Sunday, January 31, 2016

මලක්කා, ඉපෝ, මලක්කා, බුකිට් ෆ්‍රේසර් සහ රවුබ්

සුබ අලුත් අවුරද්දක් වේවා!

මම හිතන්නේ තාම මේ අවුරුද්ද අලුත් අවුරුද්දක් කියල සලකන එක වලංගුයි... 

මලක්කා සමුද්‍ර සංදිය ගැන ඉස්සර නම් ඉස්කෝලේ සමාජ අධ්‍යනය පොතේ තිබුනා. දැනුත් ඇති..

මලක්කා නගරය පිහිටලා තියෙන්නේ මැලේසියානු අර්ධද්වීපයේ දකුණු කොටසට වෙන්න. මලක්කා සමුද්‍ර සංදිය කියන්නේ මැලේසියාව සහ ඉන්දුනීසියාවේ සුමාත්‍රා දුපත අතර තියෙන කිලෝමීටර් 805 ක් විතර වෙන පටු මුහුදු තිරයට. පළල ආසන්න වශයෙන් 2.8 km වගේ තමයිලු වෙන්නේ..

ගිය අවුරුද්දේ නොවැම්බර් මාසේ එක්තරා සති අන්තයක අපි දෙන්න ගියා ඔය මලක්කා නගරයට. මලක්කාව මැලේසියාවේ සංචාරක ආකර්ෂණය තියෙන පැරණි නගරයක්. ක්වාලා ලාම්පුර් ඉඳල පැය දෙකක විතර ගමනකින් යන්න පුළුවන්.

පහුගිය සැප්තැම්බර් මාසේ එක්තරා දවසක අපි අවුරුදු 2 හමාරක් විතර හදල 90% විතර ඉවර කරලා තිබුණු  ප්‍රොජෙක්ට් එක රැයකින් නතර කරලා දාන්න මේ රටේ ලොකුම තැනින් නියෝගයක් ආවා.. අපිට ආරංචි විදියට එකට හේතුව අපි කරපු ප්‍රොජෙක්ට් එක රටේ ලොකුම තැන ගේ (බිරිඳගේ)  ඉතා හිතවත් මිත්‍රයකුගේ පෞද්ගලික ආයතනයකට බාර දීලා... එතුමාගේ අත්සනින් ආපු ලිපියක් මගින් මේ රටේ රජයේ තැනක් වෙච්ච අපේ ආයතනය විසින් සෑහෙන වෙහෙසක් දරල බොහොම හොඳ තත්වයෙන් හදපු ප්‍රොජෙක්ට් එක රැයකින් නතර කරලා  අපිට මැලේසියාවේ ආශ්චර්යය පෙන්නලා දුන්න...  මැලේසියාවත් හරිම ආශ්චර්යමත් රටක්.  අපි ඒ ආශ්චර්ය ගැන වෙනම විස්තර පස්සේ කතා කරමු..

ඊට පස්සේ ඉතින් සුපුරුදු විදියට අපි තවත් ප්‍රොජෙක්ට් එකකට සෙට් වුණා. අපරාදේ කියන්න බෑ.. මෙහෙ එකක් යන්න එකක් වැඩ තියෙනවා..

ඔය සෙට් වෙච්ච දෙවෙනි ප්‍රොජෙක්ට් එකේ අම්බානක් වැඩ.. අම්බානක් කියන්නේ පැය 8ම ෆුල් ටයිම් වැඩ. ඒ කියන්නේ ඔළුව කචල් වෙන්නම වැඩ.. පහුගිය මාස 2-3 හරි හමන් දෙයක් ලියා ගන්න බැරි වුනේ ඇත්තටම කිව්වොත්  ඉහල රාජ්‍ය තාන්ත්‍රික බලපෑම් නිසා හෙවත් ජාත්‍යන්තර කුමන්ත්‍රණ නිසා කියල කියන්නත් පුළුවන් ඕන නම් (මම කොහොමත් කම්මැලි නැති, ඉතා උනන්දුවෙන් බ්ලොග් ලියන, කියවන et cetra et cetra බ්ලොග් කරුවෙක්  නිසා මොකුත් ලියන්න බැරි වුනේ ඒ නිසාමයි ඔන්න.. ).

හරි ඉතින් ඔහොම අධික වැඩ කර කර ඉන්න අතරේ අපි දෙන්න ඔය මලක්කා නගරේ රවුමක් ගියා.කොටින්ම හෝටලයක් වත් බුක් කරන්නේ නැතුව ගියේ.. ගිහිල්ලා හොයා ගන්නම් කියල.. මෙහෙ සාමාන්‍යයෙන් තරු 3-4 මට්ටමේ හෝටල් කාමරයක් සැහෙන්න අඩු මුදලකට හොයා ගන්න පුළුවන්.  හැබැයි දීර්ඝ සති අන්ත වල නම් කීයටවත් කලින් බුක් කරන්නේ නැතුව යන්න හොඳ නෑ.. සාමාන්‍ය සති අන්තවල එච්චර අවුලක් නෑ.. අපි දෙන්න උදේ පාන්දර 9-10 ට විතර ගෙදරින් පිටවෙලා දවල් 12,1,2 වගේ වෙද්දී මලක්කාවට ආවා. ටවුම පුරා කැරකිලා හොටලෙකුත් හොයා ගත්තා...  ඊට පස්සේ හවස් වරුව ඇවිද්දා

දැන් අපි පින්තුර කීපයක් බලමු...

මේ පින්තුරය නම් ගුගල් එකෙන් උස්සපු එකක්..

මේ තියෙන්නේ ඔය මලක්කා වල බලන්න තියෙන දේවල් වලින් කීපයක් තියෙන පින්තුරයක්.. ඔය උඩින්ම තියෙන කණුව නගරයේ සිරි නරඹන්න එන සංචාරකයින් වෙනුවෙන් හදපු එකක්.. උඩින් තියෙන රවුම් වේදිකාව වටේට කැරකෙනවා. මුළු මලක්කා නගරයම බලන්න පුළුවන් ඕක උඩට නැග්ගහම..

කණුවට වම් පැත්තෙන් තියෙන්නේ මෙහෙ බලන්න තියෙන A Famosa කියන පරණ පෘතුගීසි කාලෙට අයත් බලකොටුවක්, ඊට යටින් තියෙන්නේ නගරේ මැද්දේ තියෙන තව පෞරාණික තැනක්, ඊටත් යටින් තියෙන්නේ චීන විදියක්,  කණුවට කෙලින්ම යටින් තියෙන්නේ A Famosa බලකොටුව උඩට නැග්ගම තියෙන කවුද ශාන්තු වරයෙක්ගේ ප්‍රතිමාවක්...

මේ තියෙන්නේ ඔය කණුව උඩ ඉඳල මම ගත්ත පින්තුර දෙක තුනක්


ඔන්න මලක්කා කියන්නේ ඔය වගේ නගරයක්..


ඊට පස්සේ රෑ වෙලා මෙහෙ තියෙනවා Jonker walk කියල පොඩි ෂොපින් කරන්න හොඳ පාරක්, පාර දෙපැත්තේම කඩ දාගෙන පොඩි පොඩි විසිකුරුත්තන් බඩු විකුනනවා, එක එක කෑම ජාති එහෙම ඕනේ තරම්.. සෙනසුරාදා රෑ එළිවෙනකම් වගේ මේකේ බිස්නස් යනවා.. 

මේ තියෙන්නේ අපි ගිය දවසේ තිබුණු මොකක් ද චීන උත්සවයක්

අරුමෝසම් බඩු විකුණන කඩ
 මේවා නම් හරි ලස්සනයි.. හෙන ක්‍රියේටිව් බඩු තිබුන..


මේ තියෙන්නේ තව




පොද වැස්සක් එක්ක ජනාකීර්ණ වෙච්ච ජෝන්කර් වීදිය තමයි මේ

හරි ඉතින් රෑ 12 විතර වෙනකම් බස්ටි නගයි මමයි ඕකේ ඇවිදලා. පුච්චපු දැල්ලෝ එහෙම කාලා..  පහුවදා උදේ ගියා මෙහෙ තියෙන සමුද්‍ර කෞතුකාගාරේ බලන්න..

මෙතන තියෙනවා මරු නැවක්..


මේ තියෙන්නේ Flor de la Mar (Flower of the Sea) කියන පෘතුගීසි වෙළඳ නැවේ ආකෘතියක්.. මේක ක්‍රිස්තු වර්ෂ 1511 දී මේ මලක්කා සමුද්‍ර සන්ධියේදි මුහුදුබත් වෙලා තියෙනවා. පස්සේ මැලේසියානුවන් මේ ආකෘතිය මෙතන හදල තියෙනවා..

මේ නැව ඇතුලට යන්න පුළුවන්.. අපි දෙන්න පැයක් විතර නැවයි ඊට ටිකක් එහායින් තියෙන සාගර කෞතුකාගාරෙයි විතරයි එදා බැලුවේ.. ඊට පස්සේ ආපහු ආවා...

අපි මලක්කාවෙන් ගියේ ආයේ පස්සේ වෙලාවක එන්න හිතාගෙන මොකද බලන්න තිබුණු ගොඩක් දේවල් අපි බැලුවේ නෑ..

ඊට පස්සේ දෙසැම්බර් මාසේ අපේ අම්මා ඇනුවල් ලීව් දාල මෙහෙ ආවනේ.. අපේ අම්මා අවුරුදු 30-35ක් රජයේ සේවය කරලා දැන් පැන්ෂන් අරන් ඉන්නේ..හැබැයි ඉතින් ගමනක් බිමනක් යන්න නිවාඩු ගන්න ඇනුවල් ලීව් ටික අක්කගේ පොඩි උන්ගෙන් අනුමත වෙන්න ඕනේ හෙහ් හෙහ්... 

අම්මා ආවට පස්සේ ඉතින් රට තොට බලන්නත් එක්ක අපි තව ගමනක් ගියා..




14 comments:

  1. //එතුමාගේ අත්සනින් ආපු ලිපියක් මගින් මේ රටේ රජයේ තැනක් වෙච්ච අපේ ආයතනය විසින් සෑහෙන වෙහෙසක් දරල බොහොම හොඳ තත්වයෙන් හදපු ප්‍රොජෙක්ට් එක රැයකින් නතර කරලා අපිට මැලේසියාවේ ආශ්චර්යය පෙන්නලා දුන්න.

    එහෙත් එහෙමද? අඩේ අප්පා මෙහෙත් එහෙමයි නෙව.... එක්කෝ පැතුමා යන යන තැන එහෙම වෙනවා වද්ද ???

    ඒකෙන් කාරී නෑ , මුලින්ම දාපු පින්තුරේ ඇරෙන්න කිසිම පින්තුරයක් නොපෙනේ. මුලින් දාපු එක දැක්ක ගමන් යකා නැග්ග. අම්මප ගමනක් ගියා කියල දාන පින්තුර අන්තර්ජාලයෙන් ඇදල දාල තියෙන ලස්සන!!

    පින්තුර හදාපන් ගොය්යෝ.. නැත්තම් පින්තුර නැතුව මේක දෙබස් විතරක් තියෙන මුද්‍රා නාටකේ වගේනේ.

    ඉඳල ඉඳල ඔය දාල තියෙන්නේ පෝස්ටු දෙකක්ම! නියමයි

    ReplyDelete
    Replies
    1. පින්තුර අවුල හැදුවා.. පොඩි මෙව්වා එකක් වෙලා තිබුනා..

      අපි යන තැන එහෙම වෙනවා කියන එක තමයි අපිත් දැන් හිතාගෙන ඉන්නේ.. අපි මෙහෙ ආවට පස්සේ ප්ලේන් අතුරුදහන් වුණා, ප්ලේන් වලට මිසයිල ගැහුවා.. ආර්ථිකේ කඩා වැටිල, දැන් දැන් බෝම්බ තර්ජනත් තියෙනවා..

      සිරාවටම අවුල අපේ තමයි... දුක තමයි ඉතින්

      Delete
  2. මට පින්තුර ෙප්න්ෙන් නැහැ ෙන් බං.. උඹ මාර යෑමක් ෙන් 9-10 ෙවනකං පටන් අරන් 12-1-2 ෙවනකම්ම ගිහිල්ලා.. මරු මරු.. ෙකාච්චර සතුටක්ද ලංකාවටත් වඩා අාස්තිැරියක් ඔෙහ් ත.ියනව කියල අහන ඒක.. හැක් අාහ්.. සුභ අළුත් අවුරුද්දක් ඒෙහනං..

    ReplyDelete
    Replies
    1. මොකක්ද බං මේ අණ්ඩර දෙමළෙ. කොමෙන්ට් දානකොට බීපු නැති වෙලාවක දාපං. හැක්...

      Delete
    2. අනේ හැබෑට උඹ කොලු කාමයෙන් මත් වෙලාද,. මොන වෙලේ බැලුවත් මගේ පස්සෙන්මයි.. හැක්..

      Delete
    3. දේශකයාගේ කොමෙන්ට් එක තේරුම් ගන්න ඌව හම්බවෙන්න යන්න වෙනවා වගේ.. හෙහ් හෙහ්
      පින්තුර අවුල හැදුවා..

      Delete
  3. අනේ ඉතිං අපිට අර සුකුරුත්තං බලා‍ගන්න පින නැති වෙච්ච හැටියක්.

    මොනව උනත් බොලා නියම ෆන් එකක් අරන් තියෙනව වගේ.

    ReplyDelete
    Replies
    1. ෆන් එකේ ඉතිරි ටිකක් තියෙනවා.. හෙහ් හෙහ්

      Delete
    2. ඒක බලල තමයි මෙතෙන්ට ආවෙ. හැක්..

      Delete
  4. velavaka gihin enna one. sinhala type venne naththe mokada?

    ReplyDelete
    Replies
    1. සිංහල අවුල දැන් හරි.. ගුග්ල් එකේ අවුලක් ද කොහෙද

      Delete