කියවලා නැත්නම් කියවන්න. මාර්ගය වඩමින් නැවත නැවත කියවන කොට රේරුකානේ ස්වාමින් වහන්සේගේ පොත් තේරෙන්න පටන් ගනීවි. පිරිසිදු බුදු දහම තවමත් මේ රටේ ආරණ්යගතව හෝ ඇති. හොයාගන්න උත්සහ කරන්න.

      මෙතන කිසිම පහර ගැසීමක් එහෙම නැහැ. මමත් වැටෙන්න ගිය වැරදි පැත්තට ඔබත් වැටෙන්න යනවා වගෙ පෙනුන නිසයි, එකම ගමන යන අය විදිහට තවත් කෙනෙක්ව ගොඩ දාගෙන යන්නයි දන්න අත්දැකීම් ටිකක් කිව්වෙ.

      Delete
    5. ඇනෝ , ඔබ කවුරු උනත් ඔබේ මේ අදහස් දැක්වීමට මම ඉතාමත් කැමතියි . මට ඕනේ උනේ මේ වගේ කතා බහක් ඇති කරගන්න .

      බුදුන් වහන්සේ ගේ ප්‍රඥාව ගැන හෝ බුදු දහම ගැන මට සැකයක් නෑ . මම වෙනත් දර්ශන ගැන උනන්දු වෙන හේතුව තමයි බුදු දහම ලෝකේ පුර ව්‍යාප්ත වෙලා තියෙන විදිය ගැන දැන ගන්න . බුදු දහම තියෙන්නේ ලංකාවේ විතරක් නෙවෙයි නේ . අනිත් රටවල ඉන්න බෞද්ධ ජනතාව අපි තරම් පින්වන්ත නෑ කියල අපි බුදු දහම අපේ කරගන්න හැදීමෙන් අපිට බොහෝ වටිනා දේවල් මිස් වෙලා තියෙනවා කියල ඇනෝ ට හිතිලා නැද්ද ?

      අපිට උපතින් බුදු දහම ලැබුනට ඇයි අපිට එක තේරුම් ගන්න මෙච්චර අමාරු කියල හිතිලා නැද්ද ?

      ඇයි සෝවාන් ආදී මාර්ගඵල වලට ආපු අය බුද්ධකාලේදී තරම් මේ කාලේදී නැත්තේ .. බුදුන් වහන්සේ විසින් දෙසු දහම ඒ විදියටම අපිට ලැබිල තියෙනවනම් ඇයි අපිට ඒක අවබෝධ කරගෙන දුකින් මිදෙන්න ඔය තරම් අමාරු .. ඒකට හේතුව සසරේ පින් මදි වීම වගේ එක හේතුවක් විතරක් ම වෙන්න පුළුවන් ද ? මට තියෙන ප්‍රශ්න ඕවා .

      අධිකාරම් මහතා, ක්‍රිෂ්නමුර්ති තුමා සහ බාලසූරිය මහතාගෙන් මම ඉගෙන ගත්ත දේ තමයි පවතින සත්‍යයය ඒ ආකාරයෙන් දැකීම කියන දේ . ඒක බාහිර උපකාරක හෝ උපුටාගැනීම් වලින් තොරව දැකීම.

      (උපකාරක කියල මම අදහස් කලේ සත්‍යය නම් මෙය යැයි පොතේ තියෙන නිසා අපි එය ඒ විදියට දකිමු කියල අපිට ලැබෙන උපදෙස් )

      සත්‍යයය කියන දේ බුද්ධ කාලයේදී සහ අද වෙනස් වෙලා නෑ. අපිට තියෙන සැබෑ ගැටලුව අපි කොහොමද ඒක හරියටම දකින්නේ කියන එක . දුක නිවීම සහ සත්‍යයය ට විවෘත වීම කියන්නේ දෙකක් නෙවෙයි එකක් කියලයි මම හිතන්නේ .

      මම මහා රහතුන් වැඩි මග ඔස්සේ ලිපි කිහිපයක් කියවා තියෙනවා . එහි සඳහන් දේ ගැන මට ගැටලුවක් නෑ .

      මේකයි ධර්මය , මේ පොත බලන්න, අරය කියන දේ අහන්න යනුවෙන් අනුන්ගේ දහමක් තමන්ගේ කරගෙන නොකියන, නමුත් තමන් විසින් තේරුම් අරගෙන , ඒ තුලින් තමන් වෙනස් වූ ආකාරයත් , තමන්ගේ ප්‍රඥාව දියුණු කරගෙන ඒ ප්‍රඥාවෙන් කතා කරන මිනිසුන් සොයා ගන්නයි මට ඕනේ වුණේ.

      අධිකාරම් මහතා අපි දන්න බුදුදහමේ එන සමහර කරනු ප්‍රතික්ෂේප කරලා තියෙන්නේ ඒවා වැරදි නිසා නොව ඒවා අපි පිළිපදින ආකාරය වැරදි නිසා බවයි මගේ හැඟීම .

      ඔබ මේ දේවල් පිළිබඳව සොයා බලපු කෙනෙක් විදියට මේ කාලය තුලදී ඔබ විසින් ප්‍රත්‍යක්ෂයෙන් අවබෝධ කරගත් දේ ගැන දැන ගන්න මම කැමතියි .

      ඊමේල් එකක් මගින් හරි කමක් නෑ.

      දිගටම සෙට් වලා කතා කරමු . මොකද මේ විදියට මේ දේවල් ගැන කතා බහ කරන අය හරි අඩුවෙන් තමයි හම්බ වෙන්නේ .

      Delete
    6. මගේ හිතේ තියෙන සහ ප්‍රයෝගිකව මට සත්‍ය බව ප්‍රත්‍යක්ෂය උන කාරනා මේ ඇනෝ මිත්‍රයාගේ අදහස් වලට බොහොම සමානයි. සතුටුයි මේ අදහස් දැකීමට ලැබීම. ( මගේ අදහසට සමාන අදහස් තියෙන කෙනෙක් මුණගැහුන එක ගැන තියෙන සතුට නෙවෙයි. මට අමතරව තව කෙනෙක්ට ඒ දේ සත්‍ය බව තේරෙන එක ගැන ඇතිවන සතුට)

      පැතුම්.. මේ සංවාද මම කැමතියි බ්ලොග් අවකාශයේ කෙරෙනවා නම්. මොකද ඒ වගේ දේවල් කියවීමෙන් අපි නොදන්නා පිරිසක් වගේම අපෙත් චින්තනය ( අපෝ අර චින්තනේ නම් නෙවෙයි හරිද) දියුණු වෙනවා. අපි සංවාදයක් ගොඩනගන්න ඕනේ එහෙමයි. මම ඉල්ලීමක් විදියට කරනවා එය අපිටත් විවෘත කරන්න කියල.

      Delete
    7. උපේක්ෂා, ඇනෝ සහ මම අතර වෙන කිසිම සාකච්චාවක් වෙලා නෑ.. මමත් කැමතියි ඇනෝ හෝ වෙනත් ඕනෙම කෙනෙක් මේ ගැන කෙලින් කතා කරනවට . ඕනේ දෙයක් මෙතන කතා කරන්න පුළුවන් ..

      උපේක්ෂා සහ ඇනෝ ඔය කියන දේ, උදාහරණ විදියට මේ කොටස
      [ක්‍රිෂ්ණමූර්තිතුමා ලෝක ස්වභාවය ගැන, මනසේ ක්රියාකාරිත්වය ගැන ගැඹුරින් විග්රහ කරනවා. නමුත් දුකින් මිදෙන මාර්ගය කතා කරන්නේ නැහැ.

      ඒ වගෙ අයගෙ දර්ශන ක්‍රම ගැන ඔබට හිතුන දේම මටත් හිතුනා. තේරුම් ගන්න පහසුයි, ලෞකික ජීවිතයත් එක්ක පවත්වා ගන්න පහසුයි, ප්‍රායෝගිකයි කියන එක. මමත් මුල් කාලෙ වශී වෙලා වගේ ඒවාට ඇදිලා ගියා. නමුත් කාලයත් එක්ක මම එක දෙයක් තේරුම් ගත්තා. ඒ තමයි ඒ කිසිම කෙනෙක් ලඟ දුකින් මිදෙන මාර්ගය නැති බව.]


      මේ කොටස් වලින් ඔබලා අදහස් කරන්නේ දුකින් මිදීම සහ තමන්ගේ මනස ගැඹුරු ලෙස තේරුම් ගැනීම දෙකක් විදියට සලකල කියලයි මට හිතෙන්නේ ...

      දුකින් මිදීම කියන දේ කෙනෙක් අත්දකිනවනම් අපි ඒක අත්දකින්න ඕනේ අපේ සිතෙන් .. එකට තමන්ගේ සිත තේරුම් ගැනීම ඇර වෙන විකල්පයක් නෑ කියලයි මම හිතන්නේ ..

      බුදුන් වහන්සේ ගේ ධර්මය පුරාම තියෙන්නත් තමන්ගේ සිත තේරුම් ගැනීමට ඉගැන්විම කියලයි මම හිතන්නේ ...

      සිතේ ක්‍රියාකාරිත්වය හරියට තේරුම් අරන් සිතිවිලි වලින් නැතුව සිහියෙන් වැඩ කරන කෙනෙකු සහ දුකින් මිදුණු කෙනෙකුගේ ප්‍රායෝගික ජීවිතය අතර මොනවගේ වෙනස්කම් තියෙන්න පුළුවන් කියල ද ඔබ හිතන්නේ ..?

      අපි සරලව හිතමු සෝවාන් වූ කෙනෙක් මේ සමාජයේ අපි අතර ජිවත් වෙනවනම් ඔහු/ඇය කොහොම ඉඳියි කියලද හිතන්නේ ..

      පොතේ තියෙන කරුණු වලින් නැතුව ප්‍රායෝගික අත්දැකීම් ගැන කතා කරන්න තමයි මම කැමති ..

      Delete
    8. නෑ නෑ ... පැතුම්. මම අදහස් කලේ එවැනි සංවාදයක් ඇතිවුනා කියා නෙවෙයි. ඇති වෙනවා නම් එය බ්ලොග් සංවාදයක් වෙනවා නම් හොඳයි කියල. මම එහෙම කිව්වේ ඔබ i මේල් මගින් උනත් කමක් නැහැ කියල කියලා තිබ්බ හින්ද.

      ඔක්කොම ගැන නෙවෙයි මම ඔබගේ ඒ සෝවාන් පුද්ගලයා ගක කියපු කතාවට මම යමක් කියන්නම්.

      ඔබ හිතන්නේ සෝවාන් උන කෙනා කොහොම ඉන්නවා කියලද? හෙමින් හෙමින් අඩි තියමින් ඇවිදගෙන යන, කිසිම සද්දයක් නගන්නේ නැති, කොටින්ම ගෑනු ළමයෙක් වගේ ඉන්නවා කියලද?

      අපෝ නැහැ.

      විශාඛා සිටු දේවිය ( වයස 5දී සෝවාන් උනේ) දරුවන් රැසක් හිටපු ගිහි කාන්තාවක්. අහල තිබෙනවාද ඒ චරිතාපදානය? මම ඇය ගැන කිව්වේ මෑතකාලේ ඉන්න අය ගැන මෙතන කියන්න ගියොත් උන්ගේ චරිත ඝාතනයට පේලියට කට්ටිය සෙට් වෙන හින්ද. ඇය විහාර පුජාවකින් පස්සේ අධික ප්‍රීතියෙන් පන්සල පුරාම පොඩි දරුවෙක් වගේ අසංවර විදියට දුවනවා කියල උත්සවේට ආපු කට්ටිය බුදුහමදුරුවන්ට පැමිණිලි කරලත් තිබ්බ. ( ඒ කාලෙත් එහෙමයි ලු නේ??) හොඳම උදාහරණය තමයි 'සරකානි' කියන චරිතය. මේ ධර්ම කාරනා උනත් නුහුරට තේරුම් අරගෙන නැට්ටෙන් අල්ලාගෙන දඟලන හින්ද කියන්නත් හිතෙන්නේ නැති වෙලාවල් තියෙනවා.

      සෝවාන් උන් උදවිය මට මුණගැහිලා තිබෙනවා. ඔවුන් අමුතු සත්තු ලෙස පෙනෙන්නේ නැහැ. කොටින්ම ෂෝ එකට පන්සල් දුවන සමහර අය වගේ පිටින් අඳුන ගන්නත් බැහැ. ඔන්න ඔතන තමයි මට හිතෙන්නේ අවුල.

      අහල තියෙනවද අර එක රහත් හාමුදුරු නමකගේ කටේ තියෙන්නෙම 'වසලයා' කියන වචනේ ලු ( බුද්ධ කාලේ හරිද) , තව ඕනේ තරම් තමුන්ගේ ගෝල නම රහත් බව නොදන්නා ගුරු නමවල් ගැන කතා එමටයි. ඒ වගේමයි අනික් අතට.

      තවත් එකක්.. කාලයක් තාවකාලික බුද්ධ උපස්ථායක වෙලා හිටපු හිමිනමක් බුදුන් පස්සේ දුවන ගමන් නිඝටයෝ දැකල එයාල තමයි රහත් අය බුදුහාමුදුරුවෝ මොන රහත්ද කියල හිතුවා කියල අහල තියෙනවද? ඒ කියන්නේ අමුතු 'වෙසක්' පෙරලෙන්නේ නැහැ කියන එකනේ.

      Delete
    9. ඔය උදාහරණ වලට කියපු චරිත සෝවාන් කියන දේ බෞද්ධ අපි පිලිගන්නවා . ඔවුන් බොහොම සාමාන්‍ය විදියට ජිවත් වෙච්ච මිනිසුන් . මම කියන්නේ ඔවුන් ගේ සිත වැඩකරපු හැටි අපි නොදන්නවා වුනාට ඔවුන්ගේ හැසිරීමෙන් ඔවුන් අපි වගේම සාමාන්‍ය විදියට ඉන්න ඇති කියල හිතන්න පුළුවන් නේ. විශාකා ව කියන්නේ දැන් කාලේ හැටියට නම් කෝටිපති පොෂ් නෝනා කෙනෙක් . සර්කානි සාක්‍යසිංහ කියන්නේ කුඩු වෙන්න ගහල පාරවල් පුරා ආතල් එකේ ඇවිදින නන්නත්තාර චරිතයක් ..

      ඒ මිනිසුන්ගේ සහ සෝවාන් නොවුණු මිනිසුන්ගේ වෙනස තමයි ඔවුන් ජවිතය දිහා දකින විදිය නැත්නම් ඔවුන් සිතන පතන විදිය . ඔවුන් තමන්ගේ සිත තේරුම් අරන් තමුන්ගේ ජිවන දැක්ම වෙනස් කරගත්ත අය නිසා වෙන්න ඇතිනේ ක්‍රියාවෙන් අනිත් මිනිස්සුන්ට සමාන වුනත් බුදුන් වහන්සේ ඔවුන් සෝවාන් විදියට හඳුන්වන්න ඇත්තේ .

      ඔවුන් තුල ආශාව, රාගය තියෙන්න ඇති .. කේන්තිත් යන්න ඇති .. පවුල් ප්‍රශ්න තියෙන්න ඇති . වෙනස තමයි ඔවුන් ඒ දේවල් සිහියෙන් දැකල හැමවිටම හරි දේ කිරීම . තමන්ගේ සිතට එන දේ නෙවෙයි ගැටලුවට අදාළ දේ කරන්න ඇති . සිත ඉක්මවා ගිය සිහියකින් වැඩ කරන්න ඇති නේද ?

      මම හිතන්නේ ඒ කියන්නේ කෙලෙස් සම්පුර්ණයෙන් නැති කිරීමක් නෙවෙයි නේ . එන කෙලෙස් හඳුනාගෙන ඒවා ට ඉඩ නොදී නිවැරදි දේ කිරීම . ඒක කරන්න අපි සිහියෙන් ඉන්න ඕනේ . සිහිය සහ සිත කියන දෙක අතර තියෙන වෙනස තේරුම් ගන්න ඕනේ .

      සම්පුරණයෙන් කෙලෙස් නැති වීම කියන තත්වය ට පත්වන්නේත් මේ ආකාරයෙන් ම සිත දිහා බලාගෙන සෑම සිතුවිල්ලක් දෙසම සිහියෙන් බැලීම තුලින් විතරයි කියල හිතෙන්නේ නැද්ද ?

      ඒක කරන්න නම් ඔය සියලු ඉගැන්වීම් වලින් අපේ ඔළුවට දාල තියෙන හැම සංකල්පයම ඔළුවෙන් අයින් කරලා අපිට නැවුම් විදියකට අපේ සිත දිහා බලන්න වෙනවා . ඒක කරන්න ඕනේ ධර්මය හොඳින් ඉගෙන ගෙන, පිළිවෙත් රැකලා, ශාසනය රැකගෙන ඉවරවෙලා නෙවෙයි . මේ දැන් මේ මොහොතේ තමන්ගේ සිත දෙස බැලීමෙන් .

      අපිට සමාජයෙන් ඈත්වෙලා වනගත වුණා කියල සිතිවිලි සමග නොගැටී ඉන්න පුළුවන් වෙන්න විදියක් නෑනේ .. කරන්න පුළුවන් මේ විදියට ඉන්න ගමන් අපි ඒ විදියට ඉන්න ඉගෙන ගන්න එක. එක්තරා මට්ටමකට ආවට පස්සේ සිටින්නේ කොන්ක්‍රීට් වනයකද , මල් වත්තකද කියන දේ වැදගත් නෑ ..

      බුදුදහමේ එන දුක නැතිකිරීමේ මාර්ගය මිට වඩා වෙනස් කියල මට ප්‍රායෝගිකව තේරුම් කරලා දෙන්න පුළුවන් නම් මම බොහොම කැමතියි ..

      මම හිතන්නේ ඇනෝ මිත්‍රයා සහ නුවර මැණිකේ මේ මම කියපු දේවල් වලට අමතරව ධර්මයට යොමුවීම නිසා තේරුම් ගත්ත අනිත් දේවල් ගැන සටහනක් දානවනම් ගොඩක් වැදගත් වෙයි .

      Delete
    10. කාර්යබහුලත්වය නිසා මට කමෙන්ට් කරන්න වෙනවා අඩුයි. කාලය තියෙන හැටියට පිළිතුරු දාන්නම්.

      [මේ කොටස් වලින් ඔබලා අදහස් කරන්නේ දුකින් මිදීම සහ තමන්ගේ මනස ගැඹුරු ලෙස තේරුම් ගැනීම දෙකක් විදියට සලකල කියලයි මට හිතෙන්නේ ...]

      තමන්ට රෝගයක් තියෙනව කියල දැනගැනීමයි, රෝගයට හේතුව සහ ප්‍රතිකාර කිරීමයි කියන්නේ එකිනෙකින් වෙනස් වූ දේවල්නේ.

      චතුරාර්ය සත්‍යය අරගෙන බලන්න:

      1. දුක
      2. දුකට හේතුව
      3. දුක නැති කිරීම
      4. දුක නැති කිරීමේ මාර්ගය

      ක්‍රිෂ්ණමූර්තිතුමාගේ දර්ශනයේ අඩුපාඩුව:

      3,4 : දුක නැති කිරීම සහ දුක නැති කිරීමේ මාර්ගය පෙන්වා දෙන්නේ නැහැ.

      දුක සහ දුකට හේතුව නම් යම් තරමකට පෙන්වා දී තියෙනවා.

      ක්‍රිෂ්ණමූර්තිතුමා ඉදිරිපත් කලේ තමන් අවබෝධ කල කරුණු. කොහෙන්වත් උගත් දේ නෙවෙයි. තම කරුණු බුදු දහම ලෙස පැවසුවේත් නැහැ.

      එතුමා සමහරවිට බෝසත්වරයෙක් වෙන්න ඇති. නමුත් බුදුන් වහන්සේ නමකට හැර වෙන අයකුට දුකින් මිදීමේ මාර්ගය පෙන්වා දිය හැකි නම්, බුදුන් වහන්සේලා පහල වීමේ අවශ්‍යතාවය මොකක්ද?

      මේ කරුණු දැක්වුවේ මම මෙතෙක් කියවපු ක්‍රිෂ්ණමූර්තිතුමාගේ දේශන ඇසුරින් ප්‍රායෝගිකව අත්දැකපු දේ. මට මග හැරුණු, එතුමා දුකින් මිදීම් ඉදිරිපත් කල තැනක් තියෙනවා නම් පෙන්වා දෙන්න.

      Delete
    11. [අපිට සමාජයෙන් ඈත්වෙලා වනගත වුණා කියල සිතිවිලි සමග නොගැටී ඉන්න පුළුවන් වෙන්න විදියක් නෑනේ .. කරන්න පුළුවන් මේ විදියට ඉන්න ගමන් අපි ඒ විදියට ඉන්න ඉගෙන ගන්න එක. එක්තරා මට්ටමකට ආවට පස්සේ සිටින්නේ කොන්ක්‍රීට් වනයකද , මල් වත්තකද කියන දේ වැදගත් නෑ ]

      ඔබ කතා කරන්නෙ අවබෝධය ලැබූ පසු ඇති වන තත්වයක් ගැන.

      මේක මෑතකදී සමාජයේ ඇති වුණ මතයක්. සත්‍යාවබෝධය ලබන්න වනගත වෙන්න අවශ්‍ය නැතිය, ගිහිව අඹු දරුවන් රකිමින් සියල්ල කරගත හැකිය කියන එක. කරන්න පුලුවන් අයත් ඇති. නමුත් හැම විටම සත්‍ය වෙන්නෙ නැහැ. මේවා පටලවා ගන්න එපා.

      ආරණ්‍ය සම්ප්‍රදාය ඇති කරල තියෙන්නෙ මාර්ගය වඩන්න ආධාරකයක් විදිහටයි. සමාජය හා ගැටීමේදී කෙලෙස් උත්සන්න වන නිසා ඒවායින් ඈත්ව සිටීමටයි. අවබෝධය ලැබූ පසු එහෙම ගැටලුවක් නැහැ.

      රෝගයක් තියෙන කෙනෙකු පිලිපැදිය යුතු කරණු තියෙනවා. ඒ ඒවා නොකලොත් සුව නොවීම හෝ පමා වීම වන නිසයි. නමුත් සුව කර ගත් පසු තවදුරටත් ඒවා පිලිපදින්න අවශ්‍ය නැහැ.

      භික්ෂූන් වහන්සේලා බ්‍රහිමචර්යාව රැකිය යුතුයි. නමුත් අනාගාමී උතුමකු ස්ත්‍රීයක හා සයනය කලත් කාමරාගය ඇති වෙන්නෙ නැහැ. පෘථග්ජන භික්ෂූන් ආයාසයෙන් බ්‍රහිමචර්යාව රකිනවා. අනාගාමී උතුමන් නිරායාසයෙන් රකිනවා. නමුත් පෘථග්ජන අය අනාගාමී උතුමන්ගේ තත්වය සිතට ගෙන කටයුතු කරන්න ගියොත් මොකක් වෙයිද?

      පූජ්‍ය අජාන් චා හිමියනුත් වනගත සම්ප්‍රදාය අනුගමන කල ගුරු හිමි නමක්. මට මතක හැටියට නිසල විල පොතෙත් මේ ගැන පැහැදිලි කිරීමක් තියෙනවා. ගිහි ජීවිතයෙන් සියල්ල කර ගන්න පුලුවන් නම්, බුදුන් වහන්සේ පැවිදි ජීවිතයක් අනුදැන වදාරන්න අවශ්‍ය නැහැ නේද?

      මගේ මිතුරු මිතුරියන් ඉන්නවා භාවනාව ඉදිරියට වැඩීම සඳහා රැකියාවෙන් ඉවත් වූ අය. ඒ අය කිව්වෙ එහෙම නැතිව අවිවෙකී ජීවිතයෙන් තවත් ඉදිරියට යන්න බැහැ කියලයි.

      මේවා දිහා විවෘතව බැලිය යුතුයි.

      Delete
    12. [බුදුදහමේ එන දුක නැතිකිරීමේ මාර්ගය මිට වඩා වෙනස් කියල මට ප්‍රායෝගිකව තේරුම් කරලා දෙන්න පුළුවන් නම් මම බොහොම කැමතියි ..]

      මට තේරුණ විදිහට සිහිය පිහිටුවීමෙන් කෙලෙස් යටපත් වෙනවා. නමුත් ප්‍රහාණය වෙයි කියල නම් හිතෙන්නෙ නැහැ. ඒකට ඊට වඩා දෙයක් කරන්න වෙයි කියලයි හිතෙන්නෙ. විදර්ශනා පොත් පත් වල සඳහන් වෙන්නෙ සිතේ ඇති වන අරමුණු අනිත්‍ය, දුක්ඛ, අනාත්ම වශයෙන් ත්‍රිලක්ෂණයට අනුව දැකිය යුතුයි කියල. ඒක කරන්නෙ කොහොමද කියල මමත් දන්නේ නැහැ. ඒක තමයි මමත් තාම හොයන්නේ. ඒක නිවැරදිව කලොත් අභිධර්මයට අනුකූලව ත්‍රිලක්ෂණය ප්‍රකටව දැනෙන්න පටන් ගන්නවා. දිගටම වැඩීමේදී කෙලෙස් කොටසක් ප්‍රහාණය වෙලා මාර්ගඵල අවබෝධ කරනවා.

      කෙලෙස් කොටසක් හෝ ප්‍රහාණය වෙන්නේ සෝවාන් ඵලයවත් ලැබුවොත් පමණයි. නැත්නම් කොහොමවත් ප්‍රහාණය වෙන්නේ නැහැ. යටපත් වෙනවා පමණයි.

      භාවනාවෙන් පමණක් නිවන් අවබෝධ කරන්න පුලුවන්ද කියන එකත් හරියටම දන්නෙ නැහැ. අර්හත් සම්බෝධිය සඳහා දස පාරමිතා සම්පූර්ණ කල යුතු බවයි සඳහන් වෙන්නෙ.

      Delete
    13. ඇනෝ ඔබගේ අදහස් වලට ස්තුතියි . මගේ පරිගණකයේ ගැටලුවක් නිසා පොඩ්ඩක් පරක්කු වුණා .

      ක්‍රිෂ්ණමුර්ති තුමා දුක ගැන විග්‍රහ කරන සාකච්චා ගොඩක් තියෙනවා .
      ඔබට ඒ සම්බන්ධ සාකච්චා ගොඩක් අන්තර්ජාලයෙන් හොයා ගන්න පුළුවන්
      මේ තියෙන්නේ ඒ වගේ සරලව පැහැදිලි කරන අවස්ථා 2ක්

      http://www.jiddu-krishnamurti.net/en/the-urgency-of-change/1970-00-00-jiddu-krishnamurti-the-urgency-of-change-suffering

      https://www.youtube.com/watch?v=BQdfonCStDw


      මේ අදහස් බැලුවම ඔබට හිතෙයි මේ කතා කරලා තියෙන්නේ දුක ගැන විතරයි දුකෙන් මිදෙන මාර්ගය නෙවෙයි කියල .

      එක මම තේරුම් අරන් තියෙන්නේ මෙහෙමයි

      බුදුහාමුදුරුවෝ සහ ක්‍රිෂ්නමුර්ති තුමා තේරුම් අරන් තියෙන සත්‍යයය දෙකම එකයි . බුදුහාමුදුරුවෝ අවබෝධකරගත්ත සත්‍යයය අපිට බුදුන්වහන්සේගෙන් ම අසා දැනගැනීමට හැකියාවක් තිබුනානම් ඒ කියනදෙත් මේ ක්‍රිෂ්නමුර්ති තුමා කියන දේත් එකම වෙයි කියලයි මට හිතෙන්නේ. අපිට අද බුදු දහම විදියට ලැබෙන්නේ බොහෝ අයට තේරුම් ගත හැකි විදියට පිළිවෙලට දහමක් විදියට සකස් කරපු ධර්මයක්. එකේ ලෝකයේ ඉන්න හැම විදියෙම මිනිසුන්ට ගැලපෙන විදියට දේශනා කරපු ධර්මය තියෙනවා .ඒ කියන්නේ ස්ටෙප් බයි ස්ටෙප් කලයුතු දේවල් . බුදුන් වහන්සේ විවිධ අවස්තා වල දේශනා කරපු ධර්මය පිළිවෙලට සකස් කරලා හාමුදුරුවරු විසින් ඒ විදියට හදන්න ඇති .

      මම මේ සටහනේ කිව්ව වගේ මම ඉස්සෙල්ලාම මගේ හිත ඇනලයිස් කරලා බැලුව ඇත්තටම ඔය බුදුහාමුදුරුවෝ දේශනා කරපු ධර්මයට අනුව මම සාමන්‍යයෙන් මොනවගේ තැනකද ඉන්නේ කියන එක . ඒ කියන්නේ පන්සිල් රකින එක මට ඒ හැටි අමාරු දෙයක් නෙවෙයි වගේ (මම හිතන්නේ අපි ගොඩක් අයට ඕක පුළුවන් )

      ඊට පස්සේ මෙතනින් එහාට යනකොට කොහොමද කියන එක ගැන හොයනකොට මේ ක්‍රිෂ්නමුර්ති තුමාගේ දේශනා වල කෙලින් ම හරය තියෙනවා නේද කියල මම තේරුම් ගත්තා .

      ඒ කියන්නේ උදාහරණයක් විදියට දුක කියන්නේ සමස්ථ දෙයක් . අපි ඒක විවිධාකාරයෙන් අපේ කරගැනීම නිසා අපි දුක්විඳිනවා කියන දේ. එහෙනම් අපි දුකින් මිදෙනවා කියන්නේ සමස්ථ දුක (සංසාරයෙ තියෙන දුක ) නැති කිරීම නෙමෙයි. ඒ දුකින් අපි නිදහස් වීම කියන එක . අපි අපේ කරගන්න දුක නැති කරන්න නම් ඉස්සෙල්ලාම අපි අපිව තේරුම් ගන්න ඕනේ කියන එක මම තේරුම් ගත්තා . ඒ විදියට අපි තුල තියෙන බැඳීම් මොනවාද කියන එක තේරුම් ගන්න පුළුවන් . බැඳීම් නැති වීම ඉබේ වෙන්නේ නෑනේ. බැඳීම සහ එහි ස්භාවය අපි හරියට තේරුම් ගැනීම නේද අපි කරන්න ඕනේ . ඒක තේරුම් ගත්තම ඒ දේවල් වල තියෙන හරසුන් ගතිය ටික ටික වැටහිලා අපිට බැඳීම් වලින් ටික ටික මිදෙන්න පුළුවන් . ඒ විදියට තමන් ව තේරුම් ගන්න නම් අපේ සිහිය දියුණු කරගන්න ඕනේ .

      ඔය ටිකම තමයි අපි ඉගෙන ගෙන තියෙන බුදුදහම පුරාම තියෙන්නේ කියලයි මම හිතන්නේ. නමුත් ඒ දහම ආගමක් විදියට අපි පිලිපදිනකොට අපිට එක මහාලොකු බැරෑරුම් දෙයක් ව්දියට ඔළුවට යනවා . ඒ කියන්නේ අපිට තව බොහෝ කාලයක් යනකම් මේක තේරුම් ගන්න බැරි වෙයි වගේ හැඟීමක් . අපි අපි ගැනම අවතක්සේරු කරගන්නවා වගේ හැඟීමක් මට නම් තියෙනවා .

      ඇත්තටම කලයුතු වන්නේ මේ දෙය නම්, ඒ දෙය කෙලින් ම නොකර සිලබස් එකක් අනුව දුර ගමනක් ලොකු කාලයක් ගිහින් අවසානයේ අවබෝධ කරගතයුතු දෙයක් විදියට නැතුව මේ දැන් මේ මොහොතේ මේ දෙය අවබෝධ කර ගත හැකි වීය යුතුයි යන්න මම තේරුම් ගත්තේ මේ ක්‍රිෂ්නමුර්ති තුමාගේ දේශනා සහ බාලසුරිය මහත්මයාගේ ඇසුර නිසා .

      [සිතේ ඇති වන අරමුණු අනිත්‍ය, දුක්ඛ, අනාත්ම වශයෙන් ත්‍රිලක්ෂණයට අනුව දැකිය යුතුයි කියල.]

      මේක හරි. නමුත් මේක මන්තරයක් වගේ අදහන එකෙන් වැඩක් නෑ . මේකට වන්දනා කරන එකෙනුත් වැඩක් නෑ . අපි මේ වැඩේ කරන්න ඕනේ . එක කරනකොට අපි අපේ සිතෙහි ස්භාවය හරියටම තේරුම් ගන්න ඕනේ . ඔබට කොයිතරම් අවශ්‍යතාවයක් මේ වෙනුවෙන් තියෙනවද කියන එක මත මේ සත්‍යයය තේරුම් ගැනීම රඳා පවතිනවා කියලයි මම හිතන්නේ .

      ඉතිරි කොටස පහල කොමෙන්ට් එකේ .

      Delete
    14. ඉතිරි ටික ...

      [මගේ මිතුරු මිතුරියන් ඉන්නවා භාවනාව ඉදිරියට වැඩීම සඳහා රැකියාවෙන් ඉවත් වූ අය. ඒ අය කිව්වෙ එහෙම නැතිව අවිවෙකී ජීවිතයෙන් තවත් ඉදිරියට යන්න බැහැ කියලයි.]

      භාවනාව ගැන මමත් මුලින් හිතුවේ ඔහොම තමයි.

      මම ඔය විදියට භාවනා කරද්දී අර දිපිතිමත් එළියක් වගේ දැනෙන අවස්ථාවෙන් එහාට යන්න බැරි වුණා. නමුත් පස්සේ මම එදිනෙද සිද්ද කරන වැඩවලට, කතා බහට සංවේදී වෙන්න පුරුදු වෙලා , ටික ටික ඒ මොහොතට අවධානය යොමු කරලා ඒ මොහොත තුල පමණක් ජිවිත් වීම ප්‍රයෝගිකව කරන්න ගත්තට පස්සේ භාවනාවෙන් ලැබෙන සැනසීම , සැහැල්ලුව ඒ විදියටම දැනෙන්න ගත්තා .

      ඔබට රෑට නිදාගන්න කලින් හෝ වෙනත් පහසු වේලාවක (කාගෙන්වත් කරදරයක් නැති වෙලාවක ) පොඩ්ඩක් තමන් කවුද ? මගේ හිතේ මොනවාද මේ වෙලාවේ තියෙන්නේ වගේ දේවල් ගැන පොඩ්ඩක් නිවිහැනහිල්ලේ කල්පනා කරලා බලන්න. ඊට පස්සේ ඒක පුරුද්දක් වශයෙන් හැමදාම කරනකොට අපිට ටික ටික අපේ හිත වැඩකරන හැටි ගැන තේරුම් යනවා .ඇත්තටම භාවනාවෙන් කාලයක් තිස්සේ කෙනෙක් තුල ඇතිවන වෙනස් කම් සියල්ලටම අපි මුහුණ දෙනවා . මේක ෂෝට් කට් එකක් නෙවෙයි . වෙන් වෙලා , වනවාසිවෙලා කරන දේම එදිනෙදා ජවිතය තුලින් අත්දැකීම.

      [අර්හත් සම්බෝධිය සඳහා දස පාරමිතා සම්පූර්ණ කල යුතු බවයි සඳහන් වෙන්නෙ.]

      මේ පාරමිතා ආදිය ගැන නම් මමත් දන්නේ නෑ. නමුත් අපි මේ විදියට ධර්මයට යොමු වෙලා තියෙන්නේ අපිත් ටික ටික හරි ඕව සම්පුර්ණ කරල තියෙන නිසා වෙන්න ඇතිනේ. ඉතින් ඒවා ගැන වැඩිදුර නොසිතා අපිට දැන් තියෙන හැකියාව සහ අවබෝධය අනුව කලයුතු දේ කිරීම තමයි වැදගත් කියල මම හිතන්නේ . සැකයේ වාසිය තියාගෙන .. :)

      බුදුදහම සහ මේ ක්‍රිෂ්නමුර්ති තුමා සහ බාලසුරිය මහතා වැනි අය කතා කරන දෙය අතර වෙනසක් නෑ . වෙනස තියෙන්නේ අපිට දැන් තියෙන බුදුදහම කියන්නේ සංවිදානය වුනු ආගමක්. නමුත් ක්‍රිෂ්ණමුර්ති තුමා හෝ බාලසූරිය මහතා ආගමක් ගැන කතා කරන්නේ නෑ . පවතින සත්‍යයය මෙය යැයි ඔවුන් කෙලින් ම කියනවා .

      අපිට තියෙන අවශ්‍යතාවය සහ අපේ අවබෝධය අනුව ඒක තේරුම් ගන්න පුළුවන් .

      Truth is a pathless land කියල අර මම දුන්න අඩවියේ සඳහන් වැකිය ගැන පොඩ්ඩක් හිතල බලන්න .

      ඔබට හැකි නම් බාලසුරිය මහතා හමුවී ඔබට තියෙන ගැටළු කතා බහ කර බලන්න. ඔබට බොහෝ දේවල් වෙනස් විදියට තේරුම් යාවි.

      Delete
    15. ස්තුතියි පැතුම්. වෙලාවක් ලැබුණ ගමන් links දෙක බලන්නම්.

      මේ සාකච්ඡාව ක්‍රමවත්ව කර ගෙන යන්න එක තැනකින් පටන් ගනිමු.

      "දුකින් මිදීම ඔබ අර්ථ දක්වන්නේ කොහොමද?"

      Delete
    16. ඇනෝ,

      මම දුක තේරුම් අරන් තියෙන්නේ මෙන්න මෙහෙම .

      මේ සමස්ථ විශ්වයේම තියෙන්නේ හේතුව සහ ඵලය අනුව හටගත් දේවල් . මිනිසුන් වන අප ඒ හේතුව සහ ඵලය කියන ස්භාවික සංසිද්ධියට අදාළ සිදුවන සිදුවීම් අප තුල තියන මමංකාරය නිසා (මමය, මගේය යන සංඥා) නිසා බැඳීම් විදියට හඳුනාගෙන ඒ බැඳීම් එක්ක ජිවත් වෙනවා . ඒ බැඳීම් සතුට සහ දුක විදියට අපි වර්ග කරගෙන ඉන්නවා . සතුට යන හැඟීම කියන්නෙත් බැඳීමක් නිසා හටගත් දෙයක් නිසා බැඳීම නැති වුනාම ආයෙත් දුකක් වෙනවා . ඒ විදියට ගත්තම විශ්වයේ ස්භාවිකව සිදුවන සංසිද්ධි වලට අපි ඇති කරගන්නා බැඳීම් දුක විදියට තමයි මම තේරුම් අරන් තියෙන්නේ .

      මම හිතන්නේ මට මා කෙරෙහි තියෙන බැඳීම නැති වෙන එක , ඒ කියන්නේ මමත් මේ විශ්වයේ හේතුව සහ ඵලය කියන සංසිද්ධිය නිසා හටගත් තවත් එක් ඵලයක් විතරක් මිස වෙන කිසිවක් නොවේ කියන පරම සත්‍යයය ප්‍රත්‍යක්ෂයෙන් තේරුම් ගැනීම දුකින් මිදීම විදියටයි මම තේරුම් අරන් තියෙන්නේ. කෙටියෙන් කිව්වොත් "මම" කියන සංඥාව ශුන්‍ය වෙලා යන එක. ඒ තේරුම් ගැනීමත් සමග අර අනෙකුත් සියලු බැඳීම් වලින් අපි නිදහස් වෙලා යනවා. අප තුල කරුණාව , දයාව ආදී ගුණාංග පමණක් ඉතිරි වෙනවා .

      එහෙම තේරුම් ගැනීම වචනාර්ථයෙන් තොරව අත්දැකීමෙන් ප්‍රත්‍යක්ෂ කරගැනීමයි වෙන්න ඕනේ .

      මම දුකින් මිදීම ගැන ඔබේ පෞද්ගලික අදහසත් දැන ගැනීමට කැමතියි .

      Delete
    17. මේ ගැන මගේ අදහස දාන්නම්.

      ඔබ කියන දුකින් මිදීම සහ නැවත ඉපදීම අතර ඔබ දකින සම්බන්ධය මොකක්ද?

      Delete
    18. ඇනෝ ,

      ඔය නැවත ඉපදීම සම්බන්ධයෙන් මම ගොඩක් දුරට හිතල තිබුනේ නෑ ඔබ අසන කම් ... මම තේරුම් අරන් තියෙන දේ පැහැදිලි කරගන්න අද මා බාලසුරිය මහතාට කතා කළා . එතුමා මට දුන්න සරල උදාහරණය ම මම ඔබට කියන්නම්.

      අපි පස් ස්වල්පයක් සහ ගඩොල් කැටයක් වතුරට දැම්මොත් වඩා ඉක්මනින් දියවී යන්නේ පස් , ගඩොල් කැටය දියවී යන්න බොහෝ කාලයක් ගතවෙනවා .

      මේ උදාහරණය මේ විදියට පැහැදිලි කරන්න පුළුවන්. මේ විශ්වයේ පවතින ජිව ශක්තියෙන් හටගත් අපි විශ්වය තුල නැවත නැවත ඉපදීම අප තුල ඉතිරි වන බැඳීම් වලින් පාලනය වෙනවා . ඒ බැඳීම තද නම් අපි බොහෝ කාලයක් ඉපදෙමින්, මැරෙමින් සිටයි හරියට ගඩොල් කැටේ වගේ .. නමුත් බැඳීම් සියුම් නම් තුනී පස් ටිකක් වගේ අප විශ්වය තුල දියවී යයි කිසිවක් ඉතිරි නොවී ..

      ඔබට පැහැදිලි ඇතයි සිතමි ..

      Delete
    19. මේ ගැන මගේ අදහස මෙහෙමයි.

      මම "දුකින් මිදීම" යනුවෙන් අදහස් කරන්නෙ 'නැවත උපතක් නැති කිර්‍රිම' යන කාරණය.

      "මම, මගේ" ලෙසින් අල්ලා ගැනීම නිසා, නැත්නම් සක්කාය දිට්ඨිය නිසා දුක ඇති වෙනවා තමයි. එලෙසින් අල්ලා නොගැනීමෙන් දුක නැති වීමකුත් වෙනවා තමයි.
      නමුත් එය සම්පූර්ණ දුක නැති කිරීමක් නොවෙයි.

      "මම, මගේ" ලෙසින් අල්ලා ගැනීම දුරු කල විට දුකින් මිදෙනවා නම්, සෝවාන් ඵලය අවබෝධ කල විට සම්පූර්ණයෙන් දුකින් මිදුනා විය යුතුයි. සෝවාන් වීමේදී සක්කාය දිට්ඨිය සම්පූර්ණයෙන්ම ප්‍රහාණය වෙනවා. එසේ නම්, බුදුන් වහන්සේ සෝවන් ඵලයෙන් නොනැවතී අර්හත් ඵලය දක්වාම මාර්ගය දේශනා කලේ ඇයි?

      එයට හේතුව ඔබ සසරේ රැඳී සිටින තාක් දුකට පත් වීමයි.

      සරලම උදාහරණයක් ගනිමු. ඔබට ආහාර නොලැබුණොත් කුසගිනි වෙනවා නේද? එය ඔබට දුකක් නෙවෙයිද? රෝගාබාධයක් ඇතිවුණොත්, දරුණු අනතුරක් වුණොත් දැනෙන අධික වේදනාව ඔබට දුකක් නෙවෙයිද? ඔබ වයසට ගිහින් තව කෙනෙකුගේ උදව් නැතිව වැසිකිලියට යාමට පවා නොහැකි වුණොත් දුකක් නෙවෙයිද?
      ඒ දේවල් ඔබ 'මගේ' ලෙස සිතින් අල්ලා ගන්නේ, තෘෂ්ණාව ඇති කර ගන්නේ නැහැනේ.

      ටිකක් ගැඹුරින් කියනවා නම්, ආශ්‍රවයන්, කාමශ්‍රව, භවාශ්‍රව, දිට්ඨාශ්‍රව ආදී ලෙස විවිධයි. සක්කාය දිට්ඨිය අයිති වෙන්නෙ දිට්ඨාශ්‍රව වලට. සෝවාන් වීමේදී සක්කාය දිට්ඨිය නැති වුණත් කාමශ්‍රව ආදිය ඉතිරි වෙනවා. සෝවාන් වූ අයට කාමරාගය තියෙනවා. ඔවුන් විවාහ ජීවිත ගත කරනවා. කෙලෙස් තියෙනවා නම් නැවත උපතක් කරා යන අතර දුකට පත් වීමත් සිදු වෙනවා.

      උපතක් ලබන සෑම සත්වයෙක්ම දුකට පත් වීම සිදු වෙනවා. එසේ වන්නෙ අනිත්‍යය නිසා. අපට දිනපතා ආහාර ගන්න සිදු වෙන්නෙත් අනිත්‍යය නිසා. මෙතනදී අනිත්‍යය කිව්වෙ වයසට යාම, මරණය නෙවෙයි. ශරීරය සෑදී තිබෙන ඉතාම සියුම් කොටස් විනාශයට පත් වීම. ඒවා නැවත ඉපදවීමට ආහාර ගන්න සිදු වෙනවා. (පරමාණුක විභේදනයටත් එහා ගිය විවරණයක් අභිධර්මයේ ඇතුලත් ). ඒ ආකාරයට ජීවිතය පැවැත්වීමට අවශ්‍ය සෑම දෙයක්ම අනිත්‍ය නිසා නැවත නැවත ඉපදවීමට සිදු වෙනවා. එයයි දුක. එහි කෙලවරක් නැහැ.

      බුද්ධ කාලයට පෙර පවති දුකින් මිදීමේ ක්‍රමය ධ්‍යාන වඩා බ්‍රහ්ම ලෝකයේ ඉපදීමයි. බ්‍රහ්ම ලෝකයේ දුකක් ඇත්තේම නැති තරම්. ධ්‍යාන සුවයෙන් කල්ප ගනන් සුව සේ සිටිය හැකියි. නමුත් බුදුන් වහන්සේ ඒ සියල්ල ප්‍රතික්ෂේප කලා, එවා සැබැ දුකින් මිදීමක් නොවන නිසා.

      එක් අනාගාමී භික්ෂූන් වහන්සේ නමක් සිටියා. උන් වහන්සේ භාවනා කිරීම අඩු කලා. අනාගාමී උතුමන් මිය ගිය පසු උපදින්නේ ශුද්ධාවාස බ්‍රහ්ම ලෝක වල. 'ඉතිරි ටික මම බ්‍රහ්ම ලෝකයේදී කර ගන්නවා' කියල අර භික්ෂූන් වහන්සේ සිතුවා. මේ දැනගත් බුදුන් වහන්සේ මෙසේ විමසා සිටියා.

      "අසූචි ස්වල්පයක් ගත්තත් ගොඩක් ගත්තත් එකම දුර්ගන්ධය නේද?"

      මෙයින් බුදුන් වහන්සේ අදහස් කලේ සුළු කලකට හෝ භවයක රැඳීම, නැවත උපතක් ලැබිම දුකට හේතු වන බවයි.

      පස් සහ ගඩොල් උදාහරණය මම බුදු දහමින් තේරුම් ගත් දෙය සමඟ හරිහැටි සමපාත වෙන්නේ නැහැ. කෙලෙස් අංශු මාත්‍රයක් හෝ ඉතිරි නම් ඔහු නැවත උපතක් කරා යනවා. එනිසයි කෙලෙස් මුලුමනින්ම ප්‍රහාණය කල යුතු.

      මේ ගැන ඔබේ අදහස් දක්වන්න:

      1. ක්‍රිෂ්ණමූර්ති රහත් වූ නැත්නම් යම් මාර්ගඵලයක් අවබෝධ කල අයකු ලෙස ඔබ සිතනවාද?

      2. ඔහුගේ ක්‍රමය අනුගමය කිරීමෙන් ඔබ ප්‍රායෝගිකව ලත් අවබෝධය කෙබඳුද? ඔබ තුල දැන් කෙලෙස් නැතිද? ඔබ නැවත උපදීද?

      3. ක්‍රිෂ්ණමූර්තින්ගේ ක්‍රමයෙන් රහත් වූ හෝ මාර්ගඵල ලැබූ වෙනත් අය ඔබ දන්නවාද?

      උපේක්ෂාටත් බුදු දහම ගැන හොඳ වැටහීමක් තියෙන බව පෙනෙනවා. ඇයත් මෙ ගැන අදහස් දක්වනවා නම් හොඳයි.

      Delete
    20. ඇනෝ : මේ සංවාදය බොහොම රසවත් නිසා මම නරඹන්නෙක් වෙන්න ආසා කළා. නැත්තම් මම මෙතැන වලං කඩේට පැනපු කුළු හරකා වගේ ප්‍රශ්න අහන්නයි උත්තර බඳින්නයි ගියා නම් අච්චාරුවක් වෙනවා. ( චීයා මම නෙවෙයි අනේ හරකා හි.. හි...) අනිත් එක මම අදහසට 99% විතරම ඔබ කියන අදහස සමපාත වෙනවා.

      සසර බැඳීම් කියන දේවල් ජාති දෙකක් මම දකිනවා. ඒ තමයි තමුන් හිතාමතා ඇතිකරගන්නා සහ තමුන්ගේ පාලනයෙන් තොරව පවතින. ඔබ ඔය කියන්නේ හැමවිටම පළමු කොටස ගැන විතරයි කියා මට හිතෙන්නේ. හොඳයි ඔබ හිතාමතා මිත්‍රයින් ඇතිකරගන්නවා කියමු, එතකොට සංසාරික සතුරන්? බුද්ධ චරිතයේ උන් දේවදත්ත කියන්නේ එහෙම තමුන්ගේ පාලනයකින් තොරව ඇතිවුන සංසාරික සතුරෙක් නේද? ඇයි බුද්ධත්වයට පත්වුනත් තමුන්ගේ මස්සිනාට උදව් කරන්න බුදුන් වහන්සේට බැරිවුනේ?

      අපි අපේ බැඳීම් ඉවර කරනවා කියන්නේ එහෙම ගෙවන්න පුළුවන් දෙයක්නම් සසර මෙතරම් බියකරු වෙන්නේ නැහැ.

      අහලා තියෙනවද ඉස්සර හිටපු සමහර සාස්තෘවරු දේශනා කළා පව් ගෙවලා ඉවර උනහම දුක නිමා වෙනවා කියලා. එහෙම කියලා සත්තු වගේ ඉඳලා පව් ගෙවනවා. ඒ වගේම පව් නොකරනවා වගේම පිනුත් නොකර ඉඳිල්ලෙන් සසර කෙටි වෙනවා කියල? ( මම හිතන්නේ අපේ රටෙත් දැන් එහෙම කොටසක් ඉන්නවා. එයාල පොෂ් විදියට ඔය අදහස කියන්නේ) සමහර ඒ මතයන්වල තියෙන දේවල් බාහිරෙන් බැලුවම බුද්ධ දේශනාවට පොඩ්ඩක් විතර සමානයි වගේ පේනවා. නමුත් හාත්පසින්ම වෙනස්! අර කොසොල් රජතුමාට රහතුන් වහන්සේලා ගැන කරපු දේශනාවේදී එය හොඳින් පැහැදිලි වෙනවා.

      අනිත් එක පැතුම්, මට නොවැටහෙන කාරණේ තමයි මේ කාරණා ආගමක කියන විටදී ඔලුවට නොයන්නට මට සාධාරණ හේතුවක් හොයාගන්නම බැහැ ( [බුදුහාමුදුරුවෝ අවබෝධකරගත්ත සත්‍යයය අපිට බුදුන්වහන්සේගෙන් ම අසා දැනගැනීමට හැකියාවක් තිබුනානම් ඒ කියනදෙත් මේ ක්‍රිෂ්නමුර්ති තුමා කියන දේත් එකම වෙයි කියලයි මට හිතෙන්නේ] කියා ඔබ කිව්වා නිසා) සමහර වෙලාවට අපේ ඇහෙන් දැකපු කෙනෙක් විසින් නොකියන ලද දෙයක් අහන හින්දද? හොඳයි මම මේ උදාහරණය කියන්නම්.... ඔබට අඟහරු කියා ග්‍රහ ලෝකයක් තිබෙන බව කවුරුන් හෝ කියා තිබෙනවා. ඔබ පින්තුරත් දැක තිබෙනවා. නමුත් ඔබ එතනට ගිහින් නැති නිසා හෝ මුල්ම සොයාගැනිල්ල කරපු පුද්ගලයාගේ මුවින්ම අහපු නැති නිසා කියල ප්‍රතික්ෂේප නොකරන්නේ ඇයි ?

      Delete
    21. ඔව් උපේක්ෂා, අපේ පාලනයෙන් තොරව පවතින කොටසක් තියෙනවා. ඇතැම් රහතන් වහන්සේලාට වගේම බුදුන් වහන්සේටත් අතීත අකුසල් විපාක දුන් අවස්ථා තියෙනවා, සියලු ක්ලේෂයන් ප්‍රහීන කර තිබියදීත්. ඒවගේම, ඇතැම් අකුසල කර්ම නිසා මාර්ගඵල ලැබීම තබා කිසිදු ධර්ම කරුණක් අවබෝධ කල නොහැකි ලෙස බාධාකාරී වන අවස්ථා තියෙනවා.

      Delete
    22. මේක හොඳ ප්‍රශ්නයක්. අඟහරු ලෝකය ගාවට යන්න ඕනේ නැහැ. අපට දුර දක්නයකින් ඒක එතන තිබෙනවා කියල පින්තුරයක් අරගෙන ගණිතමය වශයෙන් ඔප්පු කරන්න පුළුවන්. එකයි මිනිස්සු ඒක පිළිගන්නේ.
      මටත් ප්‍රශ්නයක් තිබෙනවා. මං මේ සාකච්චාව ඉතාමත් කැමැත්තෙන් කියවනවා ඇනෝ වගේම පැනල කතා කරන්නේ නැතුව. නමුත් ප්‍රශ්නයක් අහන්න කැමතියි. ඔබල නැවත ඉපදීම සිදුවන දෙයක් හැටියට කෙලින්ම ගන්නේ කොහොමොද? බුදු හාමුදුරුවෝ කිව්වා නැවත ඉපදීම මෙය නොවේ කියා මා සිතනවා. ජානවල තිබෙන මතකය ඔහු කීව කියලයි ම හිතන්නේ. එහම නැතිව (ස්ටේවන්සන් ගේ සිට ඩොක්ටර් වෛස් දක්වා පොත් කියවලත් ) මේ තිබෙන නවතැහැ ඉපදීම විශ්වාස කරනන් මට නම් බැහැ. අනික ක්‍රිෂ්ණමුර්ති තුමා බුදු දහමේ අභාෂය නැතිව ඒ හැම දෙයක්ම දේශනා කෙරුව කියල කියන්නත් බැහැ. ඔහුගේ පොත් කියවපුවහම මට නම් තේරුනේ ඔහු බුදු දහමින් සෑහෙන ආභාෂයක් ලබා තිබෙන බව.

      Delete
    23. @Ajith Dharma: ඔබ නැවත ඉපදීම කියන දේ තේරෙන්නේ නැති නම් ( පිළිගන්නේ නැති නම්) , ඔබට බුද්ධ දේශනාව නොතේරෙන්න තියෙන සම්භාව්‍යතාවය 99.9% . ඔබගේ බුද්ධිය අවතක්සේරු කළා කියලා පටු විදියට හිතන්න එපා මම එහෙම කිව්වම ( ඔබ එහෙම හිතන/නොහිතන එක ඔබට බාරයි)
      .

      ඔප්පු කරනවා කියා ඔබ කියන්නේ දැනට සොයාගෙන තිබෙන නවීන විද්‍යාවෙන් ඔප්පු කිරීමද? නවීන විද්‍යාව කියන්නේ බුද්ධ දේශානාවල් එක්ක බැලුවම අබ ඇටයක් වගේ මට නම්. ( ලොකුකමට කිව්වා කියලා හිතන්න එපා) මම බුද්ධ දර්ශනය ඔලුවේ තියන් උඩපනින කෙනෙක් නෙවෙයි. නවීන විද්‍යාවෙන් සොයාගත්තා නේද පුනර්භවය කියන දරුවන්, අධිමානසික විද්‍යාවේදී එන මෝහන ප්‍රතිකාර ආදිය? එතකොට ඔබ කියවා තිබෙනවාද කිසිම විදියකින් බුද්ධ ධර්මය ගැන උපන්තේකට දන්නේ නැති එඩ්ගා කේසි ගැන කරපු ප්‍රසිද්ධ රිසර්ච් එක ( එය Many life many mansions ලෙස ඉංග්‍රීසියෙන් පළවුනා, එය 'සංසාර මන්දිර' ලෙස සිංහලයට පරිවර්තනය වුනා) ඔහු දන්නා බුද්ධ ධර්මයක් නැතත්, ඔහුන තමුන්ගේ ආගමේ ප්‍රතික්ෂේප කරන පුනර්භවය තමයි අවසානෙදි එළිවුනේ. ඔබ පර්යේෂණ වලින් කාරනා හොයන නිසයි ඒවා කිව්වේ.

      කොටින්ම දැනට නවීන විද්‍යාව හොයන විශ්වය ගැන බුද්ධ දේශනාවල සමහර තැන්වල සඳහන් වෙලා තියෙනවා. නමුත් බුදුරජානන් වහන්සේ ඒවා දේශානා නොකළේ මිනිස්සුන්ට සසර ගමනට වැඩක් නැති නිසා. නැතිනම් ඒ කාලෙත් බුදුන් වහන්සේ ළඟට ආපු අය දැන් වගේම විශ්වය ගැන ප්‍රශ්න අහලා තියෙනවා. බුදුන් වහන්සේ ඒවාට උත්තර නොදී ඉන්න කාන්ඩේට දාල තිබ්බේ.

      ක්‍රිෂ්නමුර්ති තුමා ගැන මගේ අදහසත් ඔබ 'වගේ'. සමහර වෙලාවට තමුන්ටම තේරෙන්නේ නැති වෙන්නත් පුළුවන් ඒ අදහස් කාගෙන්වත් ගත්ත ඒවාද නැත්තම් තමුන්ගේම ඒවාද කියල.

      ප.ලි. ඔබ බුදුන්වහන්සේ ගැන කියනකොට 'ඔහු' කියන පදය යොදන එකට වඩා අඩුම තරමේ 'බුදුන්' කියාවත් යොදනවා නම් හොඳයි කියලා හිතනවා. මගේ ආගමේ උසස්ම පුරුෂයා නිසා නොවෙයි කවුරුත් ගරුකරන උත්තම පුරුෂයෙක් නිසා.

      Delete
    24. @Ajith Dharma: ආ.. තව දෙයක් මට කියන්න බැරි උනා.

      ඔබ හොඳින් දන්නවා ඇති නේ ඇස්බැන්දුම් ගැන. ලෝකයේ හොඳම ඇස්බැන්දුම් කාරයා ඉදිරියේදී ඔබට ඔප්පු කරන්න පුලුවන්ද 'හැමදෙයක්ම' ඇස්බැන්දුම් කියල? සමහර දේවල් ඔබට පුළුවන් වෙයි, සමහර දේවල් ඔප්පු කරන ඔබට කොහොමත් බැරි වෙයි. මොකද තාක්ෂනේ මදි! ඒකෙන් ඔප්පු වෙන්නේ අපේ තාක්ෂණික උපාංගයේ අඩුවක් මිසක් එතන එහෙම දෙයක් උනේ නැහැ කියලද ? ඒ වගේම ඔබ දැකල ඇතිනේ මිරිඟුව. ඔබගේ ඇස් දෙකට පේනවා ඈත වතුර, ඔබේ ඇස්දෙක ඔබට කියනවා එතැන වතුර තියෙනවා කියල. මිරිඟුව නොදන්නා මනුස්සයා හිතන්නේ එතන වතුර තියෙනවා කියල. කොතැනද දැන් හරි...? ඔබ කොහොමද ඔහුට එතන වතුර නැහැ කියල කියන්නේ? එතනට එක්කන් ගියාම ඊට එහායින් පේනවනේ වතුර.. ඔහු පිළිගනිද? ඔබටත් කවුරුහරි කියල ඒ මිරිඟුව කියල.. නැද්ද? ඔබ ඒක පිළිගන්නා කෙනෙක් නේ?

      තව හිතන්න ඔබ වේගෙන් කැරකෙන විදුලි පංකාවක් දිහා බලන් ඉන්නවා කියල. ඕන් වෙනකොට එතැන හිටියේ නැහැ කියල උපකල්පනය කරන්න.පංකාව නතර වෙනකල්ම ඔබ දන්නවද එතැන තිබ්බේ සම්පුර්ණ රවුමක් නෙවෙයි, පෙති තුනක් විතරයි කියල? කොයි වෙලේද ඔබ එය දැනගන්නේ? ඔබේ ඇස්දෙක ඔබව මොහොතකට මුලා කළා නේද? දැන් ඔබ ඔබේ ඇස කොපමණ දුරකට විස්වාස කරනවද?

      Delete
    25. ඉස්සෙල්ලම මම කියන්න ඕනේ මම මේ සටහන ලිව්වේ ක්‍රිෂ්නමුර්ති තුමාගේ ඉගැන්වීම් ගැන කතා කරන්න හෝ ඒවා ප්‍රමෝට් කරන්න නෙවෙයි කියන එක. මම ක්‍රිෂ්නමුර්ති තුමා ගේ ඉගැන්වීම් වල ඇතිදේ මගේ ධර්ම ගවේෂණයේදී ප්‍රයෝජනයට ගත්තා . එතුමා බෞද්ධාගමික විදියට රහත් ද සෝවාන් ද ආදී කරනු ගැන අවංකවම මම දන්නේ නෑ. අනිත් එක මට ඒවා කිසිම දිනක වැදගත් වුනෙත් නෑ... මින් ඉදිරියටත් මම ඒ ගැන හොයල බලන්න අදහසකුත් නෑ .. මොකද මම ඒ දේශනා වලින් ගත යුතු දේ අරගෙන තවදුරටත් මට අවශ්‍ය දේ ඉගෙන ගනිමින් සිටිනවා .

      අනිත් එක අපි ඉගෙන ගත්ත බුදු දහම එහෙම නැත්නම් අපිට උරුම වෙලා තියෙන බුදු දහම හරි හෝ වැරදි ද යන්න ගැන කරන කතා බහකුත් නෙවෙයි මේක . එහෙම දේවල් ගැන තර්ක කරන එක තේරුමක් නැති වැඩක් . තවත් එක වැඩකට නැති වාදයක් විතරක් වෙයි අපි ක්‍රිෂ්නමුර්ති තුමා ද හරි බුදුහාමුදුරුවොද හරි කියන දේ ගැන කතා කරන්න පටන් ගත්තොත් .. :)

      මගේ ජිවිතයේ පෞදගලික සිදුවුණු වෙනස් කම් ගැන මම ලියන්නම් ඊට කලින් ඇනෝ ගේ සටහනේ මේ කොටස ගැන පොඩ්ඩක් මගේ අදහස කියල ඉන්නම්

      [සරලම උදාහරණයක් ගනිමු. ඔබට ආහාර නොලැබුණොත් කුසගිනි වෙනවා නේද? එය ඔබට දුකක් නෙවෙයිද? රෝගාබාධයක් ඇතිවුණොත්, දරුණු අනතුරක් වුණොත් දැනෙන අධික වේදනාව ඔබට දුකක් නෙවෙයිද? ඔබ වයසට ගිහින් තව කෙනෙකුගේ උදව් නැතිව වැසිකිලියට යාමට පවා නොහැකි වුණොත් දුකක් නෙවෙයිද?
      ඒ දේවල් ඔබ 'මගේ' ලෙස සිතින් අල්ලා ගන්නේ, තෘෂ්ණාව ඇති කර ගන්නේ නැහැනේ. ]


      මෙතැනදී බඩ ගින්න දුකක් වෙන්නේ "අනේ මට බඩගිනියි / මගේ මේ බඩගින්න නිවා ගන්න විදියක් නෑ" යනුවෙන් බඩගින්න මගේ කරගත්තොත් විතරයි නේද ? නැත්නම් බඩගින්න කියන්නේ අපේ ජීවිතය පවත්වාගෙන යන්න ඕනේ කරන එක සාධකයක් විතරයි . මට හැකි විදියට මම ඒක නිවා ගන්නවා කියල හිතුවොත් ඒක දුකක් වෙනවද නැත්නම් තවත් එක ක්‍රියාවක් විතරක් වෙනවද?
      දරුණු තුවාලයක් නිසා ඇතිවෙන වේදනාව නතර වෙන්නේ නෑ . ඒකට ශරීරයට අවශ්‍ය ප්‍රතිකාර ලැබෙන කම් වේදනාව තියෙයි . ඒක තනිකරම රසායනික ක්‍රියාවලියක් නිසා හට ගන්න දෙයක් විතරයි . නමුත් ඔබ ඒ වේදනාව මගේ කරගත්තොත් ඒ වේදනාව ඉවර වෙනකම් ඔබට මහා දුකක් වෙයි ..

      අපිට ස්වභාවධර්මයේ රටාව සහ එහි ක්‍රියාකාරිත්වයත් , තමනුත් එහි තවත් එහි එක ක්‍රියාවක් පමණක් විදියට දකින්න පුළුවන් නම් .. බොහෝ දේ එක්ක සැනසීමෙන් ඉන්න පුළුවන් ... නමුත් මෙය වචනාර්ථයෙන් දන ගැනීමෙන් වැඩක් නෑ .. ඔබ සහ ස්භාවධර්මය යනු දෙකක් නොව එකක් විදියට දකින්න ඕනේ ..

      ඇනොගේ අනිත් ප්‍රශ්නය ක්‍රිෂ්නමුර්තිගේ ක්‍රමයෙන් රහත් හෝ මාර්ගපල ලැබූ අය ගැන දන්නවද කියන එකට මට කියන්න තියෙන්නේ මම එහෙම අය ගැන දන්නේ නෑ කියන එක . වැදගත් ම දේ තමයි මෙහි ක්‍රිෂ්නමුර්තිගේ ක්‍රමය සහ බුදුන් ගේ ක්‍රමය යනුවෙන් ක්‍රම දෙකක් නෑ කියල තේරුම් ගැනීම . එහි ඇති එකම වෙනස බුදුන් ගේ ධර්මය ආගමක් විදියට මිනිසුන් ඇදහීමත් , ක්‍රිෂ්නමුර්ති තුමා සහ තවත් එවැනි අය පවසන ධර්මය ආගමක් විදියට කිසිවෙක් නොඇදහිම. නමුත් මම හිතන්නේ යම් කෙනෙක් මේ සත්‍යයය තේරුම් ගත් විට ඔහු හෝ ඇය තුල ඇතිවන වෙනස එකයි. ඒක විශ්වය තුල පවතින සත්‍යයය ස්භාවයක් ඕනෑම කෙනෙකුට ඒ ස්භාවයට නිරාවරණය වෙන්න පුළුවන්. අනික ඒ නිරාවරණය වීම කියන්නේ කාලය තුලින් ගොස් කෙළවර ලැබෙන දෙයක් නෙවෙයි . මේ දැන් මේ මොහොතේ ඔබට අත්දැකිය හැකි දෙයක් . හරියට සිහිනයක් දකිමින් සිට අවදි වෙනවා වගේ ..

      ["මම, මගේ" ලෙසින් අල්ලා ගැනීම දුරු කල විට දුකින් මිදෙනවා නම්, සෝවාන් ඵලය අවබෝධ කල විට සම්පූර්ණයෙන් දුකින් මිදුනා විය යුතුයි. සෝවාන් වීමේදී සක්කාය දිට්ඨිය සම්පූර්ණයෙන්ම ප්‍රහාණය වෙනවා. එසේ නම්, බුදුන් වහන්සේ සෝවන් ඵලයෙන් නොනැවතී අර්හත් ඵලය දක්වාම මාර්ගය දේශනා කලේ ඇයි?]

      මම හිතන්නේ අර්හත් ඵලය දක්වා යාම කියන්නේ ඔය මමය මාගේය කියා අල්ලාගෙන සිටීම නැති වූ කෙනෙක් තව දුරටත් තමගේ සිහිය දියුණු කරනකොට ප්‍රඥාව වර්ධනය වීම නේද ? අවසානයේ බුද්ධත්වය කියන්නේ ඒ සියල්ලේම උසස්ම අවස්තාව . මාර්ගය හැමවිටම සිහිය මත පදනම් වෙච්ච දෙයක් කියලයි මම හිතන්නේ .. මේ තරම් දුර කතා කරන්න තරම් මම මේ ගැන තාම දන්නේ නෑ .. නමුත් හොයල බලන එක වටිනවා ..

      ඉතිරි කොටස ඊලඟ කොමෙන්ට් එකේ ..

      Delete
    26. උපේක්ෂගේ සංසාරික දේ ගැන බුදු දහමේ එන නියාම ධර්ම වලින් පැහැදිලි කරන්න පුළුවන් (උතු නියාම,බීජ නියාම,චිත්ත නියාම ආදී වශයෙන් තියෙන්නේ ) මේ නියාම ධර්ම නිසා අපේ ගති ගුණ , හැසිරීම , කතා බහ ආදිය වෙනස් වෙනවා ඒ වෙනස නිසා අපි මේ ජීවිතය තුල ක්‍රියා කරන විදිය අනුව අපිට ලැබෙන ප්‍රතිඵල වෙනස් වෙන්න පුළුවන් . සමහර දේවල් ජාන වලින් අපිට ලැබුන ගති ගුණ වෙන්නත් පුළුවන්

      ඔය ගැන බාලසුරිය මහතා කතා කරපු අවස්තාවක් මේ වීඩියෝ එකේ තියෙනවා . හැකිනම් බලන්න .

      https://www.youtube.com/watch?v=sym2rdvgYaE

      [ඒ වගේම පව් නොකරනවා වගේම පිනුත් නොකර ඉඳිල්ලෙන් සසර කෙටි වෙනවා කියල? ( මම හිතන්නේ අපේ රටෙත් දැන් එහෙම කොටසක් ඉන්නවා. එයාල පොෂ් විදියට ඔය අදහස කියන්නේ) සමහර ඒ මතයන්වල තියෙන දේවල් බාහිරෙන් බැලුවම බුද්ධ දේශනාවට පොඩ්ඩක් විතර සමානයි වගේ පේනවා. නමුත් හාත්පසින්ම වෙනස්!]

      මම හිතන්නේ මෙතන පව් පින් වලට වඩා වැදගත් කුසල් අකුසල් දෙක කියලයි . අපිට වෙලා තියෙන්නේ අපි බුදු දහමට අනුව ජිවත් වෙනවා කියල හිතාගෙන පින් පව් රැස් කරමින් සසර දික් කරගන්නවා මිසක් කුසල් අකුසල් දෙක තේරුම් ගන්නේ නෑ. ඔබ ඔය කියන විදියට ජිවත් වෙන අය පින් නොකර කුසල් කරන අය වෙන්න පුළුවන් . මම දන්න විදියට බුදු දහමේ පින් රැස් කරගන්න කියල තියෙන්නේ නැවත ඉපදීමක් සිදු වුනොත් ඒ උපත පොඩ්ඩක් හොඳ තත්වයට පත් කරගන්න මිසක් නිවන් දකින්න නෙවෙයි නේද ? නමුත් කුසලය ඊට වඩා වෙනස් දෙයක් නේද ? මම හිතන්නේ උපේක්ෂා පින් පව් කුසල් අකුසල් ගැන මට වඩා දන්නවා ඇති ...

      අඟහරු ලෝකේ ගැන කතාවට නම් අජිත් ගේ උත්තරෙන් ම මටත් උත්තරයක් දෙන්න පුළුවන්.
      මම කියන්නේ කෙනෙක් අපිට අඟහරු කියල ලෝකයක් තියෙනවා. ඒක මෙන්න මේ වගේ, ඔබට මෙන්න මේ විදියට කලොත් අගහරු ලෝකෙට යන්න පුළුවන් කියල කියනවා. අපි ඒක අහල එක පිලි අරගෙන ඒ විදියටම කරනවා සමහරවිට එක හරි යන්නත් පුළුවන් සමහරවිට නැති වෙන්නත් පුළුවන් . නමුත් කෙනෙක් කියපු පලියටම ඒක පිළිගන්නේ නැතුව තවත් මේ අගහරු ගැන කියපු අය ඉන්නවද ? එයාල කොහොමද මේක කියන්නේ කියල හොයල බලල සමහරවිට වඩා පහසු විදියකින් අඟහරු වෙත යන්න පුළුවන්.

      උදාහරනෙකට විශ්වයේ උපත ගැන මුලින්ම සඳහන් වෙන්නේ වේද ග්‍රන්ථ වල නමුත් විද්‍යාව ඒ කතාව ඒ විදියට පිළිගන්නේ නැතුව ගණිතය , භෞතික විද්‍යාව ආදියෙන් ඒ කියපු සංකල්ප ඔප්පු කරලා තියෙනවා. ඒ සංකල්ප මිනිස්සුන්ට වඩා පලදායි විදියට බාවිතා කරන්න ක්‍රම සහ විදි සොයාගෙන තියෙනවා . එහෙම කරලා තියෙන්නේ ඔව් අර මුලින් කියපු එක හරි අපිත් ඒක පිලිඅරන් අරන් ඉමු කියල නිකන් ඉඳීමෙන් නෙවෙයි නේ .

      මේක විද්‍යාව සහ බුදු දහම ගැන ගැටළු කතා කරන පැත්තට යන එක නම් තේරුමක් නෑ .. මම කියන්නේ බුදු හාමුදුරවෝ පැහැදිලිවම කියල තියෙනවා කවුරු කීවත් , මොන පොතේ තිබුනත් පිළිගන්න එපා . තමන් විසින් නුවනින් විමසා බලා පිළිගන්න කියල. ඉතින් මම ක්‍රිෂ්නමුර්ති තුමාගේ දේශනා වලින් තේරුම් ගත්ත දේවල් බුදු දහමේත් තියෙනවා නමුත් වෙනස් විදියකට. ඒ නිසා තමයි මම කිව්වේ බුදුන් වහන්සේ ගේ හඬින් අපිට මේ කියපු ධර්මය අහන්න ලැබුනොත් අපි ඒවා තේරුම් ගන්න විදිය වෙනස් වෙන්න පුළුවන් කියල. මොකද අපිට දැන් තියෙන්නේ අවුරුදු 2500ක් තිස්සේ රි-ෆැක්ටර් කරපු ධර්මයක් නිසා .


      අජිත් / උපේක්ෂ,
      ක්‍රිෂ්නමුර්ති තුමාගේ දේශනා සහ බුදු දහම එකක් විදියට දැනෙන්නේ ක්‍රිෂ්නමුර්ති තුමා බුදු දහම වෙනස් විදියකට කියන නිසා නෙවෙයි. මේ පවතින සත්‍යයය තේරුම් ගත් ඕනෑම කෙනෙක් තේරුම් ගන්න දේ එකම නිසා. ඒක එක එක්කෙනාගේ ප්‍රඥා මට්ටම අනුව කොතරම් දුරකට ඒක තේරුම් ගන්නවද කියන එක තීරණය වෙනවා ඇති ..

      මම හිතන්නේ අපිට වඩා විවෘත මනසකින් ලොව පුරා පැතිරුණු බුදු දහම ගැන කරුණු සොයා බලන්න පුළුවන් නම් මේ සමහර දේවල් ගැන අපිට තියෙන සැක දුරු කර ගන්න පුළුවන් . කෙලින් ම ඔය අනිත් ඒවා ඔක්කොම වැරදි අපි දන්නා එක තමයි හරි කියන චින්තනයෙන් තීරණ ගන්නේ නැතුව ..

      Delete
    27. @උපේක්ශා, බුදුන්ට මම කොහෙවත් ඔහු කියල නැහැ. ක්රිශ්නමුර්ති තුමාට නම් ඔහු කියල හඳුන්වල තිබෙනවා. ඔබේ ඇසින් මුලාවක් කරලා. හා හා .
      මෙහිදී මට කියන්න තිබෙන්නේ මම ළඟ ඩොක්ටර් වෛස් ගේ පොත් ඔක්කොම තිබෙනවා. Many life many mansion වල සිට . ඒවා වලින් කිසි දෙයක් ඔප්පු වෙන්නේ නැහැ. එඩ්ගාර් කේසි ගේ පොතත් මා ලඟ තිබෙනවා. paranormal දේ ගැන හෙව්වා නිසා medium කෙනෙක් එක්ක. ඇය මගේ මියගිය පියා ඇතුළු තව අය සම්බන්ධ කරගත් නිසා. නමුත් විද්යානුකුල ඔප්පු කිරීමකින් තොරව මං එය වුනත් පිලි ගන්නේ නැහැ. මම ඔබ තරම් බුදු දහම දන්නේ නැතුව ඇති මගේ දැනුම 0.1ක් වෙන්න ඇති. මම නාථ දෙවියන් ගැන ලියු දෙයක් මෙහි තිබෙනවා. http://kolambagamaya.blogspot.co.uk/2014/10/nathism.html, මට දෙවියන් ඇදහිල්ලත් පුනරුප්පත්තියත් එකයි. සාක්ෂි නැහැ. මේ සාක්ෂි කියන්නේ ඇසින් දැකීම නොවේ. අපි ෆෝටෝන ඇසින් දකින්නේ නැහැ. ඉලෙක්ට්‍රොන ඇසින් දකින්නේ නැහැ. විශ්වයේ ඈත තිබෙන තාරක ඇසින් දකින්නේ නැහැ. නමුත් අපට ගණනය කරන්න පුළුවන්. එහෙම නැත්නම් වෙනයම් සංසිද්ධියක් ආධාරයෙන් ඔප්පු කරන්න පුලුවන් . transit planet හොයා ගන්නේ ඒවා තාරකාවේ ආලෝකය අවහිර කරන වෙලාව බලලා. ඒ වගේ. මම තවම් ත්‍රිපිටකය සම්පුරණයෙන් කියවල නැහැ. නමුත් උගත් අභිධර්මයට අනුව පුනරුත්පත්තිය හින්දු ආගමට සම්බන්ධ හැටියටයි මට හිතෙන්නේ. ඔබල මේ නැවත ඉපදීම by default වෙනවා කියන නිසයි මේ ප්‍රශ්නය නගන්නේ. බුදු හාමුදුරුවන් දේශනා නොකළ කියල හොයන්න එපා කියන්නේ හරියට අර දේවවාදීන් කියන්නේ අදහන්නේ නැති අයට දෙවියන් පේන්නේ නැහැ කියල කතාවක්. ඒ වගේ. දේව වාදයත් ඔය වගේ කතා හරියට කියනවා. විද්‍යාවෙන් ඔප්පු කරන දේවල් බුදු දහමේත් තිබෙනවා. බුදුන් දේශනා කලේ දෙයක අවධීන් දෙකක් තිබෙනවා කියල. two status of a being/matter . existence and nonexistence. පැවැත්ම හා නැතිවීම. නමුත් බුදුන් ගෙන් පස්සේ හිටපු නාගර්ජුන හා දම්ම කිත්ති කියන හාමුදුරුවරු තර්ක කලා පදාර්ථයට අවස්ථා තුනක් තියනවා කියල. පැවැත්ම නොපැවැත්ම හා අතරමැද ස්වභාවය. p p gokale - hetubindu කියන පොතේ මේ ගැන සන්ධාන වෙනවා. වත්මන් ක්වන්ටම් විද්‍යාවේ අංශුවක් හැසිරෙන අවස්ථා තුනක් තිබෙනවා. බුදුන් සදහන් කල අවත දෙක සහ ඒ අවස්ථා දෙක අතර අවස්ථාව මහායාන බුදු දහමේ සදහන් වන පරිදි. නැවත ඉපදීම අනිවාර්යයෙන්ම සිදුවනවානම් ඔබ කිසියම් ක්ලේශයක් සිත් තබාගෙන මිය යාමේදී හෝ, යමකට ඇල්ම ඇතුව මිය යාමේදී නම් , නැවත ඉපදුන තැන ඒ අනුව සොයා ගත හැකියි. ටිබෙටන් වරු කියන්නසේ. නමුත් තවම නම් එය පිළිගන්නට බැහැ ඉදිරියේදී අපේ දැනුම වෙනස් වන විට සමහරවිට අපට ඔප්පු කරගන්න පුළුවන් වෙයි.

      Delete
    28. [බුදු හාමුදුරුවෝ කිව්වා නැවත ඉපදීම මෙය නොවේ කියා මා සිතනවා. ජානවල තිබෙන මතකය ඔහු කීව කියලයි ම හිතන්නේ.]
      මම දන්නා සිංහලෙන් නම් මේ වාක්‍ය 2 කියෝනකොට දෙදෙනෙක් ගැන කියපු දෙයක් වගේද? එක්කෙනෙක් ගැන කියනවා වගේද? ඒ ගැන එපමණයි.

      Delete
    29. පැතුම්: මම ක්‍රිෂ්නමුර්ති හෝ බාලසුරිය මහතුන් ගැන ප්‍රශ්න කරන්නේ නැහැ. මම ප්‍රශ්න කරන්නේ 'කියන දේ'. මම දරන්නේ වෙනස් මතයක් ඔවුන් ගැන. ඒ ගැන කතාකරන්න දැන් වෙලාව නෙවෙයි කියලයි මගේ අදහස. මොකද අපේ මේ සාකච්ජාව වෙනස් ආරක් ගන්න ඉඩ තිබෙන නිසා. අපි කතා කරන්නේ ඒ දේශනා අතර තිබෙන සමානකම්/අසමානකම් විතරක්ම නෙවෙයි. අපි කතා කරන්නේ ඒ දර්ශන/දේශනා/ධර්මයේ ප්‍රයෝගික භාවිතාව ගැන නේද? මම පොඩි උපුටාගැනීමක් විතරක් ඒ ගැන කියන්නම්

      [එතුමා බෞද්ධාගමික විදියට රහත් ද සෝවාන් ද ආදී කරනු ගැන අවංකවම මම දන්නේ නෑ. අනිත් එක මට ඒවා කිසිම දිනක වැදගත් වුනෙත් නෑ... මින් ඉදිරියටත් මම ඒ ගැන හොයල බලන්න අදහසකුත් නෑ .. ]

      [ඇනොගේ අනිත් ප්‍රශ්නය ක්‍රිෂ්නමුර්තිගේ ක්‍රමයෙන් රහත් හෝ මාර්ගපල ලැබූ අය ගැන දන්නවද කියන එකට මට කියන්න තියෙන්නේ මම එහෙම අය ගැන දන්නේ නෑ කියන එක .]

      හිතන්න.. ඔබ එකැස් කනෙක් කියලා. ඔබ ඔබගේ ගමන අනතුරු වලින් තොරව යන්නට හිතාගෙන කෙනෙක්ට කනවැල අල්ලන්නට කියනවා. ඔහු එකඟ වෙලා ඔබව එක්කගෙන යනවා. ඔබ ඔහුගෙන් මේ ප්‍රශ්න දෙක ඇසිය යුතුද?
      1. ඔබ හොඳින් ඇස් දෙක පෙනෙන අයෙක්ද?
      2. ඔබ මාව රැගෙන යන්නේ කොහාටද?( මේ මාර්ගය කෙලවර වන්නේ කොතැනින්ද ?)

      අපහාසයක් හෝ අගෞරවයක් ලෙස ගන්න එපා. හිතන්න....

      මගේ කොමෙන්ටුවේ මම පව් ලෙස සරල වචනය භාවිතා අදහස විකෘති වෙලා බව මට වැටහුනේ ඔබේ කොමෙන්ටුව කියෙව්වට පස්සේ. මම අදහස් කලේ කුසල් සහ පින් කියන කොටස් දෙකම. දෙකෙන්ම අපේ සසර 'සහනදායි' වෙනවා මිසක් සසර ගමන නතර වෙන්නේ නැහැ. කුසල් කලත් සසරදී පිනට වඩා බලපෑමක් වෙනවා මිසක් කෙලෙස් ප්‍රහානයට සෘජු බලපෑමක් කරන්නේ නැහැ. මම එතරම් ඩිටෙල් කිව්වේ නැත්තේ පැටලෙන නිසා. මම මේ කියන කොට්ඨාශය නම් පව්/කුසල් නොකරන නිසා අලුතෙන් පින්/කුසල් නොකළ යුතු දෙයක් ලෙස. එය මිත්‍යා දෘෂ්ඨියක්.

      තවත් දෙයක්....
      [ඒ නිසා තමයි මම කිව්වේ බුදුන් වහන්සේ ගේ හඬින් අපිට මේ කියපු ධර්මය අහන්න ලැබුනොත් අපි ඒවා තේරුම් ගන්න විදිය වෙනස් වෙන්න පුළුවන් කියල. මොකද අපිට දැන් තියෙන්නේ අවුරුදු 2500ක් තිස්සේ රි-ෆැක්ටර් කරපු ධර්මයක් නිසා .]
      කොටස ගැන කිව්වොත්... මේ කතාව වැරදියි. පිරිසිඳු බුද්ධ දේශනාවන් අදටත් අපි අතර තියෙනවා. මේ ධර්මය කියවලා/අහලා අදටත් සෝවාන් වන සහ වුනු අය ඉන්නවා. ඔළුගෙඩි ගණනින් අඩුබව ඇත්තයි. නමුත් මේ ධර්මය නිර්වාණයට තාමත් යොමුකරනවා. ඒ කියන්නේ ධර්මය රිෆැක්ටර් වෙලා නැහැ. නමුත් දැන් පරිහානිය නිසා ආලෝකය අඩුවේගෙන යන බවක් නම් පේනවා. මොකද ධර්මය විකෘති ආකාරයෙන් දේශනා වීම දැන් හරි සුලබයි.

      මම අවංකවම කියන්නද පැතුම්. ඔබ මේ හිතන දේ, ඒ කියන්නේ දැන් තියෙන්නේ කටින් කට ආපු හද්දා මුල් දේශනාවන් වලින් කොතරම් වියුක්තද කියන කාරණේ මම වයස අවුරුදු 15-16 කාලේ තදින්ම හිතුවා. ඒ කාලේ මම ඔබත් අජිතුත් වගේ භෞතිකවාදී අයෙක්. ( ඒ විදියට හිතන කෙනෙක්. ඒ කියන්නේ ඔප්පු කරන්න බැරිනම් ලොවෙත් පිළිගන්නේ නැහැ) ඒ හින්දම මම මේ ධර්මයේ සමහර කොටස් ප්‍රයෝගික ජීවිතයේදී කරලා බැලුව. වැඩිකලක් ගියේ නැහැ, මම අත්දැකීමෙන්ම ඉගෙනගත්ත මේවා ඇත්ත කියලා.

      බලන්නකෝ/අහන්නකො කියෝලා අභිධර්මයේ පොඩි පොඩි කොටස්. මම ඔක්කොම රේරුකානේ චන්දිවිමල හාමුදුරුවන්ගේ පොත් කියෙව්වා. සමහර පොත් දෙතුන් පාර කියෙව්වා. කියෝලා සමහර කොටස් අත්හදා බැලුවා. සමහර දේවල් ඒ ලෙසටම ඔප්පු උනා. ඉතිරිටික තේරෙන්න නම් මාර්ග ඵලයක් ලබන්න වෙයි. ඒක දන්නේ නැහැ. මට පෙනෙන කොටස සත්‍යයි. විද්‍යානුකුලව නෙවෙයි තමන් තුලින් අත්දැකලා තමයි ඔප්පු කලේ. මොකද ධර්මය සන්ධිට්ඨිකයි.

      හැබැයි අපිට තේරෙන්නේ නැහැ අපිව බැඳලා රැහැන්පටිවල ශක්තිය. ඒ හින්දා ධර්මයේ සසර කෙටිකරගැනීමට තියෙන කොටස් තේරෙනවා අඩු වෙන්න පුළුවන්. නමුත් උත්සාහය අත්නොහළ යුතුයි. අහල තියෙනවද එක්කෝ පැය 7න් , නැත්තම් දවස් හතෙන්, නැත්තම් මාස 7න් , නැත්තම් අවුරුදු හතෙන් අවබෝධ වෙන්න පුළුවන්. (බුද්ධ දේශනාවල සඳහන් විදිය) ඒකට තමයි පෙර කරනලද කුසල ශක්තියත් ඕනේ වෙන්නේ. එතකොට ඉක්මනින් සිද්ධ වෙනවා. අනිත් අය ටික ටික වඩන්න ගත්තම, එය ඉදිරි කාලයේදී වර්ධනය කිරීමෙන් පරිපුර්ණ වෙනවා. නැත්තම් අදත් නතර කලොත් කලින් වගේ ( මතක තියාගන්න අපි බුද්ධ සාසන 28කට වඩා පහුකරගන ඇවිල්ලා...) මේ පාරත් ලොස් තමයි. කවුද දන්නේ මෙහෙම ඉඳල මැරිලා අපායට යයිද කියල? එහෙම නොවෙන්න ඔබට තියෙන සහතිකය මොකද්ද? කෙනෙකුගේ මරණ මොහොතේදී වැඩිපුරම ඉස්සර වෙන්නේ තමුන් කරපු පොඩි හෝ පව්/අකුසල්. ඒතමයි සසර බියකරු බව. ඔබ කොතරම් සිහිය පවත්වාගෙන ඉන්නා කෙනෙක් කියල ඔබ සහතිකවම කිව්වත් මරණ මංචකයේදී ඔබේ පාලනය ඔබේ අතින් ගිලිහෙනවා. ඔබ සෝවාන් හෝ වෙනත් මාර්ගඵලයක් ලබලා නැත්තම්, ඔබ දන්නේ නැහැ ඔබේ ඊළඟ උපත කොහෙද කියල? මොකද්ද තියෙන සහතිකේ?

      මෙය මගේ 'මතය' නොවෙයි. මම දුටු සත්‍ය.

      Delete
    30. Ajith: නාථ දෙවියන් ගැන ඔබ ලියු ලිපිය කියෙව්වා. කිසි තර්කයක් නැහැ, මමත් ඔබ වගේ දෙවියන් වඳින කෙනෙක් නොවන නිසා එහි ඇති දෙවියන් ගැන කියන කොටසේ ඔබේ අදහස් එක්ක මට ප්‍රතිවිරුද්ධ අදහසක් නැහැ.

      මම උපතින් වගේම ක්‍රියාවෙන්ද බෞද්ධ යයි මම හිතන නිසා අදටත් මම දෙවියන් වන්දනාවේ යන කෙනෙක් නෙවෙයි. නමුත් ඒ සංකල්පයට අගෞරව නොකරන්න හේතු තිබෙනවා. ඒවා මෙතන ලියන්නට යාමෙන් ලිපියේ සාකච්ජාව කැලේ යනවා. ලාංකික බෞද්ධයා දෙවියන් වඳින්න හේතු කාරනා ගොඩක් තියෙනවා. නමුත් එයත් මෙයත් පටලවාගන්න එපා. බුද්ධ ධර්මයේ දෙවියන් ගැන සඳහන් උනාට දෙවියන් වඳින්න කිව්වේ නැහැ. ( එහෙම කියපු තැනක් තියේ නම් මමත් ආසයි දැනගන්න) නමුත් පුනර්ජන්මය ගැන බුද්ධ දේශනාවල ගොඩක් ගැඹුරෙන් විග්‍රහ කරලා තිබෙනවා.

      මටත් ඔබ සඳහා ප්‍රශ්නයක් තිබෙනවා සාක්ෂි ලෙස ඔබ පිළිගන්නේ කුමක්ද? ගණිතමය ගණනය කිරීමක්ද? ඇසින් දැකීමක් ද? කනින් ඇසීමක්ද ? නාසයෙන් දැනීමක්ද ? දිවට දැනීමක්ද ? ස්පර්ශ කරන්න පුළුවන් දෙයක්ද? හොඳයි ගණිතමය වශයෙන් ඔප්පු කරනවා කියමු... ඔබ දන්නවාද ගණිතයේදී පාදම උපකල්පනයක් කියල? ගණිතයේදී ඔබ අනන්තය කියා දෙයක් කියනවා... මොකද්ද ඒ? ඔබ අන්තයට එකක් එකතු කරනවා... දැන් කීයද එකතුව?

      තවත් උදාහරණයක් කියන්නම්... ඔබ කෙනෙකුගේ ශරීර අභ්‍යන්තරය බලන්න හිතනවා. ඔබ X-රේ එකක් ගන්නවා.. ඔබට ඔක්කොම පේනවද? නැහැ නේද? ඊට අදාළ කොටස විතරයි පෙන්නන්නේ. ඔබ CT Scan එකක් කරනවා. එතැනදී ඔබට ශරීරයේ තිබෙන 'මනස' අහුවෙනවද? ඒ කියන්නේ මනස කියල දෙයක් නැද්ද? ඒ කියන්නේ ඒ ඒ දේවල් බලන්න ගවේෂණය කරන්න ඒ ඒ උපකරණ තමයි ඕනේ වෙන්නේ. ඒ වගේම උපකරණ වලින් අල්ලන්න බැරි දේවල් තිබ්බොත් ඔබ කියන්නේ එය නැහැ කියලද?
      [ඔබල මේ නැවත ඉපදීම by default වෙනවා කියන නිසයි මේ ප්‍රශ්නය නගන්නේ.] කවුද කිව්වේ by default වෙනවා කියල. හේතුවක් ඇතුව වෙන්නේ. ඒතමයි චුති සිත. හැබැයි අපිට හිතල වෙනස් කරන්න බැරිකමකුත් නැහැ. නමුත් එයින් සසර නතර වෙන්නේ නැහැ. ආයෙත් චක්‍රයට වැටෙනවා.

      [බුදු හාමුදුරුවන් දේශනා නොකළ කියල හොයන්න එපා කියන්නේ හරියට අර දේවවාදීන් කියන්නේ අදහන්නේ නැති අයට දෙවියන් පේන්නේ නැහැ කියල කතාවක්. ඒ වගේ. දේව වාදයත් ඔය වගේ කතා හරියට කියනවා. ] බුද්ධ දේශනාවක් අපිට ඕනේ ඇයි අජිත්? මට නම් එහෙම දේශනාවක් ඕනේ සසර ගමන නතර කරන්න. ඒ සඳහායි බුදු කෙනෙක් පහල වෙන්නේ. නමුත් බුදු කෙනෙක් සාමාන්‍ය ජිවිතේ සාර්ථක කරගන්න ඇති තරම් ධර්මය දේශනා කරලා තියෙනවා. ඒ ධර්මය හොඳටම ප්‍රමාණවත් සාමාන්‍ය මනුස්සයෙකුට ( ඉක්මනින්ම කෙලෙස් ප්‍රහාණය කරගන්න අමාරු අයෙක්ට) දැනටමත් කෙලෙස් බර අඩු අයට සහ අනෙකුත් සසර බිය දැනිලා දැන්වත් පටන් ගන්න ඕනේ කියල හිතන උන්ට තමයි ධර්මයේ නියම හරය තියෙන්නේ. ඒ මොකවත්ම නැතුව, සහශ්‍රි ලෝකධාතුව පේනවා කියලා ආරංචි වෙලා , තාරකා , ග්‍රහලෝක ගැන හොයන උදවිය බුදුකෙනෙක් හොයාගෙන ඇවිත් ඒ වගේ ප්‍රශ්න අහනකොට ඒ ප්‍රශ්න වලට උත්තර දැනගෙනත් උත්තර නොදෙන්නේ මේ ලෝකේ වත් නොදැක ඒවා ගැන කොහොමද තේරුම් කරවන්නේ? එකත් හරියට ඔයා ශිෂ්‍යත්වේ ලියන අතරේ කාගෙන් හරි අහගත්ත උසස්පෙළ ප්‍රශ්න ටිකකට උත්තර අහනවා වගේ. වලකට වැටුණු මිනිහෙක් එයින් ගොඩ එන්නේ නැතුව වලේ පළල නූලට මනින්න හදනවා වගේ. බුද්ධ ධර්මයේ කොතැනකවත් ඒ කියන දේවල් ප්‍රයෝගිකව කරන්න කියල මිසක් 'අදහන්න' කියලා නැහැ. ශ්‍රද්ධාව කියන්නේ ඇදහිල්ල නෙවෙයි.

      Delete
    31. cont...

      [බුදුන් දේශනා කලේ දෙයක අවධීන් දෙකක් තිබෙනවා කියල. two status of a being/matter . existence and nonexistence. පැවැත්ම හා නැතිවීම. නමුත් බුදුන් ගෙන් පස්සේ හිටපු නාගර්ජුන හා දම්ම කිත්ති කියන හාමුදුරුවරු තර්ක කලා පදාර්ථයට අවස්ථා තුනක් තියනවා කියල. පැවැත්ම නොපැවැත්ම හා අතරමැද ස්වභාවය.]

      ඔබ පරිඝනක ගැන දන්නවාද කියලා දන්නේ නැහැ. නමුත් ඩිජිටල් තාක්ෂනය දන්නවා ඇතැයි හිතනවා. එතැනදී 1 හා 0 කියන අවස්ථා දෙකෙන් තමයි ඔක්කොම සෙල්ලම් කරන්නේ. ඔබ 1 හෝ 0 ඇරුණුකොට ඒ අතරමැද යමක් තියෙනවා කියා හිතනවාද? ක්වොන්ටම් විද්‍යාවට වඩා සියුම් ලෙස පදාර්ථය ධර්මයේ ( අභිධර්මයේ) විස්තර වෙනවා. ඔබ රේරුකානේ චන්දිවිමල හාමුදුරුවන් විසින් රචිත 'අහිධර්මයේ මුලික කරුණු' කොත කියවා බලන්න. මට එහෙම කියන්න වෙන්නේ මේ මොහොතේ එය උපුටා දක්වන්න ගියොත් ඇති දීර්ඝ වෙන හින්ද.

      මහායාන ආගම කියන්නේ මුලික සිද්ධාන්ත අතින් නිර්මල බුද්ධ දේශනාවට වෙනස්ව විකාශනය වුන එකක්. නමුත් ඒ ආගමේ ගොඩක් භාවානා පැත්තෙන් ප්‍රචලිතයි. නිර්මල බුද්ධ ධර්මයේ එන සමහර භාවනා ක්‍රම ( සමත) ඒ වෙනකොටත් භාරත සමාජයේ භාවිතා වුනා. කොටින්ම බුද්ධ කාලෙයේ ප්‍රභල සෘෂි වරු පවා හිටියා. නමුත් සසර ගමන වලක්වන්න ඒ භාවනා ක්‍රමවලට බැහැ. ඒ තමයි වෙනස.

      [මහායාන බුදු දහමේ සදහන් වන පරිදි. නැවත ඉපදීම අනිවාර්යයෙන්ම සිදුවනවානම් ඔබ කිසියම් ක්ලේශයක් සිත් තබාගෙන මිය යාමේදී හෝ, යමකට ඇල්ම ඇතුව මිය යාමේදී නම් , නැවත ඉපදුන තැන ඒ අනුව සොයා ගත හැකියි. ටිබෙටන් වරු කියන්නසේ. ]
      ඔව් එහෙම කියවන්න පුළුවන්. එහෙම කියවීමෙන් ඊළඟ උපත කුමක්දැයි කියන්නටත් පුළුවන්. නමුත් ඇති පලේ කුමක්ද? කෙනෙකුගේ චුති සිතක් කියවන්නේ කෙසේද? මෙය චුතුපපාද නුවන ලෙස හඳුන්වන්නේ. එය ධ්‍යාන වැඩීමෙන් ඇතිකරගත හැකි දෙයක්. නමුත් නිර්වාණයට හේතු වෙන්නේ නැහැ.

      ප.ලි. ඔබ මගේ ෆෑන් උදාහරණයට/මැජික් උදාහරණයට උත්තර දුන්නේ නැහැනේද?

      Delete
    32. @උපේක්ශා - ඔබට මම බුදුන්ට ඔහු කීව තැන ගැන සිත් රිදීමක් ඇති වුනානම් සමාවෙන්න. ඉංග්‍රීසියෙන් අපි Buddha ගැන ලියද්දි he , හිස් doctrine කියා ලියනවා. ඒක ඔහු කියල පරිවර්තනය කිරීමේ වැරැද්ද මොකක්ද? බුදුන් වහන්සේ පිරිමියෙක් නිසා ඔහු කියන්න බැරි ඇයි ? අපි ජෙසුට ඔහු කියල කියනවා නිඝන්ට නාථ පුත්ත තුමාට ඔහු කියනවා. ඉතින් මෙතැන මොකක්ද වැරැද්ද? //http://www.aboutbuddha.org/english/life-of-buddha.htm/// මේ ලින්ක් එකේ මුල් හරියෙම බුදුන්ට he කියල අමතනවා.

      Delete
    33. @උපේක්ෂා මම පරිගණක ඉංජිනේරුවෙක් නිසා 0, 1 ගැන දනනවා. නමුත් දැන් අලුතෙන් ක්වන්ටුම් කොම්පියුටින් වලදී මේ අවධි දෙක වෙනස් වෙනවා. Whereas digital computers require data to be encoded into binary digits (bits), each of which is always in one of two definite states (0 or 1), quantum computation uses qubits (quantum bits), which can be in superpositions of states.
      ක්වොන්ටුම් විද්‍යාවට වඩා සියුම් ලෙස පදාර්ථය විස්තර වෙන තැනක් කියන්න බලන්න? හැබැයි ක්වන්ටුම් විද්‍යාව කියන්නෙත් අවසානයක් නෙමෙයිනේ. එක තව දුරටත් විකාශණය වන දෙයක්. එහි කියන දේත් පරම සත්‍යයක් හැටියට පිළිගන්න මම සුදානම් නැහැ.

      Delete
    34. @උපේක්ශා මම භෞතික වාදියෙක් වෙන්න කලින් හොඳ සිංහල බෞද්ධයෙක්. හැබැයි ඊට පස්සේ මාක්ස්වාදියෙක් වෙලා ඒක ඇත අරිය. paranormal දේවල් ගැන අවුරුදු 10 විතර හොයා බැලුව. ඒ කාලේ තමා කේසි ගැන , වෛස් ගැන කියෙව්වේ. පස්සේ නැවත තාරක විද්‍යාව අඩිය ඉගෙන ගන්න කොට තේරුණා මාක්ස්වාදය හරි කියල. ඊට පස්සේ සිංහල බෞද්ධයෙකු නොවී සැබෑ බෞද්ධයකු වුන. ඉන්දියෙවේ කල චාරිකාවෙන් පස්සේ පුනරුත්පත්තිය පිලිබඳ විශ්වාසය අත හරිය. මට එක කිසියම් විධිහකින් ඔප්පු වෙනකන් මට එය පිලි ගැනීමට නොහැකියි. මම ඉන්දියාවේදී දුර්ටුව නැවත ඉපදීම පිලිබඳ විශ්වාසය හින්දු ආගම මිනිසුන් පෙළීමට යොදා ගන්නා අයුරු. ඒ නිසා මගේ අදහස අර බුදු වෙන්නේ පිරිමියෙක් විතරයි කියන කතාව වගේ එකත් හින්දු ආගමෙන් ආව දෙයක් කියල. .
      //තව හිතන්න ඔබ වේගෙන් කැරකෙන විදුලි පංකාවක් දිහා බලන් ඉන්නවා කියල. ඕන් වෙනකොට එතැන හිටියේ නැහැ කියල උපකල්පනය කරන්න.පංකාව නතර වෙනකල්ම ඔබ දන්නවද එතැන තිබ්බේ සම්පුර්ණ රවුමක් නෙවෙයි, පෙති තුනක් විතරයි කියල? කොයි වෙලේද ඔබ එය දැනගන්නේ? ඔබේ ඇස්දෙක ඔබව මොහොතකට මුලා කළා නේද?// ඔබේ ෆෑන් උදාහරණය ඉන්ජිනේරුවෙකුට කිව යුතු කතාවක්ජ් නොවේ. මම එය නොදක එතනට ආවා කියා මට එතන රවුමක් පෙනෙන්නේ නැහැ. කැරකෙන යමක් මිසක්. හරියට දන ගන්න මට ඕනේ නම් ගවේෂණය, නිරීක්ෂණය ආදිය කරලා නිගමනයකට එන්න පුළුවන්. මම කලාම සුත්‍රය අනුව සිතුවොත් බුදු හාමුදුරුවෝ දේශනා කාලය කියා වෙනත් හාමුදුරුවරු කියන නැවත ඉපදීම මට ඔප්පු වෙනේතුරු මට එය පිලි ගැනීමේ අවශ්‍යතාවයක් නැහැ. චුසි සිත නිසා නැවත උපදිනවා නම් මැරෙන සෑම අයෙකුටම එවැනි සිතුවිල්ලක් ඇතිකර අපට නැවත ඉපදීම කොන්ට්‍රෝල් ක්ජාල හැකියි. කවුරු හරි එහෙම කරලා තිබෙනවද?

      Delete
    35. @Ajith Dharma:

      http://www.amazon.com/Twenty-Cases-Suggestive-Reincarnation-Enlarged/dp/0813908728

      http://michaelsudduth.com/wp-content/uploads/2014/02/Stevenson-Twenty-Cases-Suggestive-of-Reincarnation.pdf

      Delete
    36. @Ajith Dharma

      [බුදුන් වහන්සේ පිරිමියෙක් නිසා ඔහු කියන්න බැරි ඇයි ?]

      මම දන්න කෙනෙක් සිටියා ඔහු තමන්ගෙ තත්තාව හඳුන්වන්න යොදා ගන්නේ "පොර" කියල. ඔබ ඒකෙත් වැරැද්දක් දකින්නෙ නැතිද?

      Delete
    37. @Ajith Dharma

      නැවත උපතක් කියා දෙයක් නැති නම්, මරණයෙන් පසු අපට සිදු වන්නේ කුමක්ද?

      Delete
    38. @උපේක්ෂා:

      [1. ඔබ හොඳින් ඇස් දෙක පෙනෙන අයෙක්ද?
      2. ඔබ මාව රැගෙන යන්නේ කොහාටද?( මේ මාර්ගය කෙලවර වන්නේ කොතැනින්ද ?)]

      හරියට හරි උපේක්ෂා. මමත් අදහස් කලේ ඒකම තමයි.

      අපි ඕනෑම විෂයකට ගුරුවරයෙක් තෝරා ගැනීමේදී සුදුසුකම් කොයි තරම් සොයා බලනවද? ඒ ගුරුවරයා ඒ විෂයයෙහි දක්ෂයෙක්ද? ඔහුගේ ශිෂ්‍යයන් විභාග සමත් වී තිබෙනවද කියා අනිවාර්යයෙන්ම සොයා බලනවනේ.

      බුදුන් වහන්සේ දහස් ගණන් රහතන් වහන්සේලා බිහි කල බව අපි දන්නවනේ. කෙනෙකුට කියන්න පුලුවන් ඕවා බොරු කියල. එහෙනම්, ක්‍රිෂ්ණමූර්තිගේත් බුදුන් වහන්සේගේත් දර්ශ්නය සමානයි නම්, බුදුන් වහන්සේ පහළ වුණේ ක්‍රිෂ්ණමූර්තින්ට කලින් නම්, කෙනෙකුට චෝදනා කරන්න පුලුවන් ක්‍රිෂ්ණමූර්ති බුදු දහමින් උපුටා ගත් දේ තමන්ගේ දර්ශනයක් ලෙස ඉදිරිපත් කරනව කියල.

      Delete
    39. මට හිතෙන්නේ අපි කට්ටිය එකිනෙකාට ගරු කරන විදිය, ආමන්ත්‍රණය කරන විදිය වගේ දේවල් වල ගැටළු ගැන කතා කරන්න තරම් පහල මට්ටමක ඉන්න අය නෙවෙයි නේ .. එකිනෙකා ජිවත් වෙන පරිසරය , සමාජය දකින විදිය නිසා ඕව පොඩ්ඩක් වෙනස් වුනාට අපි හැමෝම ඒ බේසික් දේවල් ගැන පැහැදිලි වැටහීමකින් ඉන්නවා කියල හිතල මේ කතා බහ කරගෙන ගියොත් අපි හැමෝටම වඩා වැදගත් දේවල් ගැන කතා කරන්න පුළුවන් වෙයි ... නැත්නම් නිකන් බොරු වලි ටිකක් විතරක් ඉතිරි වෙයි .. :D

      Delete
    40. @ඇනෝ : ස්ටිඑන්සන්ගේ ඒවා මම කියවී දැන් අවුරුදු 30 කට කලින්. ඊට පස්සේ අවුරුද්දකට කලින් ආයේ කියෙව්වා මොකද මම ඊමේල් සංවාදයක් ගියා ජැමි විල්සන් හල් (නම ගූගල් ක්‍රම එනවා) කියන මගේ මිතුරිය (respected මීඩියම් ) හා තවත් උපුල් හා අමල් කියා මිතුරන් දෙදෙනෙකු සමග. මේවා වලින් නැවත ඉපදීම ඔප්පු වන්නේ නැහැ. මම වයිස් ගෙන් අහපු ප්‍රශ්නයක් තම - ඔහුගේ රිග්රෙෂන් වල හැම වෙලේම ඊජිප්තු , මායා ශිෂ්ටාචාර වල හිටපු මතකයන් එන්නේ ඇයි ? අපාට් හොයල ඔප්පු කරනන් පුළුවන් කේස් නැතුව කියල? මේ ප්‍රශ්න අපි අහන්නෙත් අනිත් අය මේවා ගැන දන්නේ මොනවාද කියා හොයන්න. අපි දන්නා දේම නැවතත් කීමෙන් වැඩක් නැහැ. මම කැමතියි උපේක්ශා ගේ හා පැතුම් ගේ තර්ක වලට. එයින් අපටත් සිතන්න පොළඹවනවා. මේ සංවාද වල තේරුමත් අපට යමක් ඉගෙන ගැනීමයි.

      Delete
    41. This comment has been removed by the author.

      Delete
    42. The Buddha who is the founder of the Buddhist religion is called Buddha Shakyamuni “Shakya” is the name of the royal family into which he was born, and “Muni” means “Able One.”-http://www.aboutbuddha.org/english/life-of-buddha.htm
      මෙහි ඔහු ඉපදුන රාජකීය පවුලට - යනුවෙන් තම පරිවර්තනය වෙන්නේ. අමරාවතී පන්සලේ සිල්වත් හාමුදුරුවරු බන කියන කොට ඕන තරම් he කියා කියනවා. එයින් බුදුන් වහන්සේට අගරුවක් වෙනවා කියල සිතේ තිබුනොත් විතරයි අගරුවක් වෙනවනම් වෙන්නේ.

      Delete
    43. @Ajithඔබ බුදුරජානන් වහන්සේට කොතනකදී වත් 'ඔහු' නැතැයි ඔබ විසින්ම කියූ නිසා මිසක් මම ඔහොම උපුටා දක්වන්නේ නැහැ. අනිත් එක මට හිත රිදුනේ නැහැ කොහෙත්ම. මම කිව්වේ එය නුසුදුසු ලෙස මට හැඟෙන නිසා. එහි ඔබට වැරද්දක් හෝ නුසුදුසු ගතියක් ඔබට දැනෙන්නේ නැතිනම් එතනින් අදහස බිමින් තබන්න. අදහසක් දරනට තමුන්ට ඕනෙතරම් නිදහස සහ හැකියාව තිබෙනවා. ඔහු කියා බැරිනම් ඕනේ නමක් කියා ඇමතුවාට මගේ හිත නම් රිදෙන්නේ නැත! :-) ඊටත් ඉංග්‍රීසියෙන් ඉතින් he නොකියා මොකක් කියන්නද? මහත්මයා කියලද? ඒ බාසාවේ එහෙම වචනයක්වත් නැතිකොට.

      පැතුම්: මේ සංවාදය වෙනත් පැත්තකට ගහගෙන යනවට මම අකමැතියි. මම ඉදිරිපත් කලේ සරල අදහසක්, අජිත් එය නරකට ගත්ත බවක් මම දැක්කෙත් නැහැ. ඒ ගැන සතුටුයි.

      අජිත්: මම බුද්ධ ධර්මය බොහෝවිට පාලියෙන් සහ සිංහලෙන්. ඉංග්‍රීසියෙන් නොකියවන්න හේතුවක් මම කියන්නම්. පාලියෙන් සිංහලයට අර්ථය පොඩ්ඩක් විකෘති ගතියට වඩා ඉංග්‍රීසියෙන් කියෝනකොට ඉංග්‍රීසි වොකබ්ලරි එකේ වචන එක්ක හරියටම සමපාත වෙන්නේ නැති හින්ද. ( පාලි > සිංහල පාලි > ඉංග්‍රීසි වලදී වචනවල අර්තගන්වන්න අමාරුයි. කොටින්ම කිව්වොත් සිත/චිත්තය/මන/මනසිකාරය/චිත්තක්ෂණය වචන වලට නියම යෙදුම් ඒ අර්ථය පරිදි ඉංග්‍රීසියේ තියෙනවද කියන එක මට සැකසහිතයි ) මම සිංහලෙන් ධර්ම කියෝනකොට ආවා ඔය නියම අර්ථය ලැබෙන්නේ නැති ප්‍රශ්නය. මම කලේ පාලි ඉගෙනගත්ත ටික ටික. එතකොට නියම අර්ථය තේරෙනවා, පාලි පාඨ කජු වගේ! උත්සහ කරලා නැද්ද? අපි ගොඩක් දෙනෙක්ට වෙන්නේ හාමුදුරු කෙනෙක් හෝ වෙනත් කෙනෙක් අපිට පාලියෙන් කියල සිංහලෙන් හෝ ඉංග්‍රීසියෙන් පරිවර්තනය කරලා කියා දෙනවා. සමහරවිට සමහර හාමුදුරුවරුන් එතැනදී අර්ථය විකෘති කරනවා හෝ අහන කෙනාට වැරදියට තේරුම් යනවා. ඒතමයි භාෂාවේ තියෙන ගැටළු. බුද්ධ කාලේ එහෙම අව්ලක් නැහැනේ, ඔක්කොම පාලි දන්නවානේ.

      [හැබැයි ක්වන්ටුම් විද්‍යාව කියන්නෙත් අවසානයක් නෙමෙයිනේ. එක තව දුරටත් විකාශණය වන දෙයක්. එහි කියන දේත් පරම සත්‍යයක් හැටියට පිළිගන්න මම සුදානම් නැහැ.]
      ඒ කියන්නේ ඔබ පිලිගන්නවා ක්වොන්ටම් විද්‍යාවත් සම්පුර්ණයෙන් ගවේෂණය කරපු 'අවසන් නිගමනයක් නොවෙයි' කියල. ඒ කියන්නේ අද හරියි කියන අවුරුදු 15-20 කින් වැරදිය කියල හොයාගන්නවා. මම දන්නේ නැහැ ඔබ දන්නවද කියල, තවමත් ඔප්පු කරගන්න බැරුව හිටියත් බුද්ධ ධර්මයේ කියපු දෙයක් අද වනතුරු ඔහොම නෙවෙයි මෙහෙමයි ඇත්තටම වෙන්නේ කියලා සංශෝධනය කරන්න වෙලා නැහැ. මම මේ කියන්නේ නිර්මල ධර්මය මිසක් සමහර දේශකයින් වහන්සේලා විසින් හදපු දර්ශන නෙවෙයි. කිසිම දෙයක් පිළිනොගෙන ඉන්නෙක ඇරෙන්න ඔබ පිළිගත්තා කියන අන් යමක් ගැන සඳහන් කරනවා මම තාම දැක්කේ නැහැ. මට වැටහෙන්නේ නැත්තේ ඒකත් එක ජාතියක වෘතයක් බව ඔබ දන්නවාද කියල , ඔබම නොදන්නවාදෝ කියල. පුද්ගලිකව ගන්න එපා.

      Delete
    44. @ඇනෝ - මගේ තාත්තා නම් පොරක් තමයි. මම මහා පොරත්වයකින් ඔහු මගේ හිතේ තබා ගෙන ඉන්නේ. සල්ලි නැතුව අමාරුවෙන් මට ඉගැන්වුවට. දේශපාලනය නිසා උසස්වීම මුලදී අහිමිවී කල් ගිහින් ලැබී, අන්තිමේදී පගා මරුවන් නිසා පෙන්ෂන් එක ලැබෙන්නේ නැතුව අන්තිම කාලේ මා යවන මුදලින් ජිවත් වුනු මගේ තාත්ත මට පොරක්. තමන්ට ඉහලට ඉගෙන ගන්න බැරි වුනාට ඒ ඉගෙනීම මට දීලා පුංචි කලේ ඉඳලා මට කියවන්න පුහුණු කරලා පුස්තකාලවලට යන්න දීලා මාව නිදහස් පොරක් කරපු මගේ තාත්ත, අසාධාරණයට හිසනමන්න එපා කියල උගන්වපු කරපු මගේ තාත්ත මොකක් හරි නරක සිතුවිල්ලක් නිසා බල්ලෙක්, ලංකාවේ දේශපාලකයෙක්, කුඩු කාරයෙක් වෙලා ඉපදී නැතියි සිතනවා.

      Delete
    45. @Ajith Dharma:

      ඔබේ තාත්තා ඔබට පොරක් වෙන එක මට ප්‍රශ්නයක් නැහැ. ඔබේ දරුවන් ඔබට ෆාදර් කාරයා කිව්වත් මට ප්‍රශ්නයක් නැහැ. උපේක්ෂා කිව්ව වගේ මමත් කිව්වේ නුසුදුසු ලෙස හැඟුනු නිසා. ඔබට ප්‍රශ්නයක් නැත්නම් කැමති දෙයක් කරන්න. ඒක ඔබේ නිදහස. ඔබේ තාත්තා බල්ලෙක්, ලංකාවේ දේශපාලකයෙක්, කුඩු කාරයෙක් වෙලා ඉපදී නැතියි මමත් සිතනවා. මොකද නැවත ඉපදීමක් නැති නිසා.

      Delete
    46. @ Ajith :ඔබ බොහෝ දේ කියවා සහ බොහෝ දර්ශන/න්‍යායන් ගැන හදාරා තිබෙන බව ඔබම කියනවා. මම මේ කියන දේ පුද්ගලිකව ගන්න එපා. ඔබ මුලින්ම සිංහල බෞද්ධයෙක් ලු, පසුව නියම බෞද්ධයෙක් උනා ලු. මට ඒ ජාති දෙකේ වෙනස ඔබේ දැක්මෙන් කියන්නකෝ... මගේ අදහස අනුව නම් සිංහල උනත් මොන ජාතියේ උනත් බෞද්ධ නම් බෞද්ධ! ඊට කලින් උපසර්ගයක් නැහැ. ඔබ බෞද්ධ උන ගමන් ඉතිරි සියල්ල ඔබෙන් ගිලිහෙනවා. එය තමයි මම දකින නියම බෞද්ධකම.
      ඔබ එක වරෙක ප්‍රතික්ෂේප කරන දර්ශනයක් ( මාක්ස් වාදය) පස්සේ නිවැරදියි කියලා කියනවා. ඒ කියන්නේ ඔබ ප්‍රතික්ෂේපකල හේතුව අවලංගුද ? එහෙම වෙන්නේ ඇයි ? ඒ කියන්නේ තර්කයේ වෙච්ච වෙනසද? අවබෝධයේ වෙච්ච වෙනසද? එතකොට යමක් පිලිගන්නවා කියන ස්ථාවරය ඔබේ නිතර වෙනස්වනසුලුයි. ඒ ඇයි ? කොයි වෙලේද එය නිත්‍ය වන්නේ? ඒකත් අපේ පාලනයක් නැති හිත වගේ නේද?

      තවත් දෙයක් > පුනරුප්පත්තිය විස්වාස නොකර ඔබ සැබෑ බෞද්ධයෙක් උනේ? හින්දු ආගමේත් එය පිළිගන්නා කරුණක් උනත් බුද්ධ ධර්මයේ එය කාටවත් පීඩනයක් ලෙස යොදාගන්නවා කියල ඔබ හිතනවද? ඒකත් හරියට කැලේ මුවා අල්ලගන්න බැරුවට ගෙදර ඇවිත් මුව හමට තඩිබානවා වගේ නේද? හින්දු ආගම එය අවභාවිත කලාට බුද්ධ ධර්මයේ එය යොදාගන්නේ 'අප්පමාදය' සඳහා.

      බුදුවෙන්නේ පිරිමියෙක් පමණයි කියන එකට හේතු තිබෙනවා. එය නිකන් පිරිමියා උලුප්පන්න කියපු ටෝක් එකක් නෙවෙයි. ඊටත් එක 'සමාන වගේ' උනාට හින්දු ආගමේ කියන හේතුව නෙවෙයි බුද්ධ ධර්මයේ සඳහන් වෙන්නේ. එයට කෙලෙස් ගැන හදාරන්න. මෙතන කියන්න ගියොත් ඔබට පාලි පංතියක් පැවැත්වුවා වෙයි.

      ඔබට මම කියපු ෆෑන් උදාහරනේ වැටහිලා නැහැ. මොකද මනස විසින් පුර්ණ නිගමනයක් කරගෙන තියෙන්නේ එය දැනටමත් කැරකෙන යමක් කියලා. අඩුම තරමේ අර මම කියපු මිරිඟුව කතාවවත් හිතන්නකෝ. එයත් ඔබට පෙනෙන්නේ පුර්ව නිගමනයක් ඇතුවනම් වැඩක් නැහැ. උපකල්පනය කරන්න ඔබ කැරකෙන්න පෙර ෆෑන් එක නොදැක්ක කෙනෙක් කියල. මිට කලින් මිරිඟුව දන්නේ නැති කෙනෙක් කියලා. හිතන්න, පරිකල්පනය කරලා බලන්න.
      . හරි අදහසක් ගන්න ගවේෂණය කරන්න. මමත් කියන්නේ ඒකයි. නමුත් ඔබ මිට කලින් ඒ ගැන විස්තර කරපු කෙනෙක් වේ නම්, ඔහුගෙනුත් අහලා බලන්නේ නැද්ද? ඔබට සියල්ල වැටහෙනවා කියලා ඔබ හිතනවද? කොටින්ම ඔබට වැටහෙන්නේ නැහැ කියන්නේ එය අසත්‍යද? විය යුත්තේ බැහැර කිරීමට වඩා කියන්නේ මොකද්ද කියලා සෙවීම නොවේද?

      චුති සිත ගැන ඔබ හරියාකාරව නොදන්නා බවයි ඔබ ඒ ගැන කියා තිබෙන අදහසින් වැටහෙන්නේ. චුති සිත කියන්නේ අමුතු සිතක් නොවෙයි. අපේ සිතුවිලි පරම්පරාවේම එක්තරා සිතුවිල්ලක්. එකම වෙනස අපේ අනෙකුත් සියලු සිතුවිලි වලට අලුත් උපතක් දෙන්න හැකියාවක් නැති උනත් මේ සිතුවිලි දම්වැලේ ඒ මොහොතේ ( ප්‍රාණය නිරුද්ධවෙන ක්ෂණයේ) නැගෙන සිතුවිල්ලට පුළුවන් ප්‍රතිසන්ධියක් ලබාදෙන්න. ඒ හින්දා ඒ සිතුවිල්ලට අපි කියනවා චුති සිත කියල. සරලව මම කිව්වේ, තව කියවා බලන්න. සාමාන්‍යයෙන් මරණයක් සිද්ධවෙනකොට ශරීරය කියන්න බැරි තරම් වේදනාවකින් මිරිකෙනවා. කෙනෙක් සිරුර කියතකින් කපනවා වගේ.. එතකොට ඔබ හිතන්නේ චිත්ත ඒකාග්‍රතාවය පවත්වන්න පුලුවන්ද සාමාන්‍ය කෙනෙකුට? ඔබේ කකුල කෙනෙක් කපන වෙලාවේ ඔබට ධර්මය සිහිවෙයිද? වේදනාවට මොරදෙයිද? ඔබට හිතෙන දේ පාලනය කරන්න පුලුවන්ද?

      ඔබ පන අදින අයෙක් ළඟ ඉඳල තියෙනවද? මම මේ කියන්නේ ක්‍රොමා තත්වයේ හෝ නින්දෙන් මැරුණු කෙනෙක් ගැන නෙවෙයි කියන්නේ. සමහරු මරු විකලෙන් කෑ ගහනවා. සමහරු වේදනාවෙන් දඟලනවා. බාහිරෙන් ඉන්නා කිසිවෙකුට ඔහුට කළහැකි උදව්ව මොකද්ද? 'චුති චිත්තය... අය්යෝ.. ඔයා මේක හිතන්න...' කියන්න පුලුවන්ද? කිව්වත් එහෙම වෙයිද? මාර්ගඵල ඇති අයෙක්, මෛත්‍රී වඩපු කෙනෙක්ට ඇර අනෙත් කිසි කෙනෙක්ට චිත්ත එකාග්‍රතාවයක් අරගෙන දෙන්න බොහෝදුරට නොහැකියි. මම එහෙම කිව්වේ එහෙම කරන්නත් බැරිකමක් නැහැ. එහෙම කරපු චරිතයක් උන්නා බුද්ධ කාලේ. ( පසුවත් හිටියා) සිටුවරයෙක් මට මතක විදියට. ගොඩක් පින්කම් කලත් මාර්ගඵල අවබෝධකර නොහිටි ඔහු අවසන් මොහොතේ අපායට යනබව නුවණින් දුටු ( චුතුපපාත නුවන ඇති අයට එය බලන්න පුළුවන්) බුදුන් වහන්සේ හාමුදුරුවන් පිටත් කර හැරියා ඔහුගේ සිහිය පිහිටුවන්න කියල. හාමුදුරුවන් එතැනට වැඩලා පන අදිමින් සිටි ඔහුට සිහිය පිහිටුවන්න උපකාර කළා. ගොඩක් වෙලාවට දැන් නම් කරන්නේ පිරිත් දේශනාවක් අහන්න සලස්වන එක. වාසනාවක් තිබිලා එය ශ්‍රවණයට හිත පිහිටුනොත් චුති චිත්තය යහපත් වෙනවා. නමුත් සසර ගමන නතර වෙන්නේ නැහැ. මොකද කෙලෙස් ප්‍රහාණය කරලා නැති නිසා. අහලත් ඇතිනේ කොසොල් රජතුමාගේ ශ්‍රද්ධාවන්ත බිසවට මොකද උනේ කියල?

      Delete
    47. @පැතුම්:

      මේ සාකච්ඡාව අනවශ්‍ය පැත්තකට ගියාට කණගාටුයි. මම මෙතන අදහස් පළ කලේ බුදු දහමද ක්වොන්ටම් විද්‍යාවද හරි කියල ඔප්පු කරන්නවත් මම "පොර" වෙන්නවත් නෙවෙයි. එහෙම ඕනැ වුණා මට මගෙ නමින් එන්න තිබුණා. අධ්‍යාත්මික දියුණුව ගැන උනන්දුවක් නැති මේ කාලයේ එහෙම උනන්දුවක් තියෙන කෙනෙකුට උපකාරයක් හැටියට දන්න යමක් කියල යන එක යුතුකමක් කියල හිතපු නිසයි.

      මගේ මිත්‍රයෙක් මට දීපු උපදෙසක් තමයි බුදු දහම ප්‍රායෝගිකව භාවිතයට නොගන්නා අය එක්ක ඒ ගැන කතා කරන්න එපා කියපු එක. ඒක සම්පූර්ණයෙන්ම හරි.

      මීට පස්සෙ මම මෙතන කමෙන්ට් කරන්නේ නැහැ.

      Delete
    48. අය්යෝ මගේ ඇනෝ මිත්‍රයා..... ඔබගේ අදහස් ලියන්න. තවත් අයෙකුගේ පිළිගැනීමක්/ප්‍රතික්ෂේප කිරිල්ලක් එයට අදාළ කරගන්න එපා. මෙතන යන්නේ සංවාදයක්. පාලු ගෙයි වලං බිඳින්න මම නම් කැමති නැහැ. එන්න... ගැටුමක් නැහැ කොහෙත්ම.

      Delete
    49. මේක හරිම සරල ප්‍රශ්නයක් නේ .. අපි ඔක්කොමල බුදු දහම යම් තරමින් දන්නවා . ඒවා ජිවිතයට ආදාළ කරගෙනත් තියෙනවා . මම හිතන්නේ අජිත්වත් , උපේක්ෂාවත් , ඇනොවත් තම තමන් ගේ පොරත්වයක් පෙන්නන්න මෙතනට ඇවිල්ල නෑනේ .. අපි තම තමන් හිතන පිළිගන්න දේ ගැන අදහස් දක්වනවා . අපි ඒවා සරලව පිළිඅරගෙන අපේ අදහස් දක්වමු. හරි වැරදි කියන දේ කාටවත් කියල දෙන්න බෑනේ . තමන් කරපු කියපු දේවල් ගැන හිතල බලල තමුන්ම නේද හරි වැරැද්ද තේරුම් ගන්නේ.. ඇනෝ ගැන ඇරෙන්න අපි 3න් දෙනා ගැනම අපේ බ්ලොග් වලින් අපිට තේරුම් ගන්න පුළුවන් . අපි ඔක්කොම එකම අරමුණක් ගැන කතා කරන පොඩ්ඩක් වෙනස් අදහස් දරන අය. take it easy විදියට අරන් අපි මේ සාකච්චාව කරගෙන යමු .

      හරි ඇනෝ මගෙන් ඇහුවනේ මේ දේවල් වලින් මගේ ජ්විතයේ සිද්ධ වෙච්ච වෙනස් කම් ගැන . මම ටිකක් කියන්නම්

      එකක් තමයි මොකක් හරි ගැටලුවක් හරි ප්‍රශ්නයක් හරි ආවම ඒ ප්‍රශ්නෙට තියෙන සැබෑ හේතුව දකින්න පුරුදු වෙච්ච එක . ඒ කියන්නේ ප්‍රශ්නය නිසා මට ඇතිවෙන දුක , කනගාටුව , සතුට ආදී දේවල් පැත්තක තියල මොකක් ද මේකට හේතුව කියල දකින්න පුරුදු වෙච්ච . ගොඩක් වෙලාවට එහෙම කරද්දී මට පේනවා මේ සිද්දිය එක්කෝ මගේ ඇතුලේ තියෙන අවුලක් නිසා මට සිද්ද වෙච්ච දෙයක් . එහෙම නැත්නම් මේක මේ අනිත් පුද්ගලයා නොදැනුවත් කමින් කරපු දෙයක් , එහෙම නැත්නම් මේක මේ හිතා මතා කරපු දෙයක් නම් මට මොකෝ වෙන්න පුළුවන් නරකම දේට මම සුදානම් කියන හැඟීම.

      මේකෙන් කියන්නේ නෑ අපේ රැකියාවල එන ප්‍රශ්න ආදියෙන් ලිස්සල යනවා කියන එක ඒවාට හැකියාව සහ බුද්ධිය පාව්ච්චි කරලා තීරණ ගන්න අතරේ ඒ ප්‍රශ්නය සහ ගැටලුව නිසා මට ඇතිවන දුක/කනගාටුව /සතුට ඕනෙම හැඟීමක් මැදහත්ව ගන්න පුළුවන් කම .

      ඒ කියන්නේ මම ශාන්ත දාන්ත නිවුණු කියන එක නෙවෙයි ජීවිතයේදී බොරුවට කලබල නොවීම කියල අපි කියමුකෝ .

      ඊළඟට මිනිස්සු සහ විවිධ දේවල් ගැන judge නොකර වැඩ කිරීමට, ජිවත් වීමට පුරුදු වීම . මේ කියන්නේ ගොනා එන්නේ පොල් පැලෙට කියන දේ තේරුම් නොගෙන ඉන්න එක නෙවෙයි නමුත් මමත් එක්ක ඉන්න පුද්ගලයා හෝ වැඩ කරන තැනැත්තා ගැන නැවුම් විදියට ඔහු ගැන මම විසින් ගොඩනගාගත්ත අමුතු ප්‍රතිරූපයක් නැතිව කටයුතු කිරීමට ඉගෙන ගැනීම.

      ඊට පස්සේ ගහකොළට , ස්භාවධර්මයට සංවේදී වීම ඒ කියන්නේ මට ගහක් දිහා බලාගෙන බොහෝ වෙලාවක් ගෙවන්න පුළුවන් ඒ ගස ගැන , ගසේ වර්ගය ගැන හිතින් ඇනලයිස් නොකර . ඒ කියන්නේ ඒ ගසේ ඒ මොහොතේ පවතින ලස්සන, රටා , පාට , ආදිය දෙස බලමින් .

      (හැබැයි මම මේ එක එක ගැජමැටික් වලට කැමති , හයිටෙක් වෙන්න කැමති , පට්ට වාහනයක් ගන්න කැමති / පොෂ් ගෙයක් හදන්න කැමති ජාතියේ කොල්ලෙක් නමුත් අර විදියට ඉන්න මට පුළුවන් )

      ඊලඟට තමයි මම මගේ සිතට අනුව නැතුව, සිත මට ඕනේ විදියට පාලනය කරගෙන වැඩ කරන්න පුළුවන් . ඒ කියන්නේ ඔය ඉඳල හිටලා අපි දෙන්න රෑට කන්නේ බත් ද පාන් ද වගේ දේවල් ගැන හෙන වලි දාගත්තම මට තරහ ගිහින් තියෙන හැටි මට ම පේන ගතිය . ඒ කියන්නේ මම ඊළඟට කියන වචනය හෝ ගන්න ඇක්ෂන් එක ගැන මට තීරණය කරන්න පුළුවන් කම . කරල හෝ කියල ඉවර වෙලා එක ගැන පස්සේ පසුතවෙනව වෙනුවට .

      ඉතිරි කොටස පහල ...

      Delete
    50. අනිත් එක තමයි මගේ පවුලේ ළඟම ඉන්න අය (බිරිඳ /අම්මා /කවදා හෝ දරුවනුත් ) ගැන ඔවුනුත් මම වගේම ස්වාධින තීරණ ගන්න කැමති, වෙනස් අරමුණු සහිත , තමන්ට උරුම වූ ජිවිතයක් ගෙවන අය විදියට දකින්න පුරුදු වීම . මේ කියන්නේ මගේ බිරිඳ , මගේ අම්මා යන හැඟීම තිබුනට මේ ඉන්නෙත් මම වැනිම තවත් මනුස්සයෙක් යන හැඟීමෙන් දකින්න පුළුවන් කම . එවිට මගේ සතුට හෝ මගේ දුකට හේතුව ඔවුන් නොව ඔවුන් ගැන මම ඇති කරගෙන තියෙන බැඳීම බව වටහා ගන්නට පහසු වීම . මේ කියන්නේ බැඳීමක් නැතිව රොබෝ වගේ ඉන්නවා කියන එක නෙවෙයි. ආදරයෙන් ඉන්න ගමන් ඒ අයගේ ජිවිත වලටත් ඉඩ හැරීම, ඒ අයගේ ජිවිත accept කිරීමට හැකි වීම .

      මිට අමතරව 18+ ෆිල්ම් බලන , ඉඳල හිටලා කාට හරි ලණුවක් දෙන . ඔය දන්න කියන එකෙකුට රිදෙන්න ෂොට් එකක් දීල මස් කෑල්ලක් මාළු කැල්ලක් කාල ඉන්නවා. සිගරට් අරක්කු නම් බොන්නේ නෑ .. ඒ නොබෝන්නේ සෞක්‍ය හේතු නිසා මිසක් පව් නිසා නෙවෙයි.

      හරි මේවා හෙන සාමාන්‍ය දේවල් විදියට කෙනෙකුට පෙනෙන්න පුළුවන් . මමත් මේ දේවල් තාම අත්හදා බලමින් , මගේ ජිවිතයට යොදා ගන්න ගමන් ඉන්නේ .. අපි තාම ජිවත් වෙන්න පටන් ගත්ත ගමන් නිසා ඉදිරියට එන බැරෑරුම් ප්‍රශ්න වලදී කොහොම හැසිරෙයි ද කියන එක මට දැනට කියන්න බෑ .. නමුත් මම හිතනවා මේක පුරුද්දක් විදියට කරගෙන යනකොට ඔය බොහෝ ගැටළු සාමාන්‍ය දේවල් විදියට පෙනෙයි කියල ..


      [එතුමා බෞද්ධාගමික විදියට රහත් ද සෝවාන් ද ආදී කරනු ගැන අවංකවම මම දන්නේ නෑ. අනිත් එක මට ඒවා කිසිම දිනක වැදගත් වුනෙත් නෑ... මින් ඉදිරියටත් මම ඒ ගැන හොයල බලන්න අදහසකුත් නෑ .. ]

      [ඇනොගේ අනිත් ප්‍රශ්නය ක්‍රිෂ්නමුර්තිගේ ක්‍රමයෙන් රහත් හෝ මාර්ගපල ලැබූ අය ගැන දන්නවද කියන එකට මට කියන්න තියෙන්නේ මම එහෙම අය ගැන දන්නේ නෑ කියන එක .]

      හිතන්න.. ඔබ එකැස් කනෙක් කියලා. ඔබ ඔබගේ ගමන අනතුරු වලින් තොරව යන්නට හිතාගෙන කෙනෙක්ට කනවැල අල්ලන්නට කියනවා. ඔහු එකඟ වෙලා ඔබව එක්කගෙන යනවා. ඔබ ඔහුගෙන් මේ ප්‍රශ්න දෙක ඇසිය යුතුද?
      1. ඔබ හොඳින් ඇස් දෙක පෙනෙන අයෙක්ද?
      2. ඔබ මාව රැගෙන යන්නේ කොහාටද?( මේ මාර්ගය කෙලවර වන්නේ කොතැනින්ද ?)]

      මම හිතන්නේ මෙන්න මේ ටික ගැන මම ඒ හැටි කරදර නොවෙන හේතුව පැහැදිලි ඇති .

      මට බාලසුරිය මහතා හමුවීම, ක්‍රිෂ්නමුර්ති තුමාගේ දේශනා , අධිකාරම් චරිතය ආදිය නිසා බුදු දහම ගැන මගේ හිතේ තිබුණු පැහැදීම ලක්ෂ වාරයක් වැඩි වුණා මිසක් කිසිම අයුරකින් අඩු වීමක් වෙලා නෑ ... එකම දේ මම බුදු දහම සහ ධර්මය දෙස බලන Perspective එක (කෝණය කියන්නේ මේක නෙවෙයි නේද ) වෙනස් වුණා . මට බුදු දහමේ තියෙන කරනු වල හරය වඩා පැහැදිලිව තේරුම් ගන්න පුළුවන් වුනා කියන්න පුළුවන්. ඒක හැමෝටම හරි නොයන්න පුළුවන් නමුත් ඔබලා ඔය කතා කරන කරුණු බොහෝ දේ මට තේරෙනවා. (පාලි වචන නම් දන්නේ නෑ )ඒ තේරෙන්නේ මම ඒවා කියවල තියෙන නිසා නෙවෙයි. මේ කියන්නේ මෙන්න මේ විදියට ප්‍රයෝගිකව ජිවත් වීම කියල මම අත්දැකලා තියෙන නිසා හෝ අත්දකිමින් සිටින නිසා.


      භාවනාව ගැන කිව්වොත් මම දැනට අවුරුදු 5-6කට කලින් ඇස් පියාගෙන , නියමිත ඉරියව්වෙන් ඉඳන් භාවනා කරන එක නතර කළා . දැන් මගේ භාවනාව සිද්ධ වෙන්නේ මම එදිනෙද වැඩ කරන ගමන් . ඒ කියන්නේ ඒ වෙලාවේ කරන දේ ගැන ඒ වෙලාවේ අවධානයෙන් ඉන්න එක (100% ඉන්න බෑ නමුත් මම උත්සහ කරනවා ). ඊට අමතරව ඔය වාහනයක , බස් එකක යනවනම් ඒ යන වෙලාවට මගේ හිත ගැන හිතල බලන එක . රෑට නිදාගන්නකොට පොඩ්ඩක් ඔය හිත වැඩ කරන හැටි ගැන සංවේදී වෙන එක . සිතුවිලි එන්ජිම නතර වුනාම තියෙන නිර්මල සැහැල්ලුව මට ඕනෙම වෙලාවක අත්දකින්න පුළුවන් .

      ඔබලා තුලත් මේ ධර්ම මාර්ගයේ ගමන් කිරීම නිසා ඇතිවෙච්ච වෙනස් කම් ගැන අපි කතා කරමු . පොත් වල තියෙන තියරි ගැන දන්න අය ඕනේ තරම් ඉන්නවා නේ .

      Delete
    51. පැතුම්ගේ අදහස් /අත්දැකීම් වලට මම තව එකතු කරන්න කැමතියි. ( මෙය එක්තරා ආකාරයක ඉල්ලන් කෑමක්. මම එහෙම කියන්නේ මගේ සැබෑ තොරතුරු එකවරම හැමෝටම කියවන්න පුළුවන් තැනක ලියන්න මගේ පුද්ගලික අකමැත්ත මෙතැනදී මම තාවකාලිකව බිමින් තියන්න යන නිසා. ඒකෙන් මම අදහස් කලේ මොකක් හරි හොරයක් තියෙන බව නෙවෙයි. මගේ හැටියක්... !)

      මම උපතින් අභ්‍යන්තරාවර්ති කෙනෙක්. හැබැයි නිහඬ නැහැ. ඒ කියන්නේ මගේ ඇතුලේ නොනවතින සංවාදයක යෙදෙන, පිටට නොපෙනෙන ගතිගුණ උපතින් ගෙනා අයෙක්. ( ටෝක් එකක් දෙන්නයි හදන්නේ) මට ඇත්තටම වරක් ඇසු /කියවූ/දැකපු ගමන් එකවරම මතකයට පහසුවෙන් දැනෙන ගතියක් උපතින් තිබ්බ. මම මගේ චරිත ස්වභාවය නිසා සහ ධර්ම පොතපත නිතර පරිශීලනය කරපු නිසා මගේ වයස අවුරුදු 10 විතර වෙනකොට මට අහිධර්මය වැටහුනා සහ අදටත් මතකයේ තියෙනවා. ඒකට පාදම උනේ මගේ දහම් පාසල. නමුත් මම භෞතිකවාදී වුනා මගේ වයස 13-14 කාලේ. මම ඉගෙනගත්ත ධර්මය මම ඉදිරියට නොගෙනගිය නිසා මගේ මතක ශක්තිය සහ සිහිය පිරිහුණා. නමුත් මට ඒ කාලේ පුදුම තරම් ඇනලිටිකල් පවර් එකක් සහ දරාගැනීමේ ශක්තියක් තිබ්බ. මම අදටත් විස්වාස කරනවා මම ඉගෙනගත්ත සහ මම ප්‍රායෝගිකව යොදපු සිහිය පිහිටුවීම/භාවනාව තමයි මාව එතැනදී ඒතරම් තැනකට ගෙනාවේ. මට ඒ කාලයේ ගැහැණු දරුවෙක්ට දරන්න බැරි තරම් මානසික පීඩන තිබ්බ. ( වැරදියට හිතන්න එපා.) සමහර දේවල් සහ සිද්ධි ගැන මම බ්ලොග් සටහන් ලියලත් ඇති. ඒවාට මම දුන්නේ තනියෙන්, ඒ කිසි දෙයක් ගෙදරට නොපෙන්වා ඉන්න පුලුවන්කමත් මට තිබ්බ. මම පොඩි කාලේ ( අවුරුදු 14 දක්වා කාලේ) භාවනා කළා. ( ආනාපාන සතිය, බුද්ධානුස්සතිය, මෛත්‍රී ආදී ) හැබැයි මමත් දඟ වැඩ කරපු සාමාන්‍ය ළමයෙක්.

      වයස 16 වෙනකොට මට ලොකු අභියෝග ආව. ඒත් එක්කම මගේ චරිත ස්වභාවය වෙනස් උනා සහ මම ගොඩක් භෞතික පැත්තෙන් තර්ක කළා. සිතුවිලි/ කර්මය/දිව්‍යලෝක/අපාය/කුසල්/අකුසල්/බුද්ධ චරිතය/වෙනත් සාධුවර චරිත/සුත්‍ර ආදිය ගැන කියෙව්වා. ඒවායේ දේවල් අත්හදා බැලුවා. මට තවත් භෞතිකවාදී තර්ක වලින් උත්තර ලැබුනේ නැහැ. හැමවෙලේම උත්තරේ ලැබුනේ බුද්ධ දේශනා වල අඩංගු කරුණු වලින්.

      මම උදාහරණයක් කියන්නම්. මට පාසලේදී දරුණු අසාධාරණයන්ට ලක්වෙන්න සිද්ධ උනා. නමුත් මම පුහුණු කරගෙන හිටපු චින්තන රටාවට අනුව මම කලබල උනේවත් විස්සෝප උනේවත් නැහැ. කොටින්ම වෛර කලේ නැහැ. පළිගන්න හිතුවෙත් නැහැ. නමුත් අවසානෙදි ( අවසන් කොටසේදී) ධර්මයේ කිව වගේම මගේ ඒ ධර්මය විසින්ම මාව ආරක්ෂා කරලා තිබ්බ. මට තිත්තයාගේ වාරෙත් ආව. මම ඒත් කලේ ඒ වාරය නොගෙන හිටපු එකයි.

      නමුත්, මගේ දුර්වලකම් තිබ්බ. ඒ තමයි ක්ෂණික කෝපය සහ බොරු කීම. ධර්මයේ කියන්නා සේම මම ඒ ස්ථානවලදී බිම වැටුනා. මම ප්‍රගුණ කරපු සිහිය ඒ වෙලාවල් වලදී නැතිවෙලා. සිහියෙන් කල්පනා කරනකොට මට මගේ ක්ලේශය අහුවෙනවා. ඒකෙන් මම කියන්නේ නැහැ මම ශාන්ත දාන්ත පොරක් උනා කියල. මගේ ඒ ක්ෂණික කෝපය මම දැන් පාලනය කරනවා සහ බොරුකීම දුර්ලභ කාරණයක් වෙන තරමට ආව.

      හැබැයි මම මේක දිගට වැඩුවේ නැහැ. ඒ කියන්නේ භාවනාව අඩු උනා. සමාධියට එන්න පුළුවන් හරි ඉක්මනින්. දැන් එහෙම අමාරුයි. ඒ කියන්නේ මම වල්බිහිවෙන්න ඇරලා. ධර්මය මේක හොඳින් පැහැදිලි කරනවා වෙනත් ආගම්/දර්ශන වලින් මේ ස්වාභාවයන් මතුපිටින් දක්වද්දී. මම මතුපිටින් දක්වනවාට කැමති නැහැ. මට ඕනේ ගැඹුරුට හොයන්න. එතැනදී බුද්ධ දේශනා කියන්නේ රන් ආකර !

      Delete
    52. තවත් දෙයක්. දැනටත් මම ධර්මය ගැන ධර්මය දන්නා අය සමඟ සාකච්ජා කරනවා. තර්ක කරනවා. එතැනදී මට දැනුන තවත් දෙයක් තමයි, අපි කරන වැඩ වලදී සිහියෙන් වැඩකරනවා කියන්නේ ( අවධානයෙන්) ධර්මයේ ඒ කියන සතිය නෙවෙයි කියන එක. අන්න ඒකයි පාලි දැනගැනීමේ වාසිය. සිහිය කිව්වහම අපිට දැනෙන්නේ අවධානය වගේ හැඟීමක් නේද? ඇත්තටම ධර්මයේ අර්ථය ඊට වඩා ගැඹුරුයි, පළල්. භාවනාව කියන්නේ වැඩ කරන ගමන් කළහැකි යමක් නොවන බවත් මට ප්‍රත්‍යක්ෂය උනා. අන්න එතැනදී මම බැලුවා ධර්මයේ කොහොමද භාවනාවට උපදෙස් දීලා තියෙන්නේ සහ එහෙම කරන්න හේතු මොනවද කියල. එතැනදී බුද්ධ ධර්මය අනෙකුත් දර්ශන/ආගම් පරදවා මට දිදුලන්න පටන් ගත්ත.

      ඒ වගේම අපි බහුතරයක් දෙනා අදට මන්තර විදියට භාවිතා කරන සමහර සුත්‍ර දේශනා මම සිංහලෙන් කියෝලා පාලියෙනුත් කියෙව්වා. අහෝ.. අපේ මුලාවේ තරම තේරුනා. මේවා මන්තර ලෙස මතුරන්න තියෙන ජාති නෙවෙයි. මස් ජාති කෑම ගැන මෑතක ලොකු රැල්ලක් ආව. මම ඔය ගැනත් හෙව්වා ධර්මයේ. මිනිස්සු ඉන්නේ මුලාවක. සමහර දේශකයාණන් වහන්සේලා අදහස් විකෘති කරන හැටි දැක්කම මම පරිශීලනය කරපු පොතපතට මට ගෞරවයක් හිතුනා. ඒ වගේම පන්සිල් ගැන මිනිස්සු දරන විහිළු ආකල්ප ගැනත් මම හෙව්වා. පන්සිල් ආරක්ෂා කරලා බැලුවා. ප්‍රතිඵලේ අතිවිශිෂ්ඨයි.

      තව දෙයක්. මගේ අත්තම්ම (අම්මගේ අම්මා) මම දන්නා කාලයේ පටන් බොහොම සැරපරුෂ කෙනෙක්. අපිව බලාගන්න උදව් කලේ ඇය තමයි. අපි විශ්වවිද්‍යාලයට ගිය පසු තමයි ඇය ආපසු මහා ගෙදර ගියේ. ඇය මම 10 වසර විතර ඉන්නකොට අපේ දහම් පාසල් පොත් සහ ගෙදර තියෙන අභිධර්මය පොත් ඔක්කොම කියෝනව. අත්තම්ම උසස් අධ්‍යාපනය කල උගත් අයෙක් නෙවෙයි. නමුත් ඇයට මේවා දවස ගානේ දෙතුන්පාර කියෝන හින්දද මන්ද වැටහෙන්න ගත්ත. ඇය විසින්ම භාවනාව පටන් ගත්ත. අර පරුෂ ගති නැතිවෙලාම වගේ ගියා. මුහුණ හරිම ලස්සන උනා. ඇත්තට ඇයට පොඩි පොඩි වාත අමාරුවක් මිසක් මෙලෝ ලෙඩක් තිබ්බෙත් නැහැ. මගේ අම්මිගේ යාලුවෙක්ගෙ ගෙදරට අපි එක දවසක් යනකොට කොහෙන්දෝ ආපු කෙනෙක් එතැන අඳුනක් බලනවා. මට හෙන කුතුහලේ. අපිව දැක්ක ගමන් ඒ අඳුන බලපු ආන්ටි කිව්වා "ගෙදර හොඳ භාවනායෝගියෙක් ඉන්නවා. දෙවියන්ගේ ආශිර්වාදය ගෙදරට තියනවා" කියල. මම නම් තඹේකට මායිම් කලේ නැහැ ඒ කතාව. මට කට කොනින් හිනා ගියා. මට පිටුපාල හිටපු ඒ අඳුන කියෝපු ආන්ටි එකවරම කිව්වා "විස්වාස නැහැ නේද? හිනාවෙනවා නේද? මුඛරි කෙල්ල" කියල. මම මේකෙන් කියන්නේ නැහැ මම අඳුන් කියවිල්ල විස්වාස කරනවා කියල. මම අදහස් කලේ යමෙක් භාවනාවට නැඹුරු වෙනවා නම් සම්‍යක්දෘෂ්ඨික දෙවියන් ඔවුන්ට ආශිර්වාද කරනවා කියල.

      තව සිද්ධි කියන්න පුළුවන්. බෝරින් වෙයි නේද?

      Delete
    53. උපේක්ෂා ඔබේ මේ අත්දැකීම් වැදගත් , බෝරින් නෑ දිගට කතා කරමු .

      මම ඔබෙන් ප්‍රශ්නයක් අහන්නම් මට මේ ප්‍රශ්නයට කෙලින් ම ඔබේ සිතට එන උත්තරය දෙන්න . බුදු දහමට අනුව වත්, සමාජයේ සම්මත වලට අනුව වත් නෙවෙයි කෙලින් ම මේක දැක්ක ගමන් හිතට එන එක හරි ද ?

      ඔබ කවුද ?

      Delete
    54. ඔබේ ප්‍රශ්නයට එන උත්තරේ. 'මම කවුරුවත් නෙවෙයි...'

      මේ උත්තරේ ඔබට උනත් ආකාර කිහිපයකට පෙනෙන්න පුළුවන්. ඒ හින්දා මම දකින ආකාර ටික මම ලියන්නම්.
      1. මම මමම මිස වෙන කවුරුත් නොවෙයි
      2. මම යයි සම්මත කෙනෙක් මිස කෙනෙක් නැත
      3. මම තාම කවුරුවත් බවට පත්වුණු කෙනෙක් නොවේ

      ඔය ටික මට නිරායාසයෙන් එන දේවල්. හිතල ලියන්න එපා කියලනේ ඔබ කියන්නේ නේද?

      අනිත් එක පැතුම්, මම සමහර ප්‍රතිපත්ති මත පිහිටන්නේ හෝ ඒවා අනුගමනය කරන්නේ එයින් සත්‍යක්‍රියා කොට මට අවශ්‍ය යමක් ලබාගන්න නෙවෙයි. ( හැබැයි මම එක පාරක් සත්‍යක්‍රියා කරලා , මට ඒ දේ සිද්ධ උනා. ඒ ගැන මම අදටත් පුදුම වෙනවා.) ඒ කියන්නේ කරදරයක් හෝ චිත්ත පිඩාවක් ආවොත් මම කවදාවත් පන්සලට දුවගෙන ගිහින් බෝධිපුජා තියන්නේ වත් පිරිත් අහන්න පටන් ගන්නෙවත් නැහැ. ඒ වෙලාවට මම නොකරන්නෙම ඒක. දෙවියන්ට පින් දෙනවා කුසලකර්මයක් කරහම. නමුත් දෙවියන්ගෙන් මුකුත් තාම ඉල්ලලා නැහැ. ලැබුන දෙයක් වේ නම් ඒකට දෙවියන්ට ස්තුති කරන්නේ නැහැ. ආයුෂය, නිරෝගිකම ඉල්ලලා පින් අනුමෝදන් වෙන්නෙවත් දන් දෙන්නේ වත් නැහැ.

      පොර ටෝක් එකක් තමයි. නමුත් ඇත්ත මම කිව්වේ.

      Delete
    55. ඔබ ඔය "මම" කියන කෙනා ගැන කවදාහරි හිතල බලල තියෙනවද ? "මම" යැයි සම්මත දේ ගැන කවදාහරි හිතල බලල තියෙනවද ? ඔබ තුල ඉන්න "මම" ගැන හිතල බලල තියෙනවද ?

      ඔබ ඔය භාවනාවෙන්, ධර්මය ඉගෙන ගැනීමෙන් , ප්‍රතිපත්තියෙන් ආදී විවිධාකාර ක්‍රියාවන්ගෙන් පෝෂණය කරගෙන ඉන්න "මම" කියන ස්භාවය ගැන මොනවාද තේරුම් අරන් තියෙන්නේ කියන එක ගැන හිතල බලල තියෙනවද ?

      අපි ඔය කරන හැම ක්‍රියාවකින් ම සිද්ද වෙන්නේ අප තුල තියෙන මම කියන දෘෂ්ටිය පෝෂණය කිරීම කියල හිතිලා නැද්ද ? ඔබ භාවනා කරන්නේ "මම" නිසා නේද ? මට සත්‍යයය අවබෝධ කරගැනීමේ අවශ්‍යතාවය තියෙන නිසා ඔබ භවනා කරනවා. ඔබ ධර්මය ඉගෙන ගන්නවා ... එහෙම නේද ?

      කවද හරි නිවන් දකින්න හිතාගෙන ඉන්නේ ඔබ තුල ඉන්න "මම " නේද ?

      ක්ලේශ සියල්ල නැති කරලා , අවසානයේ අපි නැති කරගන්න හදන්නෙත් ඔය අපි තුල ඉන්න "මම" කියන සං ඥා වම නේද ?

      ඔබ මේ දේවල් තේරුම් අර ගන්න විදිය පැහැදිලි කරන්න පුළුවන් ද ?

      Delete
    56. ඔව්...
      මම යයි සම්මත කෙනා ගැන මම හිතල බලලා, විමර්ශනය කරලා බලලා තියෙනවා. ක්‍රම කීපයකින්. එකක් තමයි චරිත ලක්ෂණ වලින්. අනිත් එක අධ්‍යාත්මික ශක්තියක් ලෙසට.

      චරිත ලක්ෂණ වලින් තමයි මගේ සාමාන්‍ය හැසිරීම් රටාවන් මම පරික්ෂා කරන්නේ. එය හරියට ලොකු හිල් ඇති පෙනේරයකින් ලොකු රොඩු වෙන් කරනවා වගේ. සංකීර්ණ නැති සරල හැසිරීම් ආදිය විමර්ශනය කරනකොට ( එදිනෙදා ජීවිතයේදී) මම එහෙම කරන්න ඉගෙන ගත්තේ සුත්‍ර ගොඩක් සහ බණ දේශනා රැසක් වලින් මට ඇතිකරපු කුතුහලයට. පොත් වලින් මම ඒ හැසිරීම් වල තියෙන පොදු භාවය දැක්ක. විශේෂයෙන් 'වච්ච්ක ධර්ම' ගැන ඇහුවා/කියෙව්වා.

      භාවනාවේදී මට මගේ කියන සම්මතයේ ඇති චෛතසික ස්වාභාවයන් තෙරුම් ගන්න යම් දුරකට හැකියාවක් ලැබුනා. ඒ කියන්නේ එක චිත්ත පරම්පරාවක ප්‍රතිඵලයේ මුල් අංකුරය බොහෝදුරට අහුවෙන්න ගත්ත. ඊට අමතරව සිතේ තියෙන විචිකිච්චාව කියන්නේ මොකද්ද කියලත් තේරුනා. මෙය හරියට මට දැනුන සිනිදු රෙද්දක් ගැන තව කෙනෙක්ට විස්තර කරනවා වගේ. ඒ කියන්නේ මම කියනවා එය හරි සිනිදුයි කියලා, නමුත් අහන කෙනාට දැනෙන්නේ ඔහුත් සිනිදු රෙද්දක ස්පර්ශය ලබලා තියෙනවා නම් තමයි. නමුත් මම කියන සිනිදු රෙද්දත් ඔහු ඇත්තටම ස්පර්ශ කරපු සිනිදු රෙද්දත් වෙනස් ස්පර්ශයන්. ( මම මෙහෙම කියන්නේ ඔබත් එහෙම විමර්ශනය කරලා තියෙන නිසා ඔබ කියයි මටත් දැනුනේ සහ කලේ ඒ ටිකමයි කියල. නමුත් මම හරියටම දන්නේ නැහැ ඔබේ විමර්ශනය මගේ විමර්ශනය හා සර්ව සමද කියල. මොකද මගේ ආභාෂය බුද්ධ ධර්මයෙන්.)

      [අපි ඔය කරන හැම ක්‍රියාවකින් ම සිද්ද වෙන්නේ අප තුල තියෙන මම කියන දෘෂ්ටිය පෝෂණය කිරීම කියල හිතිලා නැද්ද ? ඔබ භාවනා කරන්නේ "මම" නිසා නේද ? මට සත්‍යයය අවබෝධ කරගැනීමේ අවශ්‍යතාවය තියෙන නිසා ඔබ භවනා කරනවා. ඔබ ධර්මය ඉගෙන ගන්නවා ... එහෙම නේද ?]
      මේකට එකවරම ඔව් හෝ නැත කියා උත්තර දෙන්න අමාරුයි. සරලව ගත්තොත් උත්තරේ 'නැත' කියා. මම ඒ දේවල් කලේ දෘෂ්ඨිය පෝෂණය කරන්න නෙවෙයි. මම භාවනා කලේ 'මම' හින්දා නෙවෙයි. මම නොවන නිසා. ඒ කියන්නේ සිතුවිලි පරම්පරාවක් මිසක් භාවනාවෙන් හෝ පෝෂණය කරන්න 'මම' කියලා කෙනෙක් නැතිබව මම දන්නා නිසා.

      [කවද හරි නිවන් දකින්න හිතාගෙන ඉන්නේ ඔබ තුල ඉන්න "මම " නේද ? ]
      නැහැ. නිර්වාණය දකිනවා කියන්නේ ඇත්තටම දැකීමකට වඩා නිර්වාණයට පත්වීමයි. ඒ කියන්නේ අපේ සිතුවිලි පරම්පරාව අවසන් වෙනවාත් සමගම අනෙකුත් සියල්ල අහෝසි වෙනවා. ඇත්තටම නිර්වාණයට පත්වෙන්න කියලාවත් 'මම' කියලා කෙනෙක් නැහැ. තියෙන්නේ සිතුවිලි පරම්පරාවක්. දැනටත් නැති 'මම' කොහොමද නිර්වාණයකට පත්වෙන්නේ.

      [ක්ලේශ සියල්ල නැති කරලා , අවසානයේ අපි නැති කරගන්න හදන්නෙත් ඔය අපි තුල ඉන්න "මම" කියන සං ඥා වම නේද ?]
      නැහැ. ක්ලේශ නැති කරන්නේ මම නැති කරන්න නෙවෙයි. මම කොහොමත් ඇති දෙයක් නෙවෙයි. ඇත්තේ චිත්තක්ෂණ සහ චිත්ත පරම්පරාවල්. ඒවා ක්ලේශ/උපක්ලේශ වශයෙන් ගොඩවල් එක්දහස් පන්සියයක්. මම කියන්නේ මේ ක්ලේශ එක්දහස් පන්සියය කටපාඩම් කිරීමෙන් කෙලෙස් දුරුවෙන්නේ නැහැ. එහෙම කටපාඩම් කිරීමෙන් ලැබෙන්නේ දැනුම මිසක් අවබෝධය නෙවෙයි. ක්ලේශ නැති කරන්න අවශ්‍ය වන්නේ සමාධියෙන් ඇරඹෙන විදර්ශනාවයි. ඒවත් හරියට එක එක ගිනි ජාති වගේ. තෙලෙන් ඇතිවෙන ගින්නට ඒ ආකාරයක ගිනි නිවන ද්‍රව්‍ය අවශ්‍යයි. එයට වතුරෙන් ඇති වැඩක් නැහැ. ඒ වගේමයි ගෑස් ආකාරයේ හෝ විදුලියෙන් ඇතිවෙන ගින්නකට ඒ ඒ ආකාරයේ ගිනි නිවීම් ක්‍රම තියෙනවා. ඔක්කොටම එකම තෙල හරියන්නේ නැහැ.

      තවත් දෙයක්... මේ කරන්න හදන දේ තමුන්ගේ චරිත ස්වභාවය, වයස සහ සසර ඇති පුරුද්ද අනුව අනුගමනය කලයුතු පටිපාටිය වෙනස් වෙන්න ඕනේ. ඔබට හරිගියා විදිය මට හරියටම හරි නොයන්න පුළුවන්. ඒ නිසා භාවනාවට නම් ( විදර්ශනාවට) කමටහන් ගන්න එක වටිනවා. වයසක කෙනෙක්ට දෙන්නේ තරුණයෙක්ට දෙන කමටහන් නෙවෙයි. ඉබාගාතේ ගිහින් අවසානේ බුද්ධ ධර්මයේ සත්‍ය නැහැ කියල බැහැර කරන උදවිය මට මුණගැහිලා තියෙනවා. ඒ වගේම පොඩ්ඩක් භාවනා කරලා පැරෂුට් වගේ උඩ යන්න හිතාගෙන අවසානෙදි කලකිරෙන උදවියත් පොඩි පොඩි තාවකාලික සංඥා දැකලා තමුන් මාර්ගඵල ලැබුණය කියල උඩ යන අයත් මම දැකල තියෙනවා. භාවනාවට උනත් ඇලෙන්න/ඇබ්බැහිවෙන්න නරකයි. ඒකත් විමර්ශනය කරමින් කරන්න ඕනේ.

      Delete
    57. මෙතන දැන් උත්තර දෙන්න තියෙන්නේ මොන ප්‍රශ්නයටද කියල හොයා ගන්න බැරි කමක් තිබෙනවා. මෙතනින් පටන් ගන්නම්.
      /නැවත උපතක් කියා දෙයක් නැති නම්, මරණයෙන් පසු අපට සිදු වන්නේ කුමක්ද?//
      @ඇනෝ - මරණයෙන් පසු වෙන්නේ කුමක්ද කියා මම හරියටම දන්නේ නැති දෙයක්. මොලයේ අනටොමි එක ගැන මේ දවස් වල කියවනවා. අර කලින් කිව්වා වගේ මළවුන් ගෙන්වා කතා කරන කෙනෙක් මම දනනවා අවුරුදු 10 ඉඳන්. ඇය කියූ දේවල් අවුරුදු 10 ක සිට ඊමේල් වලින් සම්බන්ධතා තබාගෙන නිවැරදිද බලනවා. ම විසිනුත් මළවුන් සමග සම්බන්ධ වුන. නමුත් එය ඇත්තද නැත්නම් මගේ හිතේ විකාරයක්ද විශ්වයේ තිබෙන කිසියම් දැනුමක් ටැප් කිරීමක්ද දන්නේ නැහැ. ලංකාවට යන සැම වෙලේම එවැනි අය හමුවී නොයෙකුත් දේ අහලා මොනිටර් කරනවා හරියනවද ඇත්තද කියල. තවම නම් හරි හමන් උත්තරයක් නැහැ. ග්රවිටෝන කියා ගුරුත්වකර්ශනයේ පුංචි අංශුවක් ගැන කියනවනේ, ඒ වගේම මිය යන විට ශරීරයේ විදුලි ශක්ති බලය (energy ) පුංචි අංශුවක් වශයෙන් අවකාශයට එකතුවී ආලෝකය මගින් එහෙ මෙහෙ යන බවත් එහි සියලු මතකන් ගැබ්වී ඇති බවත් හිතනව. මේ තියරියට මගේ පරීක්ෂණ නිගනම හා දත්ත ඇතුලත් කර ලනගදීම බ්ලොග් ලිපියක් දාන්න බලා පොරොත්තු වෙනෙවා. බුදු දහමේ අන්තරභාවය කියන්නේ එය විය හැකියි කියත් සිතනවා.

      Delete
    58. @උපේක්ශා - මුලදී කියන්නේ අවුරුදු 14-19 කාලයේ සිංහල බෞද්ධ විධිහට අනගාරික ධර්මපාල තුමා ගැන කියවල දරුණුවට හිතන් හිටිය. පසුව මස්ක්වාදය ගිරවෙක් වගේ හදාරලා පසුව සමාජවාදී රටවල් වැටුනම අත හැරියා. නමුත් පැරනොමල් සංසිද්ධීන් හොයද්දි හා තර්ක විද්‍යාව ඉගෙන ගනිද්දී නැවත මාක්ස්වාදය අහම්බෙන් කියෙව්වා. හේගල් ගේ සිට මාක්ස් එංගල්ස් දක්වා. මෙහිදී නැවත සිත පිබිදුන ගිරවෙකු නොවී බුදුන්ගේ කලාම සුත්‍රයහි අදහස් හිතට අරගෙන. බුදුන් මම හිතන්නේ ලොව ප්‍රථම මාක්ස්වාදිය කියල සමානාත්මතාවය දේශනා කරපු. මාක්ස් භෞතිකවාදය ගැන කතා කලත් බොහෝ දේවල් සමානාත්මත සමාජයකට සම්බන්ධයි. අනික එහි බොහෝ තැන් විද්යානුකුලයි. බුදු දහමේ බොහෝ තැන් වගේ. - සිංහල බෞද්ධ කතාව අත ඇරියේ හාමුදුරුවරු කියන්න ගත්තනේ අපි දෙමලු අරුන් මුන් මරල අපායේ යන්නම්. මහත්තයලට නිවන් යන්න බුද්ධාගම බේරා දීලා කියල. ඒකෙන් මම කල කිරුන. අපට නිවන් යන්න කවුරුත් කාව වත් මරන්න ඕනේ නැති නිසා. මම බෞද්ධ කියලවත් අනවශ්‍ය තැන වල කියන්නේ නැහැ. එයින් යම් ඇලීමක් බැඳීමක් හැඟෙන නිසා. එහෙම වුණාම ඒ වෙනුවන් සටන් කරන්න අනිත් අයට ගරහන්න හිතෙනවා. මෙතන ඔබත් අනොත් ඔහු හා පොර ප්‍රශ්නය ඉදිරියට නොගෙනිය එකට සතුටුයි. ඔබල දෙදෙනාම හොඳින් බුදු දහම ප්‍රයෝගිකව වටහාගෙන ජිවත් වෙනවා කියල පෙනෙනවා.
      //තවමත් ඔප්පු කරගන්න බැරුව හිටියත් බුද්ධ ධර්මයේ කියපු දෙයක් අද වනතුරු ඔහොම නෙවෙයි මෙහෙමයි ඇත්තටම වෙන්නේ කියලා සංශෝධනය කරන්න වෙලා නැහැ. // විද්‍යාව කියන්නේ හැම වෙලාම අලුත් දෙයක් සොයා ගන්නා දෙයක්. එයත් යල් පැන ගිය ඔප්පු කල නොහැකි මත ඉදිරිපත් කරනවානම් මම එයත් බැහැර කරනවා. මම හැම වෙලේම ඉගෙන ගන්න කෙනෙක්. එය කවදාවත් නතර වන්නේ නැහැ.
      අවසන් වශයෙන් ඉංග්‍රීසි පරිවර්තන එතරම් හොඳ නැති වෙන්න පුළුවන්. නමුත් ඉංග්‍රීසියෙන් කියව බුදු දහම අවබෝධ කරගත් මිනිසුන් ලංකාවේ සිංහලෙන් කියවා අදහන හොඅ පාලි ගාථා ගිරවුන් සේ උච්චාරණය කරන සින්හල බොදුනුවන්ට වඩා හොඳයි කියා අත්දැකීමෙන් දන්නවා. මෙය ඔබට, ඇනෝට හෝ පැතුම් ට අදාලව නොවේ කියන්නේ. මගේ ජර්මන් ජාතික බිරිඳ ප්‍රොතෙස්තන්ත ආගමේ. මම දුන් බුද්ධාගම ගැන ඉංග්‍රීසි පොත් කියවල බුද්ධාගමට හැරුන. ඇය පන්සල් ගියත් භාවනා කලත් ඇය සතුන්ට දක්වන කරුණාවේ සිට යමක් කැඩුනොත් බිඳුනොත් කම්පා නොවීමේ ලක්ෂණය දක්වාඇය හොඳින් ආගම ග්‍රහනය කරගෙන සිටිනවා කියා පෙනෙනවා. (මම මේ ලක්ෂණ දෙකක් පමණයි කිව්වේ ) . මෙය ම ලංකාවේ බොහෝ නමින් බෞද්ධයන් අතර දැක නැහැ. එසේම ඉංග්‍රීසි පොත් දී තවත් ජර්මන් ජාතිකයන් දෙදෙනෙක් ඇගේ ගමේ බුදු දහමට හරවා තිබෙනවා. ඔවුන්ගේ හැදියාව හා හැසිරීමත් එසේමයි.

      Delete
    59. මගේ අකුරු වැරදීම් ගැන සමාවෙන්න . රැකියාව කරන office එකේ සිට ඉක්මනින් ටයිප් කරන්නේ. :) මම DR. BRIAN L. WEISS ගේ දේශනයකට මැයි මාසයේ යනවා. නැවත ඉපදීම පිලිබඳ පර්යේෂනයේම කොටසකට. ප්‍රශ්න තිබේ නම් දෙන්න අහන්න.

      Delete
    60. මුලින් ම උපේක්ෂා ගේ අදහස් ගැන යමක් කියල ඉන්නම් ..

      ඔබ ඔය කියන අදහස් මම පිලිගන්නවා . මම කියන්නේ ඔබ ඔය කොටස් වශයෙන් විග්‍රහ කරමින් යන සිතිවිලි පරම්පරා වල්, චිත්තක්ෂණ, ක්ලේශ, උපක්ලේශ ආදී සියල්ල අපිට දුරු කරන්න ඕනේ නම් අපිට එකට ඕනේ කරන්නේ සමාධිය සහ විදර්ශනාව . සමාධිය සහ විදර්ශනාව කෙනෙක් තුල ඇති වන්න නම් ඔහු තුල සිහිය (consciousness) තියෙන්න ඕනේ .. සිහිය සහ සිත අතර වෙනස ඔබ දන්නවා යැයි මම හිතනවා . සිහියෙන් යුතුව අපේ සිතිවිලි පරම්පරාවල් දිහා බලනකොට ඒවායේ මුලය වටහා ගන්න පුළුවන් .. (සිතිවිලි පරම්පරාවල් ඇති වන්නේ සිතේ මිසක් සිහියේ නෙවෙයි නේද ) මමත් එහෙම බොහෝ දේ තේරුම් අරන් තියෙනවා .

      [එක එක ගිනි ජාති වගේ. තෙලෙන් ඇතිවෙන ගින්නට ඒ ආකාරයක ගිනි නිවන ද්‍රව්‍ය අවශ්‍යයි. එයට වතුරෙන් ඇති වැඩක් නැහැ. ඒ වගේමයි ගෑස් ආකාරයේ හෝ විදුලියෙන් ඇතිවෙන ගින්නකට ඒ ඒ ආකාරයේ ගිනි නිවීම් ක්‍රම තියෙනවා. ඔක්කොටම එකම තෙල හරියන්නේ නැහැ.]

      ඔබ මේ කියන ආකාරයේ දේවල් වෙන් වෙන් වශයෙන් දකින හැකියාව කෙනෙකුට ලැබෙන්නේ ඔහු තමාගේ සිත දකින්න පුරුදු වුනොත් විතරයි .. ඔබ මොන ධර්මය ඉගෙන ගත්තත් , ඔබ කොතරම් මේවා ගැන දැනුවත් උනත් ඔබට මෙය දකින්න පුළුවන් වෙන්නේ ඔබ නිරන්තරයෙන් ඔබේ සිත දෙස සිහියෙන් යුතුව බලාසිටියොත් විතරයි කියලයි මම හිතන්නේ . සිත සහ සිහිය අතර වෙනස තේරුම් ගෙන ඒ සිහිය මේ පවතින ක්ෂණය තුල සිත දෙසට යොමු කර සිතේ සිදුවන ක්‍රියාව හඳුනා ගැනීම නේද විදර්ශනාව කියන්නේ

      මේ ගැන ඔබේ අදහස මොකක් ද ? අපි ඔක්කොම එක සැරේ පටලව ගන්නේ නැතුව ටික ටික මේවා තේරුම් ගන්න බලමු ..

      Delete
    61. අජිත් ,

      [නමුත් ඉංග්‍රීසියෙන් කියව බුදු දහම අවබෝධ කරගත් මිනිසුන් ලංකාවේ සිංහලෙන් කියවා අදහන හොඅ පාලි ගාථා ගිරවුන් සේ උච්චාරණය කරන සින්හල බොදුනුවන්ට වඩා හොඳයි කියා අත්දැකීමෙන් දන්නවා]

      මම අදහස් කරන්නෙත් මෙන්න මේ අවබෝධය ගැන . අපිට වගේ උපන්දා සිටම බුදු දහම නම් මේකයි කියල කන්ඩිෂන් කරවපු නැති අය හෝ කවමදාවත් බුදු දහම ගැන වචනයක් වත් අහපු නැති කෙනෙක් ඒ ධර්මය අහපු ගමන් එහි ඇති බොහෝ ගැඹුරු තැන් වඩා ඉක්මනින් පැහැදිලිව තේරුම් ගන්නවා. ඔවුන් බුදු දහම දකින්නේ නැවුම් විදියට. කවුරුවත් කියපු විදියට නෙවෙයි. මම හිතන්නේ වෙනස ඒකයි .

      අපිට බාලසුරිය මහත්මය මුණ ගැහුණු මුල් කාලේදී අපිටත් ඕනේ වුණා ඔය මලගිය අය ගැන දෙවියන් සහ භූතයින් ගැන විස්තර හොයන්න. අපිට විවිධාකාරයේ පුද්ගලයින් හමුවුනා . නමුත් අවසානයේදී බාලසුරිය මහත්තය අපිට තේරුම් කරලා දුන්න දෙයක් තමයි . ඔය දේවල් ඔප්පු කිරීම / නොකිරීමට කාලය වැය කරන එක අපරාදයක් කියල. මොකද අපි මේ ධර්ම මාර්ගයේ යනකොට අපේ ප්‍රඥාවේ වර්ධනයත් සමග ඔය දේවල් තේරෙන්න පටන් ගන්න ස්භාවයක් තියෙනවා. ඒක සමහරවිට දැනට උපකරණ වලින් මැන ගන්න බැරි වෙයි නමුත් කවදාහරි විද්‍යාවට පුළුවන් වෙයි .. නමුත් ඉතින් විනෝදාංශයක් වශයෙන් කරන එක නම් හොඳයි ..

      මම ඉස්සර පිස්සුවෙන් වගේ බාල ඩිජිටල් කැමරාවල වදින අර අමුතු ලප පස්සේ ගියා හෙහ් හෙහ් .. ෆොටෝ මහා ගොඩක් තිබුන ...


      [ඒ වගේම මිය යන විට ශරීරයේ විදුලි ශක්ති බලය (energy ) පුංචි අංශුවක් වශයෙන් අවකාශයට එකතුවී ආලෝකය මගින් එහෙ මෙහෙ යන බවත් එහි සියලු මතකන් ගැබ්වී ඇති බවත් හිතනව.]

      මෙන්න මේ කොටස නම් ඉතාම වැදගත් ...මම ඉගෙන ගෙන තියෙන දෙයක් තමයි මේ ජිවය ඇති වෙන්න මුලික වෙච්ච මහා ශක්තියක් මේ විශ්වයේ තියෙනවා. අපි ඒ ශක්තියෙන් පුංචි පුංචි කොටස් විදියට තමයි නිර්මාණය වෙලා තියෙන්නේ අවසානයේ සිදුවෙන්නේ අප තුල ඉතිරිවෙලා තියෙන ඒ පුංචි ශක්තිය අර මහා ශක්තිය සමග එකතු වීම වගේ දෙයක් කියල .. මේ දේවල් ගැන වාද කරන්න මම දන්නේ නෑ ... නමුත් ඔය සංකල්ප අලුත් මත නෙවෙයි බොහෝ කාලයක් තිස්සේ මිනිස්සු දැනගෙන හිටපු නමුත් සංවිධානාත්මක ආගම් විසින් මිනිසුන්ගෙන් වසන් කරපු දේවල් විදියට හිතන්න පුළුවන් ... ඔබගේ පරීක්ෂණ ගැන ලියන්න.



      Delete
    62. මෙන්න මේ දෙක බලන්නකෝ.
      http://www.mirror.co.uk/news/weird-news/mummified-200-year-old-monk-not-dead-5098795

      Delete
    63. http://earthweareone.com/scientists-have-found-that-memories-may-be-passed-down-through-generations-in-our-dna/
      නැවත නැවතත් ඉපදීම. බුදුන් කිවේ ඔබත් නොවේ වෙන අයෙකුත් නොවේ කියල. හරියටම ගැලපෙනවා. පැතුම් මම විනොදෙට වගේ තම paranormal ඒවා හොයන්නේ.

      Delete
    64. අපිට බාලසුරිය මහත්මය මුණ ගැහුණු මුල් කාලේදී අපිටත් ඕනේ වුණා ඔය මලගිය අය ගැන දෙවියන් සහ භූතයින් ගැන විස්තර හොයන්න. අපිට විවිධාකාරයේ පුද්ගලයින් හමුවුනා . නමුත් අවසානයේදී බාලසුරිය මහත්තය අපිට තේරුම් කරලා දුන්න දෙයක් තමයි . ඔය දේවල් ඔප්පු කිරීම / නොකිරීමට කාලය වැය කරන එක අපරාදයක් කියල. මොකද අපි මේ ධර්ම මාර්ගයේ යනකොට අපේ ප්‍රඥාවේ වර්ධනයත් සමග ඔය දේවල් තේරෙන්න පටන් ගන්න ස්භාවයක් තියෙනවා. ඒක සමහරවිට දැනට උපකරණ වලින් මැන ගන්න බැරි වෙයි නමුත් කවදාහරි විද්‍යාවට පුළුවන් වෙයි .. නමුත් ඉතින් විනෝදාංශයක් වශයෙන් කරන එක නම් හොඳයි ..

      මෙන්න මේ නිසයි ඔය වගේ දේවල් හොයන එක බුද්ධ දේශනාවේ හරයක් නැති දෙයක් කියල මම කීප පාරක්ම කිව්වේ. ඒ කාලේ මිනිස්සුත් කළා, අද වෙනකල් හොයාගත්ත දෙයක් ඇත්තෙම නැති තරම්.

      Delete
    65. @ Ajith: විද්‍යාව කියන්නේ හැම වෙලාම අලුත් දෙයක් සොයා ගන්නා දෙයක්.
      ගොඩක් වෙලාවට ඒ අලුතෙන් කරන සොයාගැනීම මෙතෙක් පිළිගත්ත කාරනා බොරුය කියලා ඔප්පු කරන දෙයක්.

      [නමුත් ඉංග්‍රීසියෙන් කියව බුදු දහම අවබෝධ කරගත් මිනිසුන් ලංකාවේ සිංහලෙන් කියවා අදහන හොඅ පාලි ගාථා ගිරවුන් සේ උච්චාරණය කරන සින්හල බොදුනුවන්ට වඩා හොඳයි කියා අත්දැකීමෙන් දන්නවා. ]
      මෙහිදී ඔබ කියන්න හදන දේ තමන්ගේ මවුබාසාව සහ චින්තන රටාව අනුව වෙනස් වෙනවා. ඔබට හමුවී ඇති බහුතරය නියම බෞද්ධයන් නොවන බව මට හිතෙනවා. ඔබ හිතන්න ඔබට 'ඔබ දන්නවා කියා හිතන' දෙයක් ගැන මම වෙනස් දෙයක් කියන්න හදනවා කියල. ඔබේ අදහස වෙනස් කරන්න මට අමාරුයි. මොකද ඔබ පුර්ව නිගමනයකට ආපු දේවල් එහෙම වෙනස් වෙන්නේ නැහැ. කවදාවත් අහපු නැති දෙයක් අහනකොට අවධානය සහ විමසුම වැඩියි. හේතුව ඒක වෙන්න ගොඩක් ඉඩ තියෙනවා. එය මිනිස් සිතේ ස්වභාවයක්. සමහරවිට ඔවුන්ගේ ආගමේ යමක් ඔබ පැහැදිලි කර දෙන්නට ගියා නම් එහි ප්‍රතිපල වෙනස් වෙන්නට ඉඩ තිබෙනවා.

      මම බණක් උනත් අහන්නේ මම ඊට කලින් එය අසා ඇති විදිය ගැන තියෙන ආකල්පය බිමින් තියලා. බුද්ධ ධර්මය කන්ඩිෂන් කරන්නේ නැහැ, නිර්මල ධර්මය අසා නැද්ද? මම කියන්නේ කාගේවත් 'අදහස්' නෙවෙයි. ධර්මය? ඒක කෙසේවත් නීතියක් හෝ රාමුවක් පනවන්නේ නැහැ. ආගමෙන් දඬුවම් නියම කරන්නේ වත්, සමාවක් ලබා දෙන්නේවත් නැහැ.

      [ඒ වගේම මිය යන විට ශරීරයේ විදුලි ශක්ති බලය (energy ) පුංචි අංශුවක් වශයෙන් අවකාශයට එකතුවී ආලෝකය මගින් එහෙ මෙහෙ යන බවත් එහි සියලු මතකන් ගැබ්වී ඇති බවත් හිතනව.]
      මෙය මම වයස අවුරුදු 17-18 කාලේ විස්වාස සහ තර්ක කල කාරණයක්. මම ෆිසික්ස් ඉගෙනගන්නකොට තදින් මෙය විස්වාස කළා. මෙය මිත්‍යා මතයක්. ඒ වගේ පෙනුනට ඇත්තටම එහෙම වෙන්නේ නැහැ.

      [බුදු දහමේ අන්තරභාවය කියන්නේ එය විය හැකියි කියත් සිතනවා.] පිරිසිඳු බුද්ධ ධර්මයේ අන්තරාභවය කියලා දෙයක් නැහැ. එවැන්නක් තිබ්බේ මහායාන ආගමේ සහ සමහර දේශකයාණන් වහන්සේලාගේ 'කතන්දර' වල. අභිධර්මයේ එවැන්නක් නැහැ. තිබේ නම් ඒ කොතැනද කියල දැනගන්න කැමතියි.

      Delete
    66. //ගොඩක් වෙලාවට ඒ අලුතෙන් කරන සොයාගැනීම මෙතෙක් පිළිගත්ත කාරනා බොරුය කියලා ඔප්පු කරන දෙයක්. // නැහැ හැම අවතාවේම නොවේ. ගල් දෙකක්‌ අතුල්ලා ගිනි අවුලුවන්නත් පුළුවන්. ගිනි පෙට්ටියකිනුත් පුළුවන්, ලයිටරෙකිනුත් පුළුවන්. අපි වඩාත් ලෙහෙසි වඩාත් පහසු වඩාත් විද්යාත්මකව හොඳ ක්‍රමය තෝරා ගණන්ව. අසනීප වුනහම විද්‍යාව වැරදියි පස්සේ හරි එකක් හොයා ගනී කියල ඔයා හොස්පිටල් යන්නේ නැතුව ඉන්නවද? physics වල හැම දේම බොරු වෙලා නැහැ. අප වඩාත් හොඳ සමීකරණ හා ස්වභාව ධර්මය වටහා ගන්න හා අපේ ජිවිතයට අවශ්‍ය දැනුම ලබා ගන්න එය භාවිතා කරනවා මිසක්. දැන් පරණ කොමියුටරය "වැරදි" නැහැ slow මිසක්. අලුත් එක ram මෙමරි එක වැඩි නිසා fast වැඩියි. මේවා ඔක්කොම විද්‍යාව යටතට වැටෙන්නේ. ඔබ හිතෙන නෙමේනේ මේ අදහස් මට දෙන්නේ. ටයිප් කරලනේ. අන්තරභාවය මහායානයේ හඳුන්වන්නේ බාඩෝ කියල. එක වැරදියි කියනන් ඔබේ එක නිර්මලය කියනන් ඔබට තිබෙන පදනම මොකක්ද? මට නම් එක හරි හෝ වැරදිය කියන්න බැහැ. ඔබත් කාගෙන් හරි අහල හෝ කොහේ හරි කියවපු එකෙක් නේ කියන්නේ. මෙන්න මේක බලන්නකෝ.
      And at the moment when a being sets this body aside and is not yet reborn in another body, what do you designate as its sustenance then?"

      "Vaccha, when a being sets this body aside and is not yet reborn in another body, I designate it as craving-sustained, for craving is its sustenance at that time."
      Kutuhalasala Sutta: With Vacchagotta
      http://www.accesstoinsight.org/tipitaka/sn/sn44/sn44.009.than.html

      Delete
    67. //[ඒ වගේම මිය යන විට ශරීරයේ විදුලි ශක්ති බලය (energy ) පුංචි අංශුවක් වශයෙන් අවකාශයට එකතුවී ආලෝකය මගින් එහෙ මෙහෙ යන බවත් එහි සියලු මතකන් ගැබ්වී ඇති බවත් හිතනව.]
      මෙය මම වයස අවුරුදු 17-18 කාලේ විස්වාස සහ තර්ක කල කාරණයක්. මම ෆිසික්ස් ඉගෙනගන්නකොට තදින් මෙය විස්වාස කළා. මෙය මිත්‍යා මතයක්// හරි ඔයා 17 -18 කාලේ විශ්වාස කලා. දැන් නැහැ. දැන් කියන්න බලන්න මේක අපි හිතන hypothesis එකක් විතරයිනේ. අපිඅට සාක්ෂි නැහැ ඕව කියන්න වත් නැහැ කියන්න වත්. ඔබට තිබෙන සාක්ෂි මොනවාද මෙහෙම වෙන්නේ නැහැ කියන්න. නිකන් ඔබට හිතුන පලියට එහෙම කියනන් බැහැනේ.

      Delete
    68. //බුදුවෙන්නේ පිරිමියෙක් පමණයි කියන එකට හේතු තිබෙනවා. එය නිකන් පිරිමියා උලුප්පන්න කියපු ටෝක් එකක් නෙවෙයි. ඊටත් එක 'සමාන වගේ' උනාට හින්දු ආගමේ කියන හේතුව නෙවෙයි බුද්ධ ධර්මයේ සඳහන් වෙන්නේ. එයට කෙලෙස් ගැන හදාරන්න. මෙතන කියන්න ගියොත් ඔබට පාලි පංතියක් පැවැත්වුවා වෙයි// මේක කතාවත් විකාර කතාවක්. අම්මා බුදු වේවා කියල අපි කියන්නේ නිකන් නොවේ. මව් පදවිය හුඟක් උසස් දෙයක්. මවක් නැත්නම් අපි උපදින්නේත් නැහැ. ඒ වේදනාව දරාගෙන ළමය ඉපදුනාට පස්සෙත් ගැහැනියක් මොන තරම් කැපවීමක් කරනවද? එහෙම කෙනෙකුට බුදු වෙන්න බහ කියන්නේ හින්දු ආගමේ පුරුශෝත්තමවාදය අරගෙන කියල තමා පේ න්නේ. ගැහැණු ලිංගික ආශාව වැඩි කරගෙන මිනිසුන් පොළඹවනවා ඒ නිසා බුදු වෙන්න සුදුසු නැහැ කියල කතාවකුත් අහල තිබෙනවා. භගවත් ගීතාවේ නම් පුරුෂය උඩට දමපු ඕවගේ කතා හරියට තිබෙනවා. මම නම් කියන්නේ බුදුන් සමනත්මටහ්වය දේශනා කල කියල. ගැහැණු පිරිමි භේදයක් නැතුව නිවන් යන්න පුලුවන්නම් කාන්තාවකට බුදු වෙන්නත් පුළුවන් වෙන්න ඕනේ. බුදු වෙන්න බැහැයි කියල බුදුන් වහන්සේ දේශනා කල කියල හිතන්න අමාරුයි.

      Delete
    69. මම හිතන්නේ අපි ඇත්තටම මේ කාලේදී ප්‍රමුඛතාවය දෙන්න ඕනේ මේ බුදු දහම අවබෝධ කරගැනීමටත් , එයින් ලැබිය හැකි උපරිම ඵලය නෙලා ගන්න කියල . මොකද ඔය තියෙන බොහෝ සංකල්ප වල හරි වැරදි සකච්චා කරන්න , ඒවා තේරුම් කරලා දෙන්න , ඒවා රැක ගන්න ඕනේ තරම් මිනිස්සු ඉන්නවා .. බොහොම සුළු ප්‍රමානයක් විතරයි නිකමට හරි මේක තේරුම් ගන්න හිතන්නේ .. එකෙනුත් අතලොස්සක් විතරයි සැබෑ උවමනාවෙන් ඒක තමුන්ගේ ජිචිතයට එකතු කරගන්නේ ... මොකද ධර්මය ගැන කියන්න හරි ලේසියි , උපදෙස් දෙන්න හරි ලේසියි හැබැයි ඒ කියන ධර්මය තමන්ගේ ඇතුලට දාල තමන් ගේ ඇතුලේ තියෙන කුණු දකින්න තරම් ශක්තිමත් , නිහතමානි මිනිස්සු සොයාගන්නත් නැති තරම් ...

      අපිට මේ ලැබිල තියෙන මේ අවස්ථාවෙන් මේ දේ තේරුම් අරගෙන අඩුම තරමේ පලවෙනි පියවර වත් තියා ගත්තේ නැත්නම් ඒක ලොකු අපරාදයක්.. සමහරවිට ආයේ අවස්ථාවක් නොලැබෙන්නත් ඉඩ තියෙනවා .

      අපි ඒ වැඩේ කරන්න පටන් ගන්න ඕනේ මේ දැන් මේ මොහොතේ ඉඳල.

      Delete
    70. කුරුං ගුරුංTuesday, March 03, 2015 12:24:00 PM

      අජිත්:

      *** බුදුන් වහන්සේ පිරිමියෙක් නිසා ඔහු කියන්න බැරි ඇයි ? ඉතින් මෙතැන මොකක්ද වැරැද්ද? ****

      මොනම හාමුදුරු නමකටවත් ඔහු කියන්නෙ නෑනෙ ආයිබෝං. සිංහලයෙක් වෙලා ඔය ටික දන්නැත්තං ඉඳල වැඩක් තියේ?

      ඇයි උන්නාන්සෙ කීව නං තමුන්නැහැගෙ තට්ටෙට හෙන ගහනවැයි?

      Delete
    71. දැන් අපි උපකල්පනය කරමු බුදුන් වහන්සේ මෙතන හිටිය කියල. (නිවන් දැකල නිසා එහෙම වෙන්න බැරි වුනත්) බුදුන් කියයිද - "අජිත් පුතා ", මෙහි එන්න පසෙකින් ඉඳ ගන්න. ඔබට බඩගිනි නම් මගේ පිඟානේ තියෙන අඹ කෑල්ල කන්න. මම ඔබට දහමක්, බණක් දෙසන්නම්. ඔබේ තියෙන ප්‍රශ්න අහන්න".
      නැත්නම් මෙහෙම කියයිද? -අජිත් තෝ මට ඔහු කිව්වා නේද මන් වගේ සිංහල බුදුන් කෙනෙකුට ? තොගේ තට්ටේට හෙන ගහල හතර අපායේ යන්න ඕනේ. මට වැඩිය ලොකු ලංකාවේ හාමුදුරුවෝ කියල කියා ගන්න බෙන්ස් කාර්වල යන දේශපාලකයන්ට වඳින මහා උත්තමයන්ට හෙම ඔහු කිව්වොත් බලාගෙනයි. තෝව මන් යවනව සුදු වෑන් එකේ. - එහෙම කියයිද?
      ---//දැන් කියන්න "බුදුන් කිව්වා " කියල කියනවද එහෙම තමුසේ සිංහලයෙක් නේද? කියලත්. දේශනා කලා කියල කියන්න බැරිද? - වගේ මොකක් හරි. ;)//
      --මෙහෙම එකක් පැහැදිලියි. දැන් පැතුම් , උපේක්ෂා සහ ඇනෝ මහතා ඔහෙට වඩා ඉහල ස්තරයක ඉන්නේ කියල.

      Delete
    72. කුරුං ගුරුංWednesday, March 04, 2015 12:39:00 PM

      හැබෑට බොගෙ මහ එකාට බැරි උනාද බොට යහගුණ ටිකක් කියා දෙන්ට

      Delete
    73. කුරුං ගුරුං , ඒක ඔය මහත්මයා ගේ මහා එකාගෙන් තමා අහන්න තියෙන්නේ. මගේ මහා එකා මට උගන්වලා තියන දේවල් ඇති. ඔහෙට පොඩ්ඩක් මොලේ කියල එකක් තිබුන නම් උඩ ඉඳන් කියෙව්වනම් තේරෙයි ක්‍රිෂ්ණමුර්ති ගැන හා බුදුන් ගැන කතා කරන ගමන් ඔහු කියල තැනක මට කියවී ඇති බව. උපේක්ෂ පෙන්නලා දුන්නම මම කිව්වා කිව්වේ නැහැ කියල මොකද මට මතකයක් තිබුනේ නැහැ. නමුත් ඇය පෙන්නලා දුන්න තැන. එතැනදී මම එයාගෙන් සමාව ඉල්ලුව එයාගේ හිත රිදුන නම්. නමුත් ඊට පස්සේ අපි he කියල බුදුන් ට හෝ ජේසුස් ට කියන නිසා ඔහු කියන එක වැරදිද කියල මට හිතුන. ඒක මෙතන මේ බුද්ධාගම ගැන කතා කරන දැන උගත් අය එක්ක සංවාදයක් / වාදයක් ගියා. ඒක එතනින් ඉවරයි. මම කොමෙන්ටුවක් මෙතන නොවේ වෙන තැනක වුනත් කරන කොට කාටවත් අපහාස කරලා කතා කරලා නැහැ. ඒක තමා මට මගේ මහාඑකා උගන්වලා තියෙන්නේ. දැන් මෙතන නියම බෞද්ධයා ඔබද මමද?

      Delete
    74. කුරුං ගුරුංWednesday, March 04, 2015 10:59:00 PM

      හාමුදුරුවන්ට කතා කරන්නෙ උන්නාන්සේ කියලවත් නොදන්න තෝ එනවනෙ නියම බෞද්ධකම ගැන කියාගන. තොගෙ මහ එකා මොන රෙද්ද ඉගැන්නුවත් ගරු කල යුත්තන්ට ගරු කරන්න නං උගන්නල නෑ කියල පේනව.

      Delete
    75. කුරුං ගුරුංWednesday, March 04, 2015 11:27:00 PM

      හාමුදුරුවන්ට වහන්සේ කියන්න බැරි තොපිට කට පුරා 'පාප් වහන්සේ' කියන්න නං පුලුවං.

      ඉංගිරිසියෙං he කිව්ව කියල සිංහලෙං ඔහු කිය එක සාදාරණයි කියන්නෙ, ඇයි තොට ලංකාවෙ අනික් උං වගෙ සිංහලෙං ගරු කරල කතා කොරන්න බැරි?

      දැං තෝ රෙන්නෙත් ඉංගිරිසියෙංද? හෝදන්නේ නැතුව පිහදානවද?

      Delete
    76. මම අදේවවාදියෙක්. හැංගිලා ලියන්නේ නැතුව මහත්මයා නමින් ලියන්න. අපි කතා කරමු. පෝප් ගැන මට කතා කරන්න දෙයක් නැහැ. ඔහුට පොන්ටිෆ් කියලත් කියනවා. පෝප් කියලත් කියනව. මෙතැන ගිය සංවාදයට හරියට කතා කරන්නවත් දන්නේ නැති ඔහේ බුද්ධාගමේද ? ඔය තරහ අඩු කර ගන්න. අධික රුධිර පීඩනය හැදේවි. මට කොච්ච්ර බැන්නත් බනින අයට මෛත්‍රි කරන්න කියල තමා මගේ මහා එකා උගන්නල තියෙන්න. ඔබේ නොදැනුවත් කම ගැන මට තරහ යන්නේ නැහැ. මෙතන පතුම් කීවා වගේ සම්මා සතියෙන් ඉන්න කෙනෙක් මම. වචන වලට තරහ ගන්නේ නැහැ. තව බනින්න. ප්‍රශ්නයක් නැහැ.

      Delete
    77. කුරුං ගුරුංThursday, March 05, 2015 12:47:00 AM

      මහ එකා හාමුදුරුවන්ට මෛත්‍රි කරන්න නං උගන්නල නෑ. තොපි උපන්තේකට දානයක්වත් දීල තියනවද?

      ආයෙ උපදිනව කියලවත් විස්වාස කරන්නැති තෝද මහලොකු බෞද්ධයා? සරල දෙයක්වත් පිලිගන්නැති තොද සම්මා සතියෙන් ඉන්න එකා? සම්මා සතිය මොකද්ද කියලවත් තෝ දන්නවද මහ ලොකුවට කියවන්න එන්නෙ.

      හැම දෙයක්ම දන්නව කියල හිතාගන ඉන්න තොගෙ මහ ලොකු ඔලු ගෙඩිය අඩු කර ගනින්. නැත්තං ඕක පුපුරල ලඟ පාත ඉන්න උන්ටත් වලකජ්ජ ගහන්න වෙයි.

      Delete
    78. හා හා මන් හිතන්නේ හාමුදුරුවනේ ඔයාට තමා ඔය ප්‍රශ්නය තියෙන්නේ. මට උගන්වල තියෙන්නේ ඔය නමින් හමුදුරුවකු වන ඔබට වඩා හොඳට. බුදු හාමුදුරුවෝ එක එක තැන් වලදී නින්ද එන තැන වලදී පවා කටයුතු කල හැටි දන්නවද? තව කෑ ගහන්න. ලියන්න. බනින්න. ලේ අපිරිසිදු වෙලා හාර්ට් එකටත් ප්‍රශ්න එයි. බුදු දහම ඕක නොවේ.

      Delete
    79. කුරුං ගුරුංThursday, March 05, 2015 2:47:00 AM

      බුදු දහම ගැන තෝ දන්න රෙද්ද මොකද්ද? තොට බැනල වැඩක් නෑ තමයි. තෝ හදන්න පුලුවං එකෙක් නෙමේ.

      තෝ නහින දෙහින කාලෙ පැත්තකට වෙලා ඉන්නැතුව එනවනෙ කහින්න.
      තව ලියපං බොරු බේගල්. තෝ ලියන එව්ව ඇත්ත කියල හිතන උනුත් ඉන්න එකනෙ පුදුමෙ.

      Delete
    80. ඔය කර්මය කියල එකක් තියෙනවනේ. ඉතින් ඒකේ විධිහට/ /නැත්තං ඕක පුපුරල ලඟ පාත ඉන්න උන්ටත් වලකජ්ජ ගහන්න වෙයි.//මෙහෙම ලියන කියන අයටම ඒක එහෙම වෙනවලු. මම නම් හතුරෙකුටවත් එහෙම දෙයක් පතන්නේ නැහැ. බුදු දහම ඉගෙන ගත්ත නිසා වෙන්න ඇති. මම ලියන එව්වා කවුරුවත් පිළිගන්න අවශ්‍ය නැහැ. ඒවා බොරු බේගල නම් ඒවා ගැන ලියන්න . ලියන්නේ නැතුව තරහෙන් කෑ ගහන්නේ එහෙම ලියන්න වත් අවබෝධයක් නැති නිසා, නොදත් කම නිසා. පිරිත් කට පාඩම් කරනවට වඩා ඔය අනුන්ට කියන රකින්න හදන දහම පිරි පදින්න. තරහ යන්න යන්න ඔබේ ආතතිය වැඩි වෙන එක විතරෙනේ වෙන්නේ. මනස තරහ නම් අන්ධකාර වලාකුලෙන් වැහෙනවා. හරි දේ වැරදි දේ පෙන්නේනේ නැහැ.

      Delete
    81. This comment has been removed by the author.

      Delete
    82. ඔබගේ තරහව නිවෙන්න මේ බුදු වදන් කියවන්න. Suppose some bandits catch one of you and sever his body limb from limb with a two-handed saw, and if he should feel angry thereby even at that moment, he is no follower of my teaching.

      — Kakacupama Sutta, Majjhima Nikaya 21

      Again:

      As a log from a pyre, burnt at both ends and fouled in the middle, serves neither for firewood in the village nor for timber in the forest, so is such a wrathful man.

      — Anguttara Nikaya II, 95

      Further, we may consider the Buddha's advice to be found in the Dhammapada:

      He abused me, he beat me, he defeated me, he robbed me of my property. Whosoever harbor such thoughts will never be able to still their enmity.

      Never indeed is hatred stilled by hatred; it will only be stilled by non-hatred — this is an eternal law.

      — Dhp., vv. 4-5

      Do not speak harshly to anyone. Those who are harshly spoken to might retaliate against you. Angry words hurt other's feelings, even blows may overtake you in return.

      — Dhp., v. 133

      Forbearance is the highest observance. Patience is the highest virtue. So the Buddhas say.

      — Dhp., v. 184

      Let a man remove his anger. Let him root out his pride. Let him overcome all fetters of passions. No sufferings overtake him who neither clings to mind-and-body nor claims anything of the world.

      — Dhp., v. 221

      Conquer anger by non-anger. Conquer evil by good. Conquer miserliness by liberality. Conquer a liar by truthfulness.

      — Dhp., v. 223

      Guard your mind against an outburst of wrong feelings. Keep your mind controlled. Renouncing evil thoughts, develop purity of mind.

      — Dhp., v. 233

      Delete
    83. කුරුං ගුරුංThursday, March 05, 2015 4:11:00 AM

      // මම නම් හතුරෙකුටවත් එහෙම දෙයක් පතන්නේ නැහැ. //

      මෙහෙම කීවෙ තෝ නෙමෙ නම් තොගෙ අවතාරෙ වෙන්න ඇති.

      "අධික රුධිර පීඩනය හැදේවි. ලේ අපිරිසිදු වෙලා හාර්ට් එකටත් ප්‍රශ්න එයි"

      // මෙහෙම ලියන කියන අයටම ඒක එහෙම වෙනවලු. //

      ඉතින් තොට වෙයි.

      තෝ ඉතින් සියල්ල දත් නෙ. තෝ හිතන්නේ අනික් උන් ඔක්කොම නොදත් උන් කියල. තොගෙ සියල්ල දත් කම, අවබෝදෙ එකෙන්ම පේනව.

      තෝ පිලිපදින්නැති බුදු වදන් අනුන්ට නොකිය හිටපන්. තෝ රෙන්නෙත් ඉංගිරිසියෙං තමා. ඒකෙ දෙකක් නෑ.

      පුලුවන් නං තොගෙ ඔය තට්ටෙ උඩ දුං ගහ ගහ තියා ඉන්න මල උලවු මාක්ස්වාදෙං උපහැරන අරං පෙන්නපං.

      Delete
    84. ඉහත කී බුදු වදන් පිලි පදින්නේ මම ද ඔබද කියා කියවන්නාට වැටහේවි. තරහෙන් පිළිතුරු දෙන අයට තමා රුධිර පීඩනය හැදෙන්නේ. ඔබට කීමට දෙයක් නැති අතර තරහෙන් කෑ ගැසීමට පමණක් දන්නා අයෙකි. මේ රටේ වඩාත් පැතිරෙන ආගම බුදු දහම වන අතර ඔවුන්ගේ අවබෝධය ඔබට වඩා උසස්ය. ඉන් සමහරෙක් නැවත ඉපදීම පිලි ගන්නා අතර සමහරෙක් පිලි ගන්නේ නැත. ඔවුන් ඒ ගැන සංයමයෙන් සංවාද කරති. නොදන්නා ය පොත් පත් රැගෙන කියා දෙති. ඒ මේ රටේ බුදු දහම පැතිරෙන අයුරුයි.මේ වාදය තව දුරටත් ගෙන යාමෙන් ඔබටත් මටත් පලක් නැති නිසා නවත්වමි. ඔබේ තරහව නැවත් වීමට ලීවත් ඔබේ ඇති නොහැකියාව මත ඔබ වෙනුවෙන් මම මේ වාදය නවත්වමි.

      Delete
    85. කුරුං ගුරුංThursday, March 05, 2015 2:28:00 PM

      අද පෝය හින්ද මම තොට මුකුත් කියන්නෑ. හිටපිය හෙට වෙනකං

      Delete
    86. කුරුං ගුරුංFriday, March 06, 2015 4:26:00 PM

      මට ඇති තරහක් නෑ බොල. මේ බසාවෙන් කිව්වෙ වචන වලින් රිදෙන එක තොට දැනෙන්න ඕන හින්ද.

      දැන් තෝ කියනවනෙ බුදු හාමුදුරුවන්ට ඔහු කියන එක අගෞරවයක් නෙමෙ කියල. එත් එක්ක තෝ කියනවනෙ මම කතා කරන්න දන්නෑ කියල. මටත් කියන්න පුලුවන් තොට 'තෝ' කියන එකෙ කිසි අගෞරවයක් නෑ ඒක අපේ පැරණි සිංහල බාසාව කියල. තොට තෝ කියනවට කැමති නෑ වගෙ අපිත් කැමති නෑ බුදු හාමුදුරුවන්ට ඔහු කියනවට. ඒක සාපෙක්ශයි.

      ඔය ටික තෝ පිලිගන්නැත්තෙ තොගෙ තියන උද්දච්ච කම හන්ද. කවුරුත් කියන වහන්සෙ කියන එක වචනෙ කියගන්න බැරි තරමට තොට දිව නමා ගන්න බැරි තොගෙ ඔලුගෙඩිය අහංකාරෙන් මාන්නෙන් ඉදිමිල තියන බර හින්ද. තොට තරං අහංකාරකමක් ඔබාමට වත් නැතුව ඇති. යකෝ ඉහ නික පැහිච්ච් පලියට රට රාජ්ජ්වල හිටි පලියට තෝ ලොකෙට මුදුන වෙනවද? තෝ නොදන්න එව්ව නැද්ද? ඔන මිනිහෙක් දන්න දෙට වඩා තියෙන්නෙ නොදන්න දෙ නෙමෙද? දන්න එකක් ලියන්නැතුව නොදන්න මගුල් ගැන් වාද කරන්නෙ තොට වෙන වැඩක් නැද්ද?

      අනික් උන්දල හොඳ වචනෙන් කියල තොට තේරුං කොරන්න බැරි උන හින්ද තමා මෙහෙම කොරන්න උනෙ. තාත්ත මතක් කොලෙත් තොට තොගෙ තාත්ත ලොකුයි වගෙ අපිට අපෙ බුදු හාමුදුරුවො ලොකුයි අගෞරව කරනවට කැමති නෑ කියන එක පෙන්නන්න. එතකොටවත් තොට තේරුං යාවිද බලන්න. තෝ අනුන්ගෙ අදහස් වලට ගරු කොරන්න ඉගන ගත්ත නං මෙහෙම් වාද කොරන්න ඕනැන්නෙ නෑ. රෙද්ද.

      Delete
  15. නිසල විල සැහෙන්න හොඳයි. සිහිය පවත්වා ගැනීම ගැන තව පොතක් මන් කියවලා තිබෙනවා. මේවාවල අප්ලෝඩ් කරන්න පුලුවන්නම් දාන්න පුළුවන්. පුජ්‍ය අජාන් චා ගේ පොත් මගේ බිරිඳත් හරියට කියවනවා. ඇය බුද්ධාගමට පැමිණියේ අමරාවතී පන්සලෙන් නොමිලයේ බෙදන ඒ පොත් කියවලයි.

    ReplyDelete
    Replies
    1. මමත් අචාන් චා හිමියන්ගේ පොත් ගොඩක් බලල තියෙනවා . ඒවගේම අජාන් බ්‍රහ්ම හාමුදුරුවන්ගේ දේශනා වලත් සැහෙන දේවල් තියෙනවා . තව thich nhat hanh හිමියන්ගේ දේශනා වලත් ධර්මය ගැන ගැඹුරින් සහ වෙනත් මානයන්ගේ දෙසු කරුණු ඇතුලත් වෙනවා .

      Delete
  16. The Power of Now - by Eckhart Tolle pdf එක තිබෙනවා.

    ReplyDelete
    Replies
    1. ස්තුතියි අජිත් ඒ වගේ පොතක් නම් සල්ලි දීල අරන් බැලුවට පාඩු නෑ කියලයි මම හිතන්නේ .. :)

      Delete
    2. ajith:

      //ගැහැණු පිරිමි භේදයක් නැතුව නිවන් යන්න පුලුවන්නම් කාන්තාවකට බුදු වෙන්නත් පුළුවන් වෙන්න ඕනේ.

      අම්ම මුත්ත කාලෙවත් අහපු කතාද යකො මේව?

      ඕව නිදහස් මත නෙමේ යකෝ බටහිර ස්ත්‍රීවාදී මත. තෝ ඉතින් සුද්දියක් බැඳගෙන ඒ ගෑනිගෙ පදේට නටපිය.

      Delete
    3. ඇනෝ , එක එක අය මේ දේවල් තේරුම් ගන්න විදිය වෙනස් නිසා ඇතිවෙන සුළු සුළු ගැටළු වැඩිදුර ඇදගෙන යන එක තේරුමක් නෑනේ .. අනිත් එක ඒවා මුවාවෙන් කෙනෙකුගේ පෞද්ගලික දේවල් ගැන කතා කරන එකත් තේරුමක් නෑ නේද ?

      ඇනෝට පුළුවන් ඔය අජිත් කියල තියෙන දේ වැරදි නම් ඒක වැරදි කියන එක පැහැදිලි කරලා දෙන්න . මොකට නිකන් වලි දාගන්නවද :)

      Delete
    4. මගේ බිරිඳ කියන ඒවා අහල කරනවා කියන එක ගැන නම් කියන්න තියෙන්නේ මගේ බිරිඳ මම නිසා බුද්ධාගම කියවා බුදු දහම වැළඳ ගත් බවයි. මගේ පදේට නටන්නේ නැතුව තමන්ගේ අවබෝධයෙන්මයි ඒ ආවෙ. මේ මතය මගේ තිබුනේ දහම් පාසැල් යන කාලේ පටන්.

      Delete
  17. කුරුං ගුරුංTuesday, March 03, 2015 4:04:00 PM

    මේ... නොදන්න කොමට අහන්නෙ. ඇණලයිස් කොරනවා කියන්නෙ ඇණයක් කොරනවා කියන එකද?

    ReplyDelete
    Replies
    1. කුරුං ගුරුං ,
      මෙන්න මේකට ගිහින් බලන්න තේරුම් ගන්න පුළුවන් වෙයි

      http://maduraonline.com/?find=analyse+

      Delete
  18. මේ ගොල්ලො සුධර්මා නම් දිව්ය සභාවෙ වගෙ. හරි සතුටෙන් අහම්බෙන් ගොඩ වෙලා මේ පෑතුම්ගෙ බ්ලොග් කතාව කියෙව්වෙ. කුරුං ගුරුං qනං ඔය ගොල්ලන් ව'ටෙස්ට්' එකකට දාල වගෙයි. ගනං ගන්න එපා. මට පේන හෑටියට සිංහල බෞද්ධ කමේ ඉඳල බෞද්ධ සිංහල කමට ගිහිං ඔය අම්බලං ඔක්කොගෙන්ම නිදහස් වෙන්න වෙනව අපිට. ඒකට මේ සාකච්ඡාව යන පිළිවෙල හොඳා වගෙ. මං නං ටිකක් වයසක පහේ හාමුදුරු නමක්.
    ඒ දවස්වල මං ආනන්ද මෛත්‍රෙය මහනාහිමියන්ගෙන් ඈහුව ක්‍රිෂ්ණ් මූර්ති තුමන් ගෑන. උන්වහන්සෙ දීපු පිළිතුර තවමත් මට මතක් වෙනව. "ක්‍රිෂ්ණ මූර්ති තුමාගෙ ඉගෑන්වීම් සතිපට්ඨාන සුත්තරේ චිත්තානුපස්සනාවට හොඳ අටුවාවක්" කියල.

    ReplyDelete
    Replies
    1. ඔබ වහන්සේට ඉතාම ස්තුතියි. ඔබ වහන්සේ ගේ ධර්ම දේශනාවක් යුටියුබ් එකේ දැකල මමත් බෙදා ගත්ත. ඔබ වහන්සේලා වගේ බුද්ධ පුත්‍ර වරු ඉන්නකම් බුද්ධාගම රැකිලා තියේවි.

      Delete
    2. මම ඔෆිස් එකෙන් එන්න හදනකොට තමයි හාමුදුරුවන්ගේ මේ කොමෙන්ට් එක දැක්කේ. ඒ වෙලාවේ මොකුත් ලියන්න විදියක් තිබුනේ නෑ.

      ඔබ වහන්සේ මේ සටහන කියවීම ම මට මහත් සතුටක් ගෙන දුන්නා. ඒ වගේම අපි කතා බහ කල දේවල් අගය කිරීම ගැනත් බොහොම සතුටුයි. ඒ වගේම බොහොම ස්තුතියි.

      මම මේ පිළිතුර ලියන්න කලින් ඔබ වහන්සේගේ මෙන්න මේ වීඩියෝ එක බැලුවා.

      https://www.youtube.com/watch?v=iOj0uvSUizI

      මට හිතුනා සාම්ප්‍රදායික නොවන ලෙස ධර්මය සහ මනුෂ්‍යත්වය තේරුම් ගත්ත ඒ ගැන කතා කරන ඔබ වහන්සේ මේ බ්ලොග් ලෝකය ට යම් දෙයක් එකතු කරනවා නම් ගොඩක් වැදගත් කියල. දැනටමත් එහෙම සටහන් තියෙනවද කියල දන්නේ නෑ.

      එසේම මම ආරාධනා කරනවා හැකිනම් මම මෙහි සඳහන් කරපු බාලසුරිය මහතාගේ වීඩියෝ කිහිපයක් නරඹන ලෙස.

      Delete
    3. "සුධර්මා නම් දිව්ය සභාවෙ වගෙ" මේ වාද විවාද සංවාද කියවමින් ඊට වසඟව සිටින අතර ඔබ වහන්සෙගේ උපමාව දැකීමෙන් මහත් සතුටක් ලැබුවා.

      Delete

  19. පින්! ඒ අනගි දහම් පණිවුඩය අපේ ගල්කන්දෙ ධම්මානන්ද හාමුදුරුවන්ගෙ. උන්වහන්සෙගෙ බණට කෙනෙක් දක්වපු අදහසකට මම් මගේ අදහසක් ප්‍රකාශ කලා.

    මං ඔබේ 'බ්ලොග් ලින්ක් එක' ගල්කන්දෙ ධම්මානන්ද හාමුදුරුවන් වෙතටත් යෑව්වා. තෙරුවන් සරණයි'

    ReplyDelete
    Replies
    1. ඔබ වහන්සේට බොහොම ස්තුතියි.

      Delete
  20. පින්වත් පැතුම්,
    මම බ්ලොග් එක කියෙව්වා. ටිකක් දිගයි.
    මට වෙලාව සීමිත නිසා, මම පසුගිය අවුරුදු 25ක විතර ඉදල ඉගෙන ගත්ත, ප්රායෝගිකව පුරුදුකරමින් සිටින, බුදුරජානන් වහන්සේගේ පිරිසිදු ධර්මයට අනුව කලයුතු දේ පැහැදිලි කරන්න බලන්නම්..

    1.අපේ තිබුන යම් පින් ප්රමානයකට අනුව තම්යි මේ විදියට. ප්රඥ්ඥාවන්තයන් අඩුකලක, මේ ධර්මය මුන ගැසුනේ.
    2. අදත් අපිට ඒ පිරිසිදු ධර්මයේ ප්රයොගිකත්වයේ ඉහලම අවස්තාව වන උතුම් අරහත්වයට පත්වීමට පුලුවන්. ඒක තීරනය වන්නේ සුදුසු අවයාජ කලන මිතුරන් ඇසුරත්, තමන්ගේ ප්රඥ්ඥා මට්ටමත්, වීරියත් අනුව තමයි.
    3. බුදුරජානන් වහන්සේගේ පිරිසිදු ධර්මය අද අපිට තේරෙන සින්හල භාශාවෙන් ඉගෙන ගන්න පුලුවන්. ඒකයි ඉතාම වැදගත් දේ.
    4. ඔයා කියලා තිබ්බා...
    බුදු හාමුදුරුවෝ කියල තියෙන්නේ කවුරු කිව්වත් පිළිගන්න එපා, තමන් විසින් සොයා බලල තේරුම් ගන්න කියල.
    මේ කොටස, බහුතරයක් බෞද්ධ අය පටලවා ගෙනයි ඉන්නෙ. බුදුරජානන් වහන්සේ පවසා තියෙන්නේ, කවුරු උනත් කියන බන, ධර්මයත්, විනයත් එක්ක සසදලා බලලා, එයට ගැලපෙනවනම් පමනක් මතක තියගෙන පුරුදු කරන්න කියලා. නැත්නම් තමන්ට ඕනෑ විදියට පුරුදු කරන්න කියලා කියන එක නෙමෙයි එකේ තේරුම.
    5. අපේ නායකයා, අපේ මග පෙන්නන්නා, අපේ සාස්තුරුන් වහන්සේ තමයි බුදුරජානන් වහන්සේ. ඉතින් අපිට කරන්න තියන්නේ, ඒ කියපු විදියට අවයාජ කලන මිතුරන් ඇසුරේ ඒ දේශනා කරන ලද ධර්මය (තිරිපිටකයේ තියෙන පරිදි ) අහල, මතක තියාගෙන, වචනයෙන් පුරුදුකරල, නුවනින් හිතලා, දෘස්ටිය පිරිසිදුකරගන්න එකයි. ඒ කියන්නේ යතාභුත ඥානය ඇතිකර ගන්න එකයි. ආර්ය සත්ත්ය - දුක තේරුම්ගන්න/ අවබෝධ කරන එකයි. දුකට හේතුව ප්රාහනය කරන එකයි. දුක නැතිවීම සාක්සාත්කරන් එකයි. දුක නැතිවෙන මග පුරුදුකරන එකයි.
    ඉතින් අපේ සාස්තුරුන් වහන්සේ සියලු දේ හොයාගෙන අපිට තේරෙන බාසාවෙන් සියල්ල කියල දීල තියන නිසා (ස්වාක්කාත ) අපිට වෙන මහන්සිවෙලා හොයන්න දෙයක් නැහැ. අපි අපේ දෙයක් හොයන්න යන්වා කියන්නේ, අපට සාස්තුරුන් වහන්සේ නමක් අවශ්ය නෑ කියන එකයි. එතකොට අපි බෞද්ධ කියන්න බැහැ. වෙන දෙයක්.

    ReplyDelete
  21. බුදුන් වහන්සේ ඇත්තටම අවබෝධ කලේ කුමක්ද? උන් වහන්සේ අපිට කුමක් අවබෝධ කිරීම පිණිස කොයි ආකාරයෙන් වීර්ය කරන්න පැවසුවාද?

    මේ සමාජයේ හුඟක් දෙනා ධර්මය කියල හිතාගෙන ඉන්නේ වෙනින් වෙනින් දේවල්. බුදුන් වහන්සේ ඇත්තටම අවබෝධ කලේ කුමක්ද? උන් වහන්සේ අපිට කුමක් අවබෝධ කිරීම පිණිස කොයි ආකාරයෙන් වීර්ය කරන්න පැවසුවාද? එකල සමාජයේ තිබු වැරදි පිළිවෙත් අදත් සමහරුන්ගේ ඔළුවල මුල් බැසගෙන තියෙනවා. බුදුන් වහන්සේ පැවසු දේ පවා කණපිට හරවාගෙන වාද කරන්න එනවා.

    බුදු කෙනෙක් ලෝකෙට පහල වෙන්නේ කාරනා 4 ක් මතුකරලා පෙන්නන්නයි. උන් වහන්සේ ස්වකිය ඥානයෙන් වීර්යයෙන් අවබෝධ කරගෙන ලෝකෙට දේශනා කරන්නේ මේ කාරණා 4 ගැනයි. ඒ තමයි චතුරාර්ය සත්ය. උන් වහන්සේ තමයි ඉස්සෙල්ලම මේ කාරනා 4 ගැන අවබෝධ කරගන්නේ. ඊට පස්සේ ඒක ලෝකෙට දේශනා කරනවා. දේශනාව අවබෝධ කල පිරිස උන් වහන්සේ සාක්ෂාත් කරපු නිර්වාණය සාක්ෂාත් කරනවා. නිර්වාණය කියන්නේ සසර දුකින් පරිපුර්ණ වශයෙන් මිදීමයි. නිර්වාණය අවබෝධය පුර්ණත්වයට පත්වෙන්නේ අරහත් ඵලය සාක්ෂාත් කිරීමෙනුයි. එය තමයි කෙලවර ඵලය.

    අරහත් ඵලයට පත්වීමේදී සත්වයාගේ සිතේ හටගන්නා සංයෝජන ධර්ම 10 ම පරිපුර්ණ වශයෙන් ප්රහාණය වෙනවා.

    සංයෝජන කියල කියන්නේ අපිව සංසාරෙට ගැට ගැහිලා තියෙන ශක්තිමත් වරපටවල් 10 ක්.

    එනම්;

    1. සක්කාය දිට්ටිය
    2. විචිකිච්චාව
    3. සීලබ්බතපරාමාස
    4. කාමරාග
    5. පටිඝ
    6. රූපරාග
    7. අරූපරාග
    8. මාන
    9. උද්ධච්ච
    10. අවිජ්ජා

    සංයෝජන ධර්ම ප්රහාණය කරන වැඩ පිළිවෙල තමයි ආර්ය අෂ්ටාංගික මාර්ගය. ඒක අයිති වෙන්නේ චතුරාර්ය සත්යයේ 4 වෙනි සත්යයට. ඒ කියන්නේ මාර්ග සත්යට. සංයෝජන සියල්ල ප්රහාණය වෙනතුරු සසර දුකින් මිදීමක් නෑ.

    එහෙනම් මොනවද මේ පංච අභිඥා, අෂ්ට සමාපත්ති?

    පංච අභිඥා(ඉද්ධිවිධ ඥානය, දිබ්බසෝත ඥානය, පරචිත්තවිජානන ඥානය, පුබ්බේනිවාසානුස්සති ඥානය හා දිබ්බචක්ඛු ඥානය), අෂ්ට සමාපත්ති යනාදී දේවල් ලෞකික ධ්යාන වශයෙනුයි බුදුන් වහන්සේ හඳුන්වා දී තිබෙන්නේ. ඒවා පසුපස හඹා නොයන ලෙස උන් වහන්සේ ශ්රාවකයන්ට දේශනා කළා. එහෙම දේශනා කලේ ඒවායින් සසර දුකින් නිදහස් වීමට නොහැකි බව උන් වහන්සේ ප්රත්යක්ෂ කරපු නිසයි.
    අෂ්ට සමාපත්ති කියල කියන්නේ රූපාවචර ධ්යාන 4 සහ අරුපවචර ධ්යාන 4.

    ඒ කියන්නේ;
    1 වන ධ්යානය , 2 වන ධ්යානය , 3 වන ධ්යානය , 4 වන ධ්යානය , ආකාසඥ්ඥායතනය, විඥ්ඥානඥ්ඥායතනය , ආකින්චඥ්ඥායතනය , නේවසඥ්ඥානාසඥ්ඥායතනය යි

    උන්වහන්සේ බුද්ධත්වය අවබෝධ කිරීමට පෙර එකල තවුසන් අතර පංච අභිකඥ ලාභින් සහ අෂ්ට සමාපත්ති ලාභින් සිටිය. සිදුහත් තව්සත් ඔවුන්ගේ මග යමින් ඉතා කෙටි කලකින්ම ඒ සියලු හැකියාවන් වර්ධනය කරගත්තා. එනමුත් උන්වන්සේට වැටහුනා ඒ ධ්යාන සමාපත්ති වලින් කෙරෙන්නේ දුක වහගෙන ඉන්න එක විතරයි කියන කාරණය. දුක යට කරගෙන ඉන්නවා කියන්නේ දුකින් මිදුන කියන එක නෙමේ. හරියට රබර් බෝලයක් වතුර යට බලෙන් තෙරපාගෙන ඉන්නවා වගෙයි. තෙරපුම ඉවත් කරපු ගමන් රබර් බොලේ උඩට මතුවෙනවා වගේ , ඔය ධ්යාන පිරිහුණු ගමන් ආපහු සසර දුකට වැටෙනවා. සසරින් මිදීමක් නෑ.

    සසර දුකින් නිදිහස් වීම පිණිස අවබෝධ කලයුතු චතුරාර්ය සත්ත්ය අවබෝධ නොකිරීම නිසා පංච අභිඥා, අෂ්ට සමාපත්ති ආදී ධ්යාන වැඩුවත් සසර දුකින් නිදහස් වෙන්න බැරි බව බුදුන් වහන්සේ දේශනා කලා. පංච අභිඥා, අෂ්ට සමාපත්ති ආදිය වැඩුවත් සංයෝජන ධර්ම ප්රහාණය නොවන බවයි උන් වහන්සේ පෙන්නුවේ. එක නිසා උන් වහන්සේ හැම වෙලාවේම අනුග්රහ කලේ සංයෝජන ධර්ම ප්රහාණය කිරීමේ වැඩපිලිවෙලටයි. එනම් ආර්ය අෂ්ටාංගික මාර්ගයයි. ආර්ය අෂ්ටාංගික මාර්ගය වඩන කෙනා තමයි සෝවාන්, සකදාගාමී, අනාගාමි, අරහත් යන සතර මග සතර ඵලයට පැමිණෙන්නේ. පංච අභිඥා, අෂ්ට සමාපත්ති ආදී ධ්යාන සෝවාන් ඵලයෙන් කෝටියෙන් පංගුවක් තරම් වත් වටින්නේ නැතිබව බුදු හිමියන් දේශනා කලා.

    ආර්ය අෂ්ටාංගික මාර්ගය වඩන බුද්ධ ශ්රවකයෙකුටත් සිතේ සමාධිය දියුණු කිරීමෙන් පංච අභිඥා, අෂ්ට සමාපත්ති ආදිය ඇතිකර ගැනීමේ හැකියාව තියෙනවා. නමුත් බුදුන් වහන්සේ දේශනා කෙළේ ඒ දේවල් වල සිරවී නොසිට සසර දුකින් නිදහස් වීම හෙවත් රහත් ඵලය සාක්ෂාත් කරගන්න ලෙසයි.

    සමහර රහතන් වහන්සේලා ඉන්නවා පංච අභිඥා, අෂ්ට සමාපත්ති ආදී හැකියාවන් සහිතව. මුගලන් මහරහතන් වහන්සේ ඉර්ධිමතුන් අතර අග්ර ස්ථානයට පත් උනා. නමුත් වඩා වැදගත් කාරණය වන්නේ රහත් ඵලය සාක්ෂාත් කිරීමයි. පංච අභිඥා, අෂ්ට සමාපත්ති ආදිය තිබිලත් සසර දුකින් මිදෙන්න බැරිවෙලා ආනන්තරිය පාප කාර්ම කරගත්තු දෙව්දත් වගේ උන්නාන්සෙලත් ඒකාලෙත් හිටියනේ.

    මේවයින් අපි වටහාගන්න ඕනි කාරණය තමයි, අවබෝධ කලයුතු චතුරාර්ය සත්ත්ය අවබෝධ කිරීම පිණිස වහ වහා උත්සාහවත් වියයුතු බව. පෙර පිනකට ලැබුන මේ මනුස්ස ජිවිතේ නැතිවෙන්න කලින් අනවශ්ය වාද විවාද, මතිමතාන්තර වල හිරවෙලා ඉන්නේ නැතිව, මිත්යා දෘෂ්ටි අදහස් හැකි ඉක්මනින් ඉවත් කරගෙන තෙරුවන් සරණ ගොස් බුද්ධ වචනයේ හික්මෙන පිරිසක් බවට පත්වෙන්න වග බලාගැනීම තම තමන් සතු කාර්යක්.


    Kumara Edirisinghe

    ReplyDelete
  22. මේ ජීවිතය / ශරීරය ගැන හරි අවබෝධයක් නැතිතැනත්තාගේ

    දෛනික අවශ්යතාවය තමයි, මේ ඇස, කන, නාසය,දිව, කය ඔස්සේ මේ සිත සතුටු කරවන්න මහත් වෙහෙසක් ගන්න එක.
    මේක තමයි රාගය කියන්නේ.

    ඉතින් මෙහෙම සිත සතුටු කරවන්න හදනකොට, ඒකටබාදා එනකොට, තමන් කැමැති විදියට නොවෙනකොට, ගැටීම් ඇතිවෙනවා, එතකොට තමයි ද්වේශයඇතිවෙන්නේ.

    එහෙම නැත්නම්, මේ සිතෙන් ඇතිකරවන විපරීත හඳුනා ගැනීම නිසා, නිත්ය, සුඛ, ආත්ම වශයෙන්මුලාවෙලා(මෝහය) මම, මගේ යන හැගීමෙන් යුතුවඇස, කන, නාසය, දිව, කය, මනස පරිහරනය කරනවා.
    ඇත්තටම සතුටුවෙන්න කියලා මේ ගත කරපු මේ කාලයේ
    මොකද වුනේ ? නැවත ඉපදීමට, මේ මුලු මහත් දුකම නැවත ඇතිවීමට නරක කර්ම රැස්කිරීමයි...
    ඇත්තටම මේ සිත නියම සැපය උපදවන විදිය දන්නෙ නැති නිසා, ප්රිය දේවල් සිහි කර කර නොමග යනවා. වල් සතෙක් වගේ. මොහොතින් මොහොත අනිතය වෙලා යන සැප ඔස්සේ ලුහු බදින එක ඉවරයක් නැහැ.


    මේ තාවකාලික සැප ඔස්සේ දුවනවා. අසුභදේ සුභ විදියට බල බල තියන පුරුද්ද සන්සාරයේ කල්ප ගනන්, ආත්ම ගානක් කරගෙන ආනිසයි අපිට මේ ඇස, කන, නාසය, දිව, කය, මනස පිනවන එකෙන් ගැලවෙන්න අමාරු.


    අපේ විපරීත සඥ්ඥා නිසා, දුක් දේ සැප විදියටදැකල, තමනුත් ලෙඩ වෙන, මැරෙන ස්වභාවයෙන්ඉදගෙන ඒ ස්වභාවයට අයිති දෙවල් වෙනුවෙන්ජීවිතකාලයම තුලම වෙහෙසෙනවා.. සංසාරය පුරාවටමවෙහෙසෙනවා..
    ඒ බුදුරජානන් වහන්සේගේ පිරිසිදු ධර්මයට අනුව මේ ජීවිතය ගැන හරි අවබෝධයක් ලබා ගෙන, ඉතා හොද වීරියකින්, අවයාජ කලන මිතුරන් ඇසුරේ දිවි දෙවෙනි කොට, ප්රායෝගිකව ධර්මය පුහුනු කිරීමකින් තොරවනම් මෙයින් ගැලවීමක් නැහ.
    අසුභ භාවනාව හොදට පුරුදු කරල, අසුභ දෙය දෙස, සුභ විදිහට දකින විපරීත සංඥ්ඥාව නැතිකර ගන්නවා.

    අනිත්‍ය භාවනාව හොදට පුරුදු කරල, අනිත්‍ය දෙය දෙස, නිත්‍ය විදිහට දකින විපරීත සංඥ්ඥාව නැතිකර ගන්නවා.

    අනාත්ම භාවනාව හොදට පුරුදු කරල, අනාත්ම දෙය දෙස, ආත්ම විදිහට දකින විපරීත සංඥ්ඥාව නැතිකර ගන්නවා.

    ආහාරයේ පිළිකුල් භාවනාව හොදට පුරුදු කරල,

    රස තෘස්නාව නැති කර ගන්නවා..

    මරණ සතිය භාවනාව හොදට පුරුදු කරනකොට අප්‍රමාදී වෙනවා.. නිවන් මගේ බැසගෙන, දිවි දෙවැනිකොට ධර්මය පුරුදු කරනවා.

    එතකොට නැවත ඉපදීමට හේතුවෙන කර්ම රැස් වෙන්නේ නැහැ.

    ----------------------------


    ඉතින් සෑම මොහොතකම, තම, තමන් ධර්ම මාර්ගයේ ඉන්න තැන නුවනින් සෝදිසි කරන්න ඕනෑ.

    එතකොට අපි සතර අපායෙන් සම්පුර්නයෙන් නිදහස්වෙලා නැත්නම්, අපි තවම ඉන්නේ මහ අනතුරක. මේ ජීවිතයේ කොතරම බෞතික සම්පත් තිබුනත් එයින් අපිව සතර අපායෙන් මුදවන්න බැහැ.
    අපි හොදට මතක තියාගන්න ඕනෑ, කොතරම් පින් කර කර හිටියත්,සෝතාපන්න වෙනකම්, පලමු සංයොජන ධර්ම තුන දුරුවෙනකම්,සතර අපායෙන් මිදුනේ නැති භව, නිවන් මගට පරිපුර්න වශයෙන් බැසගත්තෙ නැති බව..
    ------------
    සෝතාපන්න ඵලයට පත්වු ශ්‍රාවකයා...
    - තෙරුවන් කෙරෙහි අචල ප්‍රසාදය තිබෙනවා
    - ආර්ය්‍ය කාන්ත සීලය ප්‍රගුන කරනවා
    - චතුරාර්ය සත්‍යය පිලිබදව සත්‍ය ඥාන ඇතිවෙනවා..
    - ආර්ය්‍ය අශ්ඨාංගික(සෝත ආපන්න) මාර්ගයට පැමින ප්‍රගුන කරනවා. නිවන් මගේ ආපසු හැරීමක් නැහැ.
    - පලමු සංයෝජන ධර්ම තුන සක්කාය දිට්ඨිය, විචිකිච්චා,
    සීලබ්බත පරාමාස දුරුවු කෙනා
    - සතර අපායට මග පෑදෙන හය වර්ගයක කර්ම නොකරන කෙනා
    ( නියත මිත්යා දෘශ්ටිය සහ
    ආනන්තරීය පාපකර්ම (මව මැරීම, පියා මැරීම, රහතුන් මැරීම, දුෂ්ට සිතින් බුදුරජාණන් වහන්සේගේ ලේ සෙලවීම හා සංඝභේදය.)


    - සතර අපායෙන් මිදුන ශ්‍රාවකයා
    .....
    - වැඩිම, භව හතකට සංසාර ගමන සීමා කර
    නිවන් අවබෝධ කරන ශ්‍රාවකයා
    .......


    අපි කොහොමොද දන්නේ, අපේ ඇස්පෙනීම, කන් ඇසීම, කොයි මොහොතේ නවතීද කියලා.. අපේ ජීවිතය කොයි මොහොතේ නවතීද කියලා..

    අවයාජ බෞද්ධ (නාම මාත්‍රික නොවන ), බුදු රජානන් වහන්සේ යම් තරමකින් හෝ විශ්වාශ කරන්, හිතන්න පුලුවන්, නුවන තියන, සතර අපායේ භය දකින මිනිසුන්, අදම, අදම උත්සාහ කරයි. හිස ගිනි ගත් මිනිසෙකු, ඒ ගින්න නිවන්න යනවාට වඩා වේගයෙන්..


    ...............................




    "
    හරි ඉක්මනට මේ රෑ දවල් ගෙවිල යනව,
    ජීවිතේ අවසන් වෙන්නෙ හරිම වේගයෙන්,
    උපන් සත්වයින්ගෙ ආයුෂ ගෙවිල යන්නෙ
    පුන්චි දොලපාරක ගලන වතුර ටිකක් වගෙයි
    .."


    .......භේරඤ්ඤකානි නම් රහත් මුනිදුන්.......


    තෙරුවන් සරණයි!

    Kumara

    ReplyDelete
    Replies
    1. හිතවත් කුමාර මහතාණෙනි,

      ඔබගේ මේ දීර්ඝ අදහස් දැකිවීම සහ පැහැදිලි කිරීම මම ඉතා අගය කොට සලකනවා. ඔබට බුදු දහම පිළිබඳව ඇති අවබෝධය ගැනත් එය අන් අයට පැහැදිලි කර දීමට දරන උත්සාහයත් මම අගය කරනවා.

      මම ලිපිය ලියන්න හේතු වුනේ ඔබ ඔය පැහැදිලි කර තිබෙන බුදු දහම වැරදියි හෝ එහි ඇති කරුණු ගැන සාකච්චා කිරීමට වඩා ඔය සඳහන් කරනු අපි මේ එදිනෙදා ජීවිතේදී කොහොමද ප්‍රායෝගිකව යොදා ගන්නේ කියන එක ගැන මගේ අදහස ලියා තබන්න සහ මම කොහොමද ඒ මාර්ගයට යොමු උනේ කියන එක කියන්න.

      සරල උදාහරණයකින් කියන්නම්
      බුදු දහමේ මුලික හරය වෙච්ච මනුෂ්‍යයා තුල ඇති වෙන ඔබ ඉහත සඳහන් කල මේ කරුණු සමග අපි ප්‍රයෝගිකව ජිවත් වෙන්නේ කොහොමද කියන එකයි මට තේරුම් ගන්න ඕනේ වුනේ

      1. සක්කාය දිට්ටිය
      2. විචිකිච්චාව
      3. සීලබ්බතපරාමාස
      4. කාමරාග
      5. පටිඝ
      6. රූපරාග
      7. අරූපරාග
      8. මාන
      9. උද්ධච්ච
      10. අවිජ්ජා

      ඉහත සඳහන් දේ ප්‍රහාණය කිරීමට බුදු දහම තුල බොහෝ උපදෙස් ලබා දී තිබෙනවා. ආර්ය අෂ්ටාංගික මාර්ගය ඒක.

      ධර්ම කරුණු වශයෙන් මේ ටික විසඳා ගන්න තව බොහෝ උපදෙස් බුදු දහමේ විවිධ සුත්‍ර වල අඩංගුයි.

      මම හිතන්නේ අපි මුළු බුදු දහමම ඉගෙන ගෙන මේ ඉහත කියපු ටික වන්ෂොට් නැති කරගන්න උත්සාහ කරනවා වගේ වැඩක් මේ කරන්නේ.. හැබැයි ඔය ඉහත තියෙන කරුණු 10න් එකක් හරියට තේරුම් අරගෙන අන්න ඒක මේ එදිනෙදා ජිවත් වෙන අතරේ ප්‍රායෝගිකව නැති කරන්න ට්‍රයි කරන එක වැදගත් නැද්ද?

      මම තව සරල ප්‍රශ්නෙකුත් අහන්නම්. ඔබතුමා දැන් අවුරුදු 25ක් තිස්සේ බුදු දහම ඉගෙන ගෙන ඔබ තුලින් මේ වෙනකොට සම්පුර්නයෙන්ම ප්‍රහාණය වෙලා තියෙන දේවල් මොනවාද කියල කියන්න පුළුවන් ද? මේක මම ඔබ තුමාව අපහසුතාවයට පත් කරන්න අහන දෙයක් නෙවෙයි. මට ඇත්තටම දැන ගන්න ඕනේ.

      මම ඔබ තරම් මුහුකුරා ගිය කෙනෙක් නෙවෙයි. හැබැයි මට කියන්න පුළුවන් ඔය ඉහත කියපු කරුණු 10න් ඕනෙම එකක් මගේ හිතේ ඇතිවෙන ඕනෑම මොහොතකදී ඒකට සංවේදී වෙන්න පුළුවන් හිතක් මම හදාගෙන තියෙනවා. ඒ සංවේදී කම ඇති වුනේ මම ඔය සියල්ල ගැන තියෙන කරුණු ඔක්කොම ඉගෙන ගත්ත නිසා නෙවෙයි. හැමදාම උදේ හවස ඕවා ගැන හිතල තේරුම් අරන් ඒක ප්‍රායෝගිකව පාවිච්චි කරපු නිසා.

      එකෙන් අදහස් වෙන්නේ නෑ මට සියල්ල තේරිලා කියල. හැබැයි හිතේ ඇතිවෙන සිතිවිල්ලක් පස්සේ කොච්චරක් දුර මම යනවද කියන එකේ කොන්ට්‍රෝල් එක තියෙන්නේ මගේ අතේ. කෙටියෙන් කිව්වොත් සිහියෙන් සිතිවිලි දකින්න මට සැහෙන දුරට පුළුවන්. නමුත් තව බොහෝ දුරක් යා යතු බවත් මම දන්නවා.

      මම කැමතියි ඔබ තුමාගේ අදහස් දැන ගන්න.

      Delete
    2. ඉතින් ඔබ අහල තියෙන ප්‍රස්න වලට උත්තර දෙන්නම්..

      1…ඉහත සඳහන් කල මේ කරුණු සමග අපි ප්රයෝගිකව ජිවත් වෙන්නේ කොහොමද කියන එකයි මට තේරුම් ගන්න ඕනේ වුනේ…

      [කුමාර ]ඉහත සදහන් දේ සියල්ල පැවිදි වීමකින් තොරව ගිහිව ඉදගෙන පුහුනු කල හැකියි. ඔබ අහලා ඇතිනේ බුදුරජානන් වහන්සේගෙන් ප්රසන්සා ලබපු ගිහි ශ්රාවකයන්/ ශ්රාවිකාවන්. විශාඛා… සුමනා… සුජාතා… බන්ධුල මල්ලිකා
      චිත්ත ගෘහපති හෝ හත්තාලවක උග්ග වගේ විය යුතුයි.
      අනාථපිණ්ඩික මහ සිටානන් වේලුඛන්ඨකී නන්දමාතා, කුජුත්තරා, චිත්රගෘහපති, වේසාලිකා උග්ග, හත්තාලවක, බිම්බිසාර මහ රජු වැනි පුද්ගලයන් කොතරම් සිල්වත් චරිත. චිත්ත ගෘහපති ආනාගාමි කෙනෙකි.විශාඛා සෝතාපන්න වූයේ අවුරුදු හතක (7) තරම් කුඩා දැරියකව සිටියදී ය.

      2.මම හිතන්නේ අපි මුළු බුදු දහමම ඉගෙන ගෙන මේ ඉහත කියපු ටික වන්ෂොට් නැති කරගන්න උත්සාහ කරනවා වගේ වැඩක් මේ කරන්නේ.. හැබැයි ඔය ඉහත තියෙන කරුණු 10න් එකක් හරියට තේරුම් අරගෙන අන්න ඒක මේ එදිනෙදා ජිවත් වෙන අතරේ ප්රායෝගිකව නැති කරන්න ට්රයි කරන එක වැදගත් නැද්ද?

      [කුමාර ]බුද්ධ කාලයේ ප්රඥ්ඥාවෙන් ඉහල අය ඔය ඔක්කොම සන්යෝජන දර්ම දහයම වන්ෂොට් නැති කරගත්ත අය හිටියා. ඔබ අහලා ඇතිනේ බාහියදාරුචීරිය. වේගයෙන්ම දර්මය අවබොද කලා කියල අග තැන්පත් කම ලැබුනේ. ඒ වේගයෙන් අවබොද වෙන්නේ, පංච ඉන්ද්රිය ධර්ම (ශ්රද්ධා, වීරිය, සති, සමාධි, ප්රඥා ) මෝරන/ වැඩෙන ප්රමානයට අනුවයි. පස්සේ පංච බල වෙනවා. බුදුරජානන් වහන්සේ ඒ පෙර කල කර්ම විපාකය පැහිදිලි කරනවා. විස්තර ඔනානම් කියන්න.

      2.මම තව සරල ප්රශ්නෙකුත් අහන්නම්. ඔබතුමා දැන් අවුරුදු 25ක් තිස්සේ බුදු දහම ඉගෙන ගෙන ඔබ තුලින් මේ වෙනකොට සම්පුර්නයෙන්ම ප්රහාණය වෙලා තියෙන දේවල් මොනවාද කියල කියන්න පුළුවන් ද?

      [කුමාර ]සාමන්යයෙන් තම තමන්ගේ සංයොජන ප්‍රහානය වුන බව තම තමන් දන්නවා. ආර්යශ්‍රාවකයෙකු දස කතාව පුරුදු කරන නිසා, අල්පේච්ච කියන්නේ, තමන්ගේ ගුන හෙලි කරන්නේ නැහැ. නමුත් ඊට සමාන අය එක්ක දර්ම කතාවේ යෙදෙනකොට එකිනෙකා තේර්ම්ගන්නවා. අනිත් එක තමයි, එහෙම ප්‍රකාශ කලොත්, එක්කෙනෙකුට අදි මානයත්, අනෙක් කෙනාට හීනමානයත් ඇතිවෙන නිසා. දහම් කන්නඩියෙන් තම් තමන් බලාගන්නකොට තේරෙනවා.

      4. බුදු දහමේ එන පහාණ සංඥාව කියන එක මම අසා නැති දෙයක්.

      [කුමාර ] ගිරිමානන්ද සුත්රය : අනිත්ය සංඥාව අනත්ත සංඥාව, අසුභ සංඥාව, ආදීනව සංඥාව, පහාණ සංඥාව, විරාග සංඥාව, නිරෝධ සංඥාව, සබ්බලෝකේ අනභිරත සංඥාව, සබ්බ සංඛාර අනිත්ය සංඥාව , ආනාපානසතිය යන දස සංඥාව

      5. සද් ධර්මය කියන්නේ විශ්වයේම පවතින සත්යතාවයක් . ඒ සත්යතාවය එක වරක් තේරුම් ගත්තට පස්සේ අපිට ඒ ධර්මය බුදු දහම තුල විතරක් නොවෙයි ලෝකයේ පවතින අනෙකුත් ආගම් / විශ්වාස තුලිනුත් දකින්න පුළුවන්. අපට ධර්මය අත් හැරීමට හැකිවන තුරු ධර්මය වටහාගත නොහැකි බව මගේ අදහසයි.

      [කුමාර ] බුදු දහමෙන් ඇරෙන්න වෙනත් කිසිම ආගමක චතුර් ආර්ය සත්ය දේශනා කරල නැහැ. ඉතින් අපිට සංසාරෙයෙන් නිදහස් වීමක් කරන්න පුලුවන් වෙන්නේ බුදු දහමෙන්ම පමනයි. බුදුදහම වෙනත් කිසිම ආගමකට සමාන කරන්න යන්න එපා. ඒක මහත් අකුසල කර්ම රැස්වෙන වැඩක්. ඉස්සෙලාම දර්මය අත් හැරීයොත් කොහොමද ධර්මය අවබෝද කරන්නේ ? ඔරුවෙන් එගොඩ වෙලයි ඔරුව දාල යන්නේ.

      ඔය ඔක්කොම ප්‍රස්න, තර්ක හිතෙන් එන්නේ, බුදුරජානන් වහන්සේ වදාල දර්මය හොදට අහල [ඉස්සෙල්ල කිව්ව වගේ, අව්යාජ කලන මිතුරු අසුරෙන්] තියන දහම් දනුම නිරවුල් කර ගන්නකන්.

      තව ඔනැම දහම් ගැටලුවක් හෝ අපහැදිලි දෙයක් තියනවනම් අහන්න.

      ඔය ජඩ හිතනම් විස්වාස කරන්න එපා.

      මේ සිත..
      සිතට දැනෙන අරමුණු..
      සිතේ හටගන්නා විඤ්ඤාණය,
      සිතයි අරමුණුයි විඤ්ඤාණයයි එකතුවීම සිතේ ස්පර්ශය,
      සිතේ ස්පර්ශයෙන් හටගන්නා විඳීම,
      විඳීන අරමුණු හඳුනාගැනීම,
      හඳුනාගත් අරමුණුවලට අනුව චේතනා ඇතිවීම,
      අරමුණු කෙරෙහි ආශාව ඇතිවීම,

      හේතුන් නිසා හටගත් හෙයින්ද,
      හේතු නැතිවීමෙන් නැතිවී යන හෙයින්ද, අනිත්යයි….. අනිත්යයි…. අනිත්යයි….
      අරමුණු කෙරෙහි ආශාව ඇතිවීම, මම නොවෙයි…. මගේ නොවෙයි

      උතුම් සම්බුදු බලයෙන්,
      පසේ බුදුගුණ බලයෙන්,
      රහතුන්ගේද තේජසින්,
      සියලු රැකවරණ වේවා..!

      තෙරුවන් සරණයි !

      කුමාර

      Delete
  23. සත්‍යාවබෝධයට මත්පැන්බී ම බාධාවක් නෙමේ කියන තොගෙ මහලොකු සත්‍යාවබෝධයේ තරම හිතාගන්න පුලුවං

    ReplyDelete
  24. බුදු දහම හා හාමුදුරු දහම
    මම දකින විදියට නම් නිවන(සත්‍යාවබෝධය ) කියන්නෙ මේ විශ්වයේ ස්වභාවිකව සිදුවන දේවල් නිවැරිදිව තමන්ගේ බුද්ධියෙන් අවබෝධ කරගන්න එකයි. ඒ අවබෝධයට ආපු කෙනාට මේ කිසිම සිදුවීමක් දුකක් වෙන්නේ නැහැ නෙ. මේ දක්වා මම අවබෝධ කරගත්තු එක දෙයක් නම් මෙ විශ්වයේ තිබෙන කිසිම දෙයක් අත්භූත නැහැ. අපිත් ඒකෙම කොටසක් මිසක් වතාවත් කරලා පූජා පවත්වලා එකෙන් වෙන් වුණු වෙනම තලේකට යන්න බැහැ. වෙනස අවබෝධය තියන කෙන ස්වභාවික සිද්ධි එක්ක බැඳෙන්නෙ නැහැ.
    බුදුරජාණන් වහන්සේ ධර්මය ඔරුවකට උපමා කරේ මෙ නිසයි. ධර්මය තියෙන්නෙ එතෙර වෙන්න මිසක් කර ගහගෙන යන්න නෙවෙයි නෙ.(කුල්ලූපමං වෝ භික්කවෙ ධම්මං දෙස්සියාමි, නිත්තරණත්තය න ගහණත්තාය )
    අද හාමුදුරුවෝ මෙක බලෙන් කරට පටවන්න උත්සාහයක් ගන්නව. එ ඇන්දවිල්ලට අහුවෙන කෙනා කවදාවත් ගොඩ යන්නෙ නම් නැහැ. ආගමික කුහකත්වය කියන්නෙ ඔන්න ඕකට.

    ReplyDelete
  25. ලිපියෙන් හා ඊට ප්‍රතිචාර ලෙස පැමිණි සංවාද වාද විවාද තුළින් බොහෝ දෑ ඉගෙන ගතිමි. ස්තුතියි. පින් ඔබ සැම දෙනටම

    ReplyDelete
  26. After going over a handful of the blog articles
    on your website, I truly like your way of blogging.
    I saved as a favorite it to my bookmark site list and will be checking back in the near future.
    Please visit my website as well and tell me your
    opinion.

    ReplyDelete